IAS पूजा खेडकरनंतर आणखी एक आयएएसचा वाद चर्चेत, जिम-डान्स व्हिडिओनंतर अपंगत्व कोट्यातून निवडीवर प्रश्न?
अभिषेक सिंहने यांनी यूजला उत्तर दिले. त्यांनी लिहिले की, मला कोणत्याही टीकेचा त्रास होत नाही. पण माझ्या आयुष्यात पहिल्यांदाच असे घडले आहे, जेव्हा मी माझ्या टीकाकारांना प्रत्युत्तर देत आहे. कारण माझे हजारो समर्थक मला प्रत्युत्तर देण्यास सांगत आहेत. अन्यथा आमचे मनोधैर्य खचले जाईल.
पुणे येथील वादग्रस्त प्रशिक्षणार्थी आयएएस अधिकारी पूजा खेडकर चर्चेत आली आहे. अधिकार नसताना मागितलेली गाडी, कॅबिन या चर्चेनंतर पूजा खेडकर यांची यूपीएससीमधील निवड वादात आली आहे. दिव्यांग प्रमाणपत्र आणि नॉन क्रिमिलेअर प्रमाणपत्राचा विषय समोर आला आहे. त्याचवेळी आणखी एक आयएएस अधिकारी अभिषेक सिंह वादात आले आहे. अभिषेक सिंह यांनी अपंगत्वाचे बनावट प्रमाणपत्र दिल्याचा आरोप होऊ लागला आहे. 2011 मधील आयएएस अधिकारी असलेल्या अभिषेक सिंह यांनी ऑक्टोबर 2023 मध्ये राजीनामा दिला होता.
कोण आहे अभिषेक सिंह
अभिषेक सिंह यांची संघ लोक सेवा आयोगाच्या (UPSC) परीक्षेत अपंग कोट्यातून निवड झाली होती. त्यांनी लोकोमोटिव डिसऑर्डर असल्याचे म्हटले होते. अभिषेक यांनी एक्टिंग करिअरसाठी आयएएसचा राजीनामा दिला. सोशल मीडियावर त्यांचे जिम वर्कआउट आणि डान्सचे अनेक व्हिडिओ व्हायरल झाले आहेत. त्यानंतर त्यांच्या अपंगत्वाच्या आरक्षणातून झालेल्या निवडीवर प्रश्नचिन्ह उपस्थित केले जात आहेत. त्यावर अभिषेक यांनी उत्तरही दिले आहे. आपल्या विरोधात प्रोपेगेंडा चलवला जात असून तो बंद केला गेला पाहिजे, असे त्यांनी म्हटले आहे.
अभिषेक यांच्या व्हिडिओनंतर वाद
वर्ष 2011 बॅचचे आयएएस अधिकारी अभिषेक सिंह यांनी पूजा खेडकर प्रकरणात सोशल मीडियावर एक व्हिडिओ शेअर केला होता. त्यांनी प्रशासकीय निवडण प्रक्रियेत अधिक पारदर्शकतेची मागणी केली होती. त्यानंतर सोशल मीडिया यूजर्सकडून त्यांच्याच निवडीवर प्रश्न उपस्थित करण्यात आले. त्यांनीही यूपीएससीकडे बनावट अपंगत्वाचे प्रमाणपत्र दिल्याचा आरोप त्यांच्यावर झाला. एका युजरने म्हटले की, डान्स करणारे अभिषेक यांनी लोकोमोटर डिसेबिलिटी (PwBD-3) कॅटेगरीतून यूपीएससी उत्तीर्ण केली. रोशन राय नावाच्या यूजरने म्हटले, अपंग असताना IAS बनल्यानंतर जिममध्ये वजन उचलत आहे? थोडे असे ज्ञान आम्हालाही द्या. काहींनी अभिषेकच्या निवडीमागे वडिलांचा हात असल्याचे म्हटले.
वैसे तो मुझे किसी आलोचना से कोई फ़र्क़ नहीं पड़ता, पर ये मेरे जीवन काल में पहली बार है जब मैं अपने आलोचकों को जवाब दे रहा हूँ। और वो इसलिए क्योंकि मेरे हज़ारो समर्थक मुझसे कह रहे हैं कि आप जवाब दें नहीं तो हमारा मनोबल टूट जाएगा।अतः ये मेरा नैतिक कर्तव्य है कि मैं सच्चाई सामने… pic.twitter.com/e1rwB3H02R
— Abhishek Singh (@Abhishek_asitis) July 13, 2024
अभिषेक यांनी दिले उत्तर
अभिषेक सिंहने यांनी यूजला उत्तर दिले. त्यांनी लिहिले की, मला कोणत्याही टीकेचा त्रास होत नाही. पण माझ्या आयुष्यात पहिल्यांदाच असे घडले आहे, जेव्हा मी माझ्या टीकाकारांना प्रत्युत्तर देत आहे. कारण माझे हजारो समर्थक मला प्रत्युत्तर देण्यास सांगत आहेत. अन्यथा आमचे मनोधैर्य खचले जाईल. त्यामुळे त्यांच्या विश्वासाला तडा जाऊ नये म्हणून सत्य मांडणे हे माझे नैतिक कर्तव्य आहे. त्यामुळे हे उत्तर माझ्या समीक्षकांना नाही तर माझ्या समर्थकांना समर्पित आहे. माझे वडील आयपीएस नव्हते. संपूर्ण परिवारात मी एकटा आयएएस आहे.
