भारताचे मोठे यश; 5000 किमीचा पल्ला असलेल्या अग्नि-5 क्षेपणास्त्राची यशस्वी चाचणी
तज्ज्ञांच्या मते, अग्नी 5 विकसित करण्याचा आधार अग्नी 3 आहे. ज्यामध्ये पहिल्या आणि दुसऱ्या टप्प्यातील मोटर्स एकसारख्या असतात. मात्र अग्नी 5 मध्ये तिसऱ्या टप्प्याची मोटर बदलली आहे. ज्यामुळे ते इतर क्षेपणास्त्रांपेक्षा वेगळे झाले आहे. हे रोड मोबाईल लाँचरवरून देखील लॉन्च केले जाऊ शकते.
नवी दिल्ली : भारतीय लष्कराची ताकद आणखी वाढली आहे. जमिनीवरून जमिनीवर मारा करणाऱ्या अग्नी-5 क्षेपणास्त्राची बुधवारी यशस्वी चाचणी घेण्यात आली. एपीजे अब्दुल कलाम बेटावरून हे क्षेपणास्त्र सोडण्यात आले. या क्षेपणास्त्राची रेंज 5000 किमी सांगितली जात आहे. आज संध्याकाळी 7.50 वाजता हे क्षेपणास्त्र सोडण्यात आल्याची माहिती देण्यात आली आहे. कोणतेही शस्त्र आधी वापरले जाणार नाही, असे त्यांचे धोरण कायम राहणार असल्याचे सरकारने स्पष्ट केले आहे. अशा परिस्थितीत भारत आपली ताकद वाढवण्यावरच पूर्ण भर देईल. अग्नी 5 क्षेपणास्त्रामुळे भारताची लष्करी ताकद खूप वाढली असल्याचे बोलले जात आहे. चीनपासून पाकिस्तानपर्यंत सर्वजण अस्वस्थ आहेत. या क्षेपणास्त्राच्या खऱ्या रेंजबाबतही दोन्ही देशांमध्ये वाद सुरू आहे. (India’s great success; Successful test of Agni-5 missile with a range of 5000 km)
अग्नी 5 बद्दल सांगितले गेले आहे की त्याची फायरपॉवर 5000 किमी असणार आहे. तसेच, या क्षेपणास्त्राची पॉवरदेखील अधिक मानली जात आहे. कारण त्याच्या इंजिनवर बरेच काम केले गेले आहे. अग्नी V चे इंजिन थ्री-स्टेज सॉलिड इंधनापासून बनवण्यात आल्याचे सांगण्यात आले आहे. अशा परिस्थितीत त्याची क्षमता आणि अचूकता इतर क्षेपणास्त्रांपेक्षा अधिक असणार आहे.
मोबाईल लाँचरवरूनही लॉन्च करता येईल
तज्ज्ञांच्या मते, अग्नी 5 विकसित करण्याचा आधार अग्नी 3 आहे. ज्यामध्ये पहिल्या आणि दुसऱ्या टप्प्यातील मोटर्स एकसारख्या असतात. मात्र अग्नी 5 मध्ये तिसऱ्या टप्प्याची मोटर बदलली आहे. ज्यामुळे ते इतर क्षेपणास्त्रांपेक्षा वेगळे झाले आहे. हे रोड मोबाईल लाँचरवरून देखील लॉन्च केले जाऊ शकते. ज्यामुळे लगेच हल्ला करणे शक्य होते. 17.5 मीटर लांबी, 2 मीटर परिघ, 50000 किलो प्रक्षेपण वजन आणि 1550 किलो पेलोड या ब्रह्मास्त्रला अँटी-बॅलिस्टिक क्षेपणास्त्र प्रणालीद्वारे रोखणे कठीण आहे.
अग्नी मालिका क्षेपणास्त्र, जे डीआरडीओने 2008 मध्ये विकसित करण्यास सुरुवात केली. त्याची सॉलिड फ्यूल टेस्ट 2012 मध्ये प्रथमच करण्यात आली. त्यानंतर 2013, 2015, 2016 आणि 2018 मध्ये झालेल्या प्रत्येक कसोटीत त्याची नवी ताकद दिसून येत राहिली. आता अग्नी-5 देखील लॉन्च करण्यात आले आहे. ते 2020 मध्येच लॉन्च होणार होते. पण कोरोना विषाणूच्या साथीने त्याचाही परिणाम झाला. देशव्यापी लॉकडाऊनमुळे क्षेपणास्त्राचे काम बराच काळ थांबले होते. (India’s great success; Successful test of Agni-5 missile with a range of 5000 km)
Share Market Updates: शेअर बाजारातील दोन दिवसांच्या वाढीला ब्रेक, सेन्सेक्स 207 अंकांनी घसरला#NiftyToday #SensexToday #ShareMarketUpdate #ShareMarketUpdates https://t.co/dZzCT040vt
— TV9 Marathi (@TV9Marathi) October 27, 2021
इतर बातम्या
Jammu & Kashmir Raids: NIA चे काश्मीरमध्ये 11 ठिकाणी छापे, जमात-ए-इस्लामी विरोधात कारवाई
