बसमध्येच काय करायला निघाले होते रे… प्रेमी जोडप्याने शेजारी-शेजारी स्लीपर सीट्स बुक केल्या… आणि त्यानंतर…

नुकताच एक अतिशय धक्कादायक असा प्रकार उघडकीस आला. ज्याने मोठी खळबळ उडाली. बसमध्ये असे काही घडले की, लोकांनी थेट डोक्याला हात लावली. हैद्राबादमध्ये राहणाऱ्या प्रियकर आणि प्रेयसीने हैद्राबादहून मछलीपटनम येथे जाण्यासाठी खासगी ट्रॅव्हल्सच्या बसमध्ये स्लीपर सीट्स बुक केल्या. बुकिंगवेळी त्यांनी शेजारी शेजारी सीट्स अगोदरच बुक करून ठेवल्या होत्या. दोघांनी सीट्स बुक करताना मोठा गेम केला आणि दोघांनी मुलीच्याच नावाने सीट बुक केल्या. त्यानंतर प्रवासी गाडीमध्ये चढले आणि घडलेला प्रकार चालकाच्या लक्षात आला. त्यानंतर थोडाही वेळ न घालता चालकाने थेट यांच्याकडे येऊन चाैकशी केली. चालकाने चाैकशी करताच प्रेमी युगलाचा संताप बघायला मिळाला. उलट त्यांनी चालकासोबतच अरेरावी करण्यास सुरूवात केली. चालकाने यावेळी वाद न वाढवता थेट त्यांना कंपनीच्या नियमानुसार आयडी नसल्याने संबंधित सीटवर बसू देण्यास स्पष्टपणे नकार दिला. यावरून वाद टोकाला गेला. दोघांनी चालकासोबत प्रचंड वाद घातला आणि आम्ही दोघे शेजारीच बसणार असल्याचा आग्रही पकडला.

मुळात म्हणजे बस चालकाने यांना नियम सांगणे त्यांना अजिबात पटले नाही. त्यांनी डोक्यात मोठा प्लॅन ठरवूनच हे सीट्स त्याप्रकारे बुक केली होती. बसचालक आणि प्रेमी युगलामधील वाद वाढल्याचे लक्षात येताच यादरम्यान काही प्रवासांनी हस्तक्षेप केला. त्यानंतर काही वेळ वाद निवळल्याचे बघायलाही मिळाले. पण प्रियकराच्या डोक्यात प्रचंड राग होता. प्रेयसीच्या शेजारी बसता न आल्याने तो संतापला होता.

सुरूवातीला सर्वांना वाटले की, वाद संपला. पण प्रेयसीने मछलीपटनम बसस्टँडला उतरताना आपल्या प्रियकराला म्हटले की, काहीही झाले तरीही या चालकाला सोडू नको… कारण चालकामुळे तिला आपल्या प्रियकराच्या शेजारी बसता आले नव्हते तो राग तिच्या मनात होता आणि उतरताना तिने आपल्या प्रियकराला थेट सोडायचे नाही म्हटल्याने प्रियकराच्या डोक्यात राग अधिकच गेला.

यानंतर काय मग आपल्या गर्लफेंडने न सोडण्याचा आदेश दिल्यानंतर प्रियकराने बसचालकावर जोरदार हल्ला केला. या हल्ल्यात चालक जखमी देखील झाला. या हल्ल्यानंतर चालक थेट पोलिस स्टेशनला पोहोचला. पोलिसांनी या प्रकरणात गुन्हा नोंद केला असून तपास केला जात आहे. या प्रकरणाची जोरदार चर्चा सध्या रंगताना दिसत आहे.