मोठी घडामोड! एकाच फ्रेममध्ये गांधी कुटुंब अन् अमित शहा; लेकीच्या रिसेप्शनसाठी सुप्रिया सुळेंची लगबग

संसदेत एकमेकांवर तोफ डागणारे सत्ताधारी आणि विरोधक दिल्लीत एका कार्यक्रमात एकत्र आले. सुप्रिया सुळे यांची लेक रेवती सुळे यांच्या लग्नाच्या रिसेप्शन कार्यक्रमाला गांधी कुटुंब आणि केंद्रीय गृहमंत्री अमित शहा यांनी हजेरी लावली. तर याच कार्यक्रमात शरद पवार आणि पंतप्रधान नरेंद्र मोदी एकत्र चर्चा करताना दिसले. दुसरीकडे या कार्यक्रमाला अमित शहा, राहुल गांधी, सोनिया गांधी, प्रियंका गांधी यांच्या हजेरीची राजकीय वर्तुळात जोरदार चर्चा होत आहे.

राजधानी दिल्लीत सोमवारी राष्ट्रवादीच्या खासदार सुप्रिया सुळे यांची लेक रेवती सुळे यांच्या लग्नाचं रिसेप्शन कार्यक्रम दिल्लीत आयोजित करण्यात आलं होतं. या कार्यक्रमातील सहभागी झालेले पंतप्रधान नरेंद्र मोदी यांच्यासहित तर दिग्गज नेत्यांचे व्हिडिओ फोटो आणि व्हिडिओ समोर आले आहेत. राहुल गांधी यांनी सहकुटुंब हजेरी लावली. गांधी कुटुंबाने रेवती आणि सारंग यांना वैवाहिक आयुष्यासाठी शुभेच्छा दिल्या.

सुप्रिया सुले की बेटी के रिसेप्शन में दोनों बड़े नेता पहुंचे परिवार किस से कैसे मिला ध्यान से देखना . अमित शाह भी वही था गांधी परिवार भी वही था . सुप्रिया सुले पर ध्यान देना बस . pic.twitter.com/DgKfImhXzD

— Gurpreet Garry Walia (@garrywalia_) August 10, 2026

केंद्रीय गृहमंत्री अमित शहा यांनी या कार्यक्रमाला हजेरी लावली. अमित शहा यांनी पुष्पगुच्छ देऊन नवविवाहित जोडप्याला शुभेच्छा दिल्या. नवीन जोडपे आणि अमित शहा यांनी एकत्र फोटो देखील काढले. आता या कार्यक्रमातील फोटो आणि व्हिडिओ राजकीय वर्तुळात चर्चेचा विषय ठरत आहे. रेवती सुळे यांचं काही दिवसांपूर्वी सारंग लखानी यांच्याशी लग्न झालं. या कार्यक्रमाला राजकीय क्षेत्रासहित विविध क्षेत्रातील मान्यवरांनी हजेरी लावली. शरद पवार आणि सुप्रिया सुळे हे कार्यक्रमात पाहुण्याचे स्वागत करताना दिसले.

तत्पूर्वी, सोमवारी सुप्रिया सुळे यांनी पक्षाच्या 8 खासदारांसहित पंतप्रधान नरेंद्र मोदींची भेट घेतली. पंतप्रधान मोदींसमोर खासदारांनी मतदारसंघातील अनेक प्रश्न मांडले. सर्व आठ खासदारांनी त्यांच्या मागणीचं निवेदन पंतप्रधान मोदी यांच्याकडे दिले. या भेटीची राजकीय वर्तुळात जोरदार चर्चा झाली.