मोठी बातमी! कॉकरोच जनता पार्टीच्या आंदोलनापूर्वीच थेट रेल्वे गाड्या रद्द, दिल्लीच्या दिशेने जाणाऱ्या..

कॉकरोच जनता पार्टीचे दिल्लीत आंदोलन आहे. उद्या ज्ञानेश कुमार यांच्या राजीनाम्यासाठी सीजेपी आंदोलन करत आहे. मात्र, त्यापूर्वीच मोठ्या घडामोडी घडताना दिसत आहेत. काही जिल्ह्यांमध्ये सीजेपीच्या कार्यकर्त्यांना पोलिसांनी नोटीस पाठवल्या आहेत तर आता रेल्वे विभागाने मोठा निर्णय घेतला. दिल्लीती उद्या होणाऱ्या CJP आंदोलनाच्या पार्श्वभूमीवर रेल्वे प्रशासनाने मोठा निर्णय घेतला. उद्या नवी दिल्ली आणि हजरत निजामुद्दीन रेल्वे स्थानकात पोहोचणाऱ्या अनेक रेल्वे गाड्या रद्द करण्यात आल्या आहेत. यापूर्वी जंतर मंतरवर दिल्लीत कॉकरोच जनता पार्टीने आंदोलन केले. त्यावेळी कायदा सुव्यवस्थेची स्थिती निर्माण झाली होती. विद्यार्थी मोठ्या संख्येने जंतर मंतरवर पोहोचले होते. यासोबतच जंतर मंतरच्या बाहेरही विद्यार्थी रस्त्यावर उतरले होते. संसद परिसरात मोठा बंदोबस्त वाढवण्यात आला.

विद्यार्थ्यांनी संसदेच्या दिशेने मोर्चा काढला. ज्यावेळी सुरक्षेचा मोठा गंभीर प्रश्न उपस्थित झाला. कॉकरोच जनता पार्टीच आता ज्ञानेश कुमार यांच्याविरोधात उद्यापासून दिल्लीत आंदोलन करत आहे. अभिजीत दिपके यांनी विद्यार्थ्यांना ज्ञानेश कुमार यांच्या आंदोलनासाठी मोठ्या संख्येने दिल्लीत येण्याचे आवाहन केले. त्याच पार्श्वभूमीवर आता मोठा निर्णय घेतला.

दुसरीकडे इंडिया आघाडीचेही आंदोलन दिल्लीत सुरू आहे. राहुल गांधी आणि प्रियंका गांधी आक्रमक भूमिका घेताना दिसले. इंडिया आघाडीतील जवळपास सर्वच खासदार या मोर्चात सहभागी होते. आज 9 ऑक्टोबर रोजी दुपारी दोननंतर त्यांच्या मूळ स्थानकांवरून सुटणाऱ्या आणि उद्या 10 ऑक्टोबर पहाटे 4:00 ते दुपारी 2:00 या वेळेत नवी दिल्ली किंवा हजरत निजामुद्दीन स्थानकांवर पोहोचणाऱ्या सर्व मेल/एक्सप्रेस गाड्या रद्द करण्यात आल्या.

प्रवाशांना विनंती आहे की, त्यांनी यानुसार प्रवासाच नियोजन करावे अशी रेल्वे प्रशासनाची विनंती केली. विद्यार्थी मोठ्या संख्येने दिल्लीत पोहोचू नयेत, यामुळे हा निर्णय प्रशासनाकडून घेण्यात आल्याचे कळतंय. दिल्लीतील उद्याच्या कॉकरोच जनता पार्टीच्या आंदोलनाकडे सर्वांच्या नजरा आहेत. दिल्ली पोलिसांवर गंभीर आरोप करताना यापूर्वी अनेकदा अभिजीत दिपके दिसले. त्यातच आता रेल्वे प्रशासनाने हा निर्णय घेतला.