एका रात्रीत शेतकरी झाला मलामाल, शेतात काहीतरी चमकताना दिसलं आणि…!
आश्चर्याची बाब म्हणजे या हिऱ्याची किंमत लाखो रुपयांमध्ये आहे.
भोपाळ : कोणाचं नशिब कधी बदलेन काही सांगता येत नाही. असाच एक अजब प्रकार मध्य प्रदेशात समोर आला आहे. एका रात्रीत मध्य प्रदेशात (Madhya Pradesh) राहणाऱ्या शेतकऱ्यांचं नशिब बदललं आहे. अवघ्या दोन दिवसांच्या भाकरीसाठी रात्रंदिवस काम करणारा शेतकरी एका क्षणात लक्षाधीश झाला आहे. खरंतर, पन्ना जिल्ह्यातील 45 वर्षीय शेतकरी लखन यादव (lakhan yadav) याला त्याच्या जमिनीवर एक हिरा सापडला आहे. आश्चर्याची बाब म्हणजे या हिऱ्याची किंमत लाखो रुपयांमध्ये आहे. (mp farmer finds rs 60 lakh diamond in patch he leased for rs 200)
मिळालेल्या माहितीनुसार, शेतकऱ्याने हिऱ्याची चौकशी केली असता तो मौल्यवान असल्याचं लक्षात आलं. यानंतर शनिवारी खनिज विभागाने 60.6 लाख रुपयांमध्ये या हिऱ्याचा लिलाव केला आहे. ते झालं असं की, गेल्या महिन्यात लखन यादव यांनी 200 रुपये भाडेतत्त्वावर ही जमीन घेतली होती. लखनला त्याच्या जमिनीवर काही चमकणारी वस्तू दिसली ज्यामध्ये खोदताना 14.98 कॅरेटचा हिरा सापडला.
‘या हिर्याने माझे आयुष्य बदलले आहे, हा क्षण कधीही विसरणार नाही’
लखन यांच्या म्हणण्यानुसार, या हिऱ्याने माझे आयुष्य बदलले आहे. मी जेव्हा शेतात काहीतरी चमकताना पाहिलं तेव्हा तो क्षण मी कधीही विसरणार नाही. हिऱ्यावरची धूळ काढल्यानंतर माझ्या डोळ्यांवर विश्वास बसला नाही. खरंतर, हिरा पाहिल्यानंतर माझ्या हृदयाची धडधड सुरू झाली होती.
यानंतर लखनने त्याची ही कहाणी सोशल मीडियावरही शेअर केली होती. नेटकऱ्यांनी याला खूप पसंती दिली आहे. त्याचा एक फोटोही यामध्ये व्हायरल झाला आहे. आता या पैशांचं काय करणार असा प्रश्न विचारला असता मी अशिक्षित आहेत. त्यामुळे मी माझ्या चार मुलांचे चांगले शिक्षण करण्यासाठी या पैशांचा वापर करणार असल्याचं लखन म्हणाला. (mp farmer finds rs 60 lakh diamond in patch he leased for rs 200)
इतर बातम्या –
Farmers Protest | शेतकऱ्यांसाठी 30 खेळाडू मैदानात, राष्ट्रपतींकडे पुरस्कार परत करणार!
Bharat Bandh : उद्या नाही मिळणार दूध-फळ आणि भाज्या, फक्त ‘या’ सेवा राहणार सुरू
VIDEO | Jayant Patil | भारत बंदला शेकापचा पाठिंबा, बंद यशस्वी करण्याचं जयंत पाटलांचं आवाहन #BharatBandh #FarmersProtest pic.twitter.com/nQPMDMZdxl
— TV9 Marathi (@TV9Marathi) December 7, 2020
(mp farmer finds rs 60 lakh diamond in patch he leased for rs 200)
