Maharashtra News LIVE : इंडिया आघाडीचे खासदार राष्ट्रपतींची भेट घेणार-सूत्र

पुण्यातील एमपीएससीच्या विद्यार्थ्यांच्या आंदोलनस्थळ असणाऱ्या एस एम जोशी पुलावर संतोष पंडित जात होते. त्यावेळी त्यांनी पोलिसांना जाब विचारलाय. तुम्हाला जनतेच्या हिताचं काम करायचे तर रस्ता का आडून ठेवलाय. आंदोलनकर्ते आंदोलनाचे काम करतील. परंतु तुम्ही रस्ता का आडून ठेवलाय. यावेळी ट्रॅफिकची समस्या निर्माण होत असल्याचा सवाल देखील संतोष पंडित यांनी उपस्थित केलाय.

संतोष देशमुख हत्याकांडातीला आरोपीला मोठा दणका बसला आहे. वाल्मीक कराडनंतर विष्णू चाटेचाही हायकोर्टाने जामीन अर्ज फेटाळला आहे. त्याला एका वर्षानंतरच जामिनासाठी अर्ज करता येणार आहे.  बीडच्या मस्साजोगचे दिवंगत सरपंच संतोष देशमुख यांचे अपहरण करून खून केल्याप्रकरणी उच्च न्यायालयाने विष्णू चाटे याचा जामीन अर्ज फेटाळून लावलाय.  मकोका तसेच अ‍ॅट्रॉसिटी कायद्या अंतर्गत दाखल गुन्ह्यात चाटेचा प्रत्यक्ष व कटात सहभाग असल्याचे दर्शवणारे भक्कम पुरावे तपास यंत्रणेकडून सादर करण्यात आलेत.

जालन्याच्या बदनापूर तालुक्यातील नानेगाव गावात शेतकऱ्यांच्या बांधवर जाऊन सोयाबीन आणि कपाशी पिकांची पाहणी करणार आहे. तर अंबड तालुक्यातील किनगाव वाडी आणि जामखेड मध्ये देखील केंद्राच्या पथकाकडून फळबागांची पाहणी करण्यात येणार आहे.केंद्राच्या पथकाकडून प्रत्यक्ष पाहणी करण्यात येणार असून शेतकऱ्यांच्या व्यथा आणि अडी,अडचणी जाणून घेतल्या जाणार आहे

केंद्राचे दुष्काळी पथक आजपासून 2 दिवस सोलापूर जिल्ह्याच्या दौऱ्यावर असेल. केंद्रीय पथकाकडून बार्शी, उत्तर सोलापूर तालुक्यात आज पाहणी होणार आहे. तर उद्या सांगोला मंगळवेढा येथे कोरड्या दुष्काळाची पाहणी केली जाणार. आहे. सोलापूरचे जिल्हाधिकारी एस कार्तिकेनयन यांनी ही माहिती दिली. केंद्राच्या कृषी आणि शेतकरी कल्याण विभागाचे संयुक्त सचिव मुक्तानंद अग्रवाल यांच्या नेतृत्वात पथक येणार आहे.

नवरात्रोत्सवात भाविकांना सुलभ दर्शन मिळावे, यासाठी आज पासून तुळजाभवानी मातेचे दर्शन २२ तास सुरू राहणार आहे. या कालावधीत पहाटे १ वाजता मंदिर भाविकांसाठी खुले करण्यात येणार असून, घटस्थापनेच्या दिवशी मात्र मंदिर मध्यरात्री १२.१५ वाजता उघडण्यात येणार होणार आहे. तुळजाभवानी मातेचा वर्षातील सर्वांत मोठा उत्सव असलेल्या शारदीय नवरात्र महोत्सवाला ११ ऑक्टोबर रोजी घटस्थापनेने प्रारंभ होत आहे. अश्विन पौर्णिमेपर्यंत चालणाऱ्या या महोत्सवासाठी महाराष्ट्रासह आंध्र प्रदेश, कर्नाटक आणि तेलंगणा राज्यांतून लाखो भाविक तुळजापूरला येतात. भाविकांची मोठी संख्या लक्षात घेऊन मंदिर संस्थांनी हा निर्णय घेतला आहे आज पासून ते २१ऑक्टोबरदरम्यान पहाटे १ वाजता मंदिर दर्शनासाठी खुले करण्यात येणार आहे.

पुण्यातील एस एम जोशी पुलावर एमपीएससीच्या विद्यार्थ्यांसह रोहित पवार गेल्या आठ दिवसांपासून आंदोलन करीत आहेत. गेल्या आठ दिवसांमध्ये अनेक नेत्यांनी या आंदोलनाला पाठिंबा दिलाय मात्र सरकारच्या वतीने कुणीही आंदोलनाला भेट दिली नसून अजून देखील विद्यार्थ्यांशी कोणत्याही स्वरूपाची चर्चा झालेली नाही. आज सरकारच्या वतीने शिष्टमंडळ एमपीएससीच्या विद्यार्थ्यांशी चर्चा करण्यासाठी येणार का? हे देखील पाहणं महत्वाचं ठरणार आहे.  विद्यार्थी एमपीएससी अध्यक्षांच्या राजीनाम्यावर ठाम आहेत मात्र सरकारी पातळीवरून आंदोलनासंदर्भात अजून देखील कोणत्याही स्वरूपाच्या हालचाली होताना दिसत नाहीत. आम्हाला मुद्दाम त्रास दिला जातोय असा आरोप करून अलका चौकात गेलो तर उठणार नाही असा देखील इशारा रोहित पवार यांनी दिलाय..

नागपूर विभाग पदवीधर मतदारसंघाच्या निवडणुकीत भाजपचे बंडखोर उमेदवार अनिल सोले यांच्या भूमिकेकडे लक्ष लागले आहे. अनिल सोले हे भाजप नेत्यांपासून नॉट रीचेंबल असल्याची माहिती समोर आली आहे. भाजपने सुधाकर कोहळे यांना अधिकृत उमेदवारी दिल्यानंतर प्रा. सोले यांनी अपक्ष उमेदवारी अर्ज दाखल केला. सोले यांची समजूत काढण्यासाठी भाजपच्या वरिष्ठ नेत्यांकडून प्रयत्न सुरू मात्र प्रतिसाद नाही. प्रदेश अध्यक्ष रवींद्र चव्हाण सोले यांची मनधरणी करण्यासाठी त्यांच्या घरी गेले होते मात्र ते भेटले नाही

मुंबईत पावसाळा संपल्यानंतर अवघ्या काही दिवसांतच उष्णतेचा पारा वाढला आहे. गुरूवारी सांताक्रूझ येथे कमाल तापमान 37.6 अंश सेल्सिअस नोंदवण्यात आले. हे तापमान सामान्यपेक्षा तब्बल 4.5 अंशांनी अधिक असल्याची नोंद हवामान विभागाने केली आहे. त्यामुळे मुंबई आणि रायगड जिल्ह्यातील काही भागांसाठी भारतीय हवामान विभागाने आज देखील उष्णतेचा ईशारा दिला आहे. मुंबईत 3 ऑक्टोबर रोजी नैऋत्य मोसमी पावसाने माघार घेतल्यानंतर तापमानात मोठी वाढ झाली आहे. गुरूवारी मुंबईतील सांताक्रूझ वेधशाळेत यंदाच्या वर्षातील आतापर्यंतचे सर्वाधिक कमाल तापमान नोंदवण्यात आले बुधवारी सांताक्रूझ येथे 35.4 अंश सेल्सिअस तापमान होते

उद्या दिल्लीत होणाऱ्या कॉकरोच जनता पार्टीच्या आंदोलनाच्या पार्श्वभूमीवर नागपुरातील सीजेपी च्या काही कार्यकर्त्यांना पोलिसांकडून नोटीस बजावण्यात आली. नागपूर जिल्ह्यातील कुही तालुक्यातील सीजेपीचे कार्यकर्ते अक्षय रामटेके यांना कुही पोलीस स्टेशन कडून नोटीस देण्यात आली आहे १० ऑक्टोबरला दिल्लीत होणाऱ्या सिजेपी च्या आंदोलनात सहभागी होऊ नये असे नोटीसीत नमूद करण्यात आले आहे.