India Pakistan War: पाकिस्तानला पाठिंबा देत ‘हे’ इस्लाम देश एकवटले, भारताला धमकी देत म्हणाले…
OICचा डबल स्टँडर्ड पुन्हा एकदा उघड झाला आहे. OICने आपल्या निवेदनात म्हटले आहे की, "भारताकडून पाकिस्तानवर लावले जाणारे निराधार आरोप दक्षिण आशियामधील तणाव वाढवत आहेत."
इस्लामिक सहकार्य संघटना (OIC) ने पुन्हा एकदा आपला दुटप्पीपणा उघड केला आहे. OIC ने आपल्या निवेदनात म्हटलं आहे की, “भारताने पाकिस्तानवर लावलेले बिनबुडाचे आरोप दक्षिण आशियातील तणाव वाढवत आहेत.” पहलगाम हल्ल्यानंतर भारताने पाकिस्तानवर केलेले आरोप OIC ने “निराधार” ठरवले असून, भारताला चेतावणी देण्याची हिम्मत दाखवली आहे. यासोबतच, OIC ने काश्मीरला स्वायत्ततेचा अधिकार नाकारला जात असल्याचा दावा करत, संयुक्त राष्ट्रांच्या सुरक्षा परिषदेच्या ठरावांचा हवाला दिला आहे. मात्र, गाझा पट्टीतील युद्ध थांबवण्यात अपयशी ठरलेल्या आणि इस्रायलच्या विनाशकारी हल्ल्यांना रोखू न शकलेल्या OIC च्या या धमकीला किती वजन आहे, याचा अंदाज सहज लावता येतो.
OIC चा भारतविरोधी अजेंडा
TRT वर्ल्डच्या अहवालानुसार, न्यूयॉर्क येथे OIC ने “दक्षिण आशियातील बिघडत्या सुरक्षा परिस्थितीवर गंभीर चिंता” व्यक्त केली आहे. यामध्ये भारताने “इस्लामिक रिपब्लिक ऑफ पाकिस्तानविरुद्ध लावलेले निराधार आरोप” हे तणाव वाढवणारे प्रमुख कारण असल्याचं म्हटलं आहे. OIC मध्ये 57 देशांचा समावेश आहे, त्यापैकी 48 देश हे मुस्लिम बहुसंख्य असलेले आहेत. या 57 देशांच्या संघटनेने असंही म्हटलं आहे की, “अशा आरोपांमुळे आधीच अस्थिर असलेली परिस्थिती आणखी बिघडण्याचा धोका आहे.” तसेच, त्यांनी दहशतवादाचे सर्व प्रकार आणि स्वरूपांचा निषेध करण्याची आपली तत्त्वनिष्ठ भूमिका मांडली आहे. Mock Drill in Maharashtra : टॉर्च, मेणबत्ती, पैसे तयार ठेवा… तुमच्या शहरात सायरन वाजताच या गोष्टींची काळजी घ्या
काश्मीरवर OIC ची हस्तक्षेपाची हिम्मत
TRT वर्ल्डच्या अहवालानुसार, OIC ने काश्मीर प्रश्नावर पुन्हा एकदा आपली मर्यादा ओलांडली आहे. त्यांनी म्हटलं आहे की, “काश्मीरमधील न सुटलेला वाद हा दक्षिण आशियातील शांतता आणि सुरक्षेवर परिणाम करणारा प्रमुख मुद्दा आहे. जम्मू आणि काश्मीरमधील लोकांना त्यांच्या स्वायत्ततेच्या अविभाज्य अधिकारापासून वंचित ठेवलं जात आहे, ज्याची हमी संयुक्त राष्ट्र सुरक्षा परिषदेच्या (UNSC) संबंधित ठरावांमध्ये देण्यात आली आहे.” याशिवाय, OIC ने आपल्या निवेदनात म्हटलं आहे की, “संयुक्त राष्ट्रांचे सरचिटणीस (अँटोनियो गुटेरेस) यांनी दिलेल्या सहाय्याच्या प्रस्तावाचं OIC स्वागत करतं आणि संयुक्त राष्ट्र सुरक्षा परिषद तसेच प्रभावशाली देशांसह आंतरराष्ट्रीय समुदायाला परिस्थिती नियंत्रणात आणण्यासाठी तातडीचे आणि विश्वासार्ह उपाय करण्याचं आवाहन करतं.”
OIC चा दुटप्पीपणा उघड
OICचा पाकिस्तानला पाठिंबा देण्याने काही फरक पडत नसला, तरी यामुळे त्यांचा दुटप्पीपणा पुन्हा एकदा उघड झाला आहे. OIC ने आपल्या निवेदनात म्हटलं आहे की, “भारताने पाकिस्तानवर लावलेले बिनबुडाचे आरोप दक्षिण आशियातील तणाव वाढवत आहेत. आम्ही काश्मिरींना त्यांचा स्वायत्ततेचा अधिकार मिळवून देण्याची मागणी पुन्हा करतो, ज्याची हमी UN ठरावांमध्ये देण्यात आली आहे.” मात्र, हाच OIC चीनमधील उइगर मुस्लिमांवरील अत्याचारांबाबत गप्प आहे. हाच OIC अफगाणिस्तानातील तालिबानच्या क्रूर इस्लामी राजवटीबाबत आणि महिलांना घरात डांबून ठेवण्याच्या धोरणाबाबत मौन बाळगतो. हाच OIC पाकिस्तानातील शिया, अहमदिया आणि हिंदू अल्पसंख्याकांच्या दुरवस्थेवर कधीच बोलत नाही. पण भारताचा विषय येताच हाच OIC अचानक मानवाधिकारांचा पुरस्कर्ता बनतो.
