Kerala Flood: डोळ्यासमोर अख्खं घर वाहून गेलं, देवभूमी केरळात वरुणराजाचा रुद्रावतार, भूस्खलनात आतापर्यंत 24 जणांचा मृत्यू

केरळमधील कोट्यायमचा असाच एक व्हिडीओ समोर आला आहे, जो पाहिल्यानंतर कुणाचाही थरकाप उडेल. इथल्या मुंडकायममध्ये रविवारी मुसळधार पावसामुळे एक घर वाहून गेलं

Kerala Flood: डोळ्यासमोर अख्खं घर वाहून गेलं, देवभूमी केरळात वरुणराजाचा रुद्रावतार, भूस्खलनात आतापर्यंत 24 जणांचा मृत्यू
केरळमध्ये अख्खं घर पुरात वाहून गेलं.

केरळमध्ये निसर्गान थैमान घातलं आहे, इथं मुसळधार पावसानंतर पुन्हा एकदा भूस्खलनाच्या घटना सुरु झाल्या आहेत. केरळमधील कोट्यायमचा असाच एक व्हिडीओ समोर आला आहे, जो पाहिल्यानंतर कुणाचाही थरकाप उडेल. इथल्या मुंडकायममध्ये रविवारी मुसळधार पावसामुळे एक घर वाहून गेलं. केरळमध्ये शनिवारपासून मुसळधार पावसामुळे आलेल्या पूर आणि भूस्खलनामुळे किमान 24 जणांचा मृत्यू झाला आहे. रविवारी दुपारपर्यंत पाऊस थांबला होता, पण तरीही प्रशासनाने भूस्खलनाच्या धोक्यावर बारीक नजर ठेवली आहे. भारतीय हवामान विभागाने (IMD) सोमवारी 11 जिल्ह्यांमध्ये पावसाचा येलो अलर्ट जारी केला होता. गंभीर हवामानाचा अंदाज वर्तवण्यात आला आहे. दरम्यान, पंतप्रधान नरेंद्र मोदी यांनी परिस्थितीला सामोरे मदत देऊ केली आहे.

कोट्टायम आणि इडुक्की जिल्ह्यातील डोंगराळ भागात शनिवारी झालेल्या अतिवृष्टीमुळे अचानक पूर आला आणि त्यातच झालेल्या भूस्खलनामुळे लोकांचा मृत्यू झाल्याचे अधिकाऱ्यांनी सांगितले. इडुक्कीच्या जिल्हा दंडाधिकारी शीबा जॉर्ज यांनी सांगितले की खराब हवामानामुळे इडुक्कीच्या डोंगराळ भागात प्रवासावर बंदी आहे. “आतापर्यंत नऊ मृतदेह सापडले आहेत. दोन लोक बेपत्ता आहेत. “पंतप्रधान नरेंद्र मोदी यांनी केरळचे मुख्यमंत्री पिनराई विजयन यांच्याशी फोनवर चर्चा केली आणि पावसामुळे उद्भवलेल्या परिस्थितीवर चर्चा केली.

पाहा घर वाहून जातानाचा व्हिडीओ:

 

 

पंतप्रधान मोदींकडून मदतीचं आश्वासन

पीएम मोदी म्हणाले, “मी प्रत्येकाच्या सुरक्षिततेसाठी आणि कल्याणासाठी प्रार्थना करतो.” त्यांनी दुसऱ्या ट्वीटमध्ये म्हटले, ‘केरळमध्ये मुसळधार पाऊस आणि भूस्खलनामुळे काही लोकांचा मृत्यू झाला हे दुःखद आहे. माझ्या भावना शोकग्रस्त कुटुंबांसोबत आहेत. “केंद्रीय गृहमंत्री अमित शाह म्हणाले की, केरळमधील अतिवृष्टी आणि पुरामुळे प्रभावित लोकांना केंद्र सर्वतोपरी मदत करेल. एका ट्विटमध्ये ते म्हणाले की, “मुसळधार पाऊस आणि पूर पाहता सरकार केरळच्या काही भागातील परिस्थितीवर सतत लक्ष ठेवून आहे”.

गृहमंत्र्यांची परिस्थितीवर बारीक नजर

शाह म्हणाले की, “केंद्र सरकार गरजू लोकांना शक्य ती सर्व मदत करेल. बचाव कार्यात मदत करण्यासाठी एनडीआरएफची टीम आधीच पाठवण्यात आली आहे. मी सर्वांच्या सुरक्षेसाठी प्रार्थना करतो. “राज्याचे महसूल मंत्री के. राजन म्हणाले की, मृतांच्या नातेवाईकांना प्रत्येकी 4 लाख रुपयांची मदत दिली जाईल. बचाव कार्यादरम्यान तीन मुलांचे मृतदेह ढिगाऱ्यातून बाहेर काढण्यात आले असल्याचंही अधिकाऱ्यांनी सांगितले.

आता पावसाची शक्यता कमी

भारतीय हवामान विभागाने म्हटले आहे की, दक्षिणपूर्व अरबी समुद्र आणि लगतच्या केरळवर काल तयार झालेले कमी दाबाचे क्षेत्र आता कमकुवत झालं आहे. “त्याच्या प्रभावामुळे, केरळमध्ये 17 ऑक्टोबर रोजी वेगळा मुसळधार पाऊस अपेक्षित होता आणि त्यानंतर तो कमी होत जाईल,” असे विभागाने म्हटले आहे.

बेपत्ता लोकांचा शोध सुरु

संरक्षण प्रवक्त्याने सांगितले की, कोट्टायमला पोहोचलेल्या लष्कराच्या पथकाने बेपत्ता लोकांना ढिगाऱ्याखाली शोधण्यासाठी ऑपरेशन सुरू केले आहे. “स्थानिक सूत्रांच्या माहितीनुसार काही लोक अजूनही अडकले आहेत. सध्या मुसळधार पावसाचा अंदाज नाही. पांगोडे मिलिटरी स्टेशनच्या मद्रास रेजिमेंटने कुटिकलपासून 4 किलोमीटर अंतरावर असलेल्या कावली गावात बचावकार्य सुरू केले. ‘ मुख्यमंत्री पिनराई विजयन यांनी रविवारी लोकांना सतर्क राहण्याचे आणि अधिकाऱ्यांनी दिलेल्या सूचनांचे पालन करण्याचे आवाहन केले होते.

हेही वाचा:

VIDEO: सुरतच्या फॅक्ट्रीला भीषण आग, जीव वाचवण्यासाठी मजुरांच्या पाचव्या मजल्यावरून उड्या; दोघांचा मृत्यू

VIDEO | दहशतवादी लपलेले घरच भारतीय लष्कराने उडवले, इमारत झाली बेचिराख

Click on your DTH Provider to Add TV9 MARATHI