Breaking News : दिल्लीचे आरोग्यमंत्री सत्येंद्र जैन यांना अटक, मनी लाँड्रिंग प्रकरणी ईडीची कारवाई

दिल्ली मनपा निवडणूक होण्यापूर्वीच जैन यांना अटक झाल्याने आपला धक्का आहे. जैन यांनी हवालामार्फत पैसा मागवला होता. यामध्ये गैरव्यवहार झाल्याचा त्यांच्यावर आरोप आहे.

Breaking News : दिल्लीचे आरोग्यमंत्री सत्येंद्र जैन यांना अटक, मनी लाँड्रिंग प्रकरणी ईडीची कारवाई
मनी लाँड्रिंग प्रकरणी दिल्लीचे आरोग्यमंत्री अटकेत
Image Credit source: Google
संदीप राजगोळकर

| Edited By: वैजंता गोगावले, टीव्ही 9 मराठी डिजीटल टीम

May 30, 2022 | 8:14 PM

नवी दिल्ली : मनी लॉंड्रिंग (Money Laundering) प्रकरणी दिल्लीचे आरोग्यमंत्री आणि आम आदमी पक्षाचे जेष्ठ नेते सत्येंद्र जैन (Satyandra Jain) यांना ईडीकडून अटक (Arrest) करण्यात आली आहे. जैन यांच्या अटकेमुळे दिल्ली सरकारला मोठा धक्का बसला आहे. दिल्ली मनपा निवडणूक होण्यापूर्वीच जैन यांना अटक झाल्याने आपला धक्का आहे. जैन यांनी हवालामार्फत पैसा मागवला होता. यामध्ये गैरव्यवहार झाल्याचा त्यांच्यावर आरोप आहे. दिल्लीतील अरविंद केजरीवाल सरकारचे मंत्री सत्येंद्र जैन यांना ईडीने कथित मनी लॉन्ड्रिंग प्रकरणात अटक केली आहे. आम आदमी पक्षाचे (आप) नेते सत्येंद्र जैन यांच्याविरुद्ध मनी लाँड्रिंगचे हे ईडी प्रकरण ऑगस्ट 2017 मध्ये केंद्रीय अन्वेषण विभागाने (सीबीआय) त्यांच्या आणि इतरांविरुद्ध बेहिशोबी मालमत्ता बाळगल्याबद्दल नोंदवलेल्या एफआयआरशी संबंधित आहे.

एप्रिलमध्ये जैन यांच्या कुटुंबाची आणि कंपन्यांची 4.81 कोटी मालमत्ता जप्त

मनी लॉन्ड्रिंगच्या चौकशीच्या संदर्भात ईडीने एप्रिलमध्ये सत्येंद्र जैन यांच्या कुटुंबाची आणि त्यांच्या कंपन्यांची 4.81 कोटी रुपयांची मालमत्ता जप्त केली होती. जैन हे दिल्ली सरकारमध्ये आरोग्य, ऊर्जा, गृह, सार्वजनिक बांधकाम विभाग (PWD), उद्योग, शहरी विकास, पूर, सिंचन आणि पाणी मंत्री आहेत. 2018 मध्ये, ईडीने या प्रकरणासंदर्भात शकूर बस्ती येथील आप आमदाराची चौकशी केली होती. सुमारे 4.81 कोटी रुपयांची ही स्थावर मालमत्ता अकिंचन डेव्हलपर्स प्रायव्हेट लिमिटेड, इंडो मेटल इम्पेक्स प्रायव्हेट लिमिटेड, पर्यस इन्फोसोल्युशन प्रायव्हेट लिमिटेड, मंगलायतन प्रोजेक्ट्स प्रायव्हेट लिमिटेड, जेजे आयडियल इस्टेट प्रायव्हेट लिमिटेड, वैभव जैन यांच्या पत्नी स्वाती जैन, अजित प्रसाद जैन यांच्या पत्नी सुशीला जैन आणि सुनील जैन यांच्या पत्नी इंदू जैन यांच्याशी संबंधित आहेत, असे ईडीने एका निवेदनात म्हटले होते. (ED arrests Delhi Health Minister Satyendra Jain in money laundering case)

हे सुद्धा वाचा


Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें