शेतकरी आंदोलनाला रिहाना ते ग्रेटाच्या पाठिंब्यावर शेतकरी नेते राकेश टिकैत काय म्हणाले?

शेतकरी आंदोलनाला पॉपस्टार रिहाना, पर्यावरणवादी कार्यकर्ती ग्रेटा थनबर्ग, मिया खलिफानं पाठिंबा दिला आहे. Rakesh Tikait foreign celebrities

शेतकरी आंदोलनाला रिहाना ते ग्रेटाच्या पाठिंब्यावर शेतकरी नेते राकेश टिकैत काय म्हणाले?
राकेश टिकैत

नवी दिल्ली: केंद्र सरकारच्या कृषी कायद्यांविरोधात दिल्लीच्या सीमांवर सुरु असलेल्या शेतकरी आंदोलनाचा आज 72 वा दिवस आहे. शेतकरी आंदोलनाला पॉपस्टार रिहाना, पर्यावरणवादी कार्यकर्ती ग्रेटा थनबर्ग, मिया खलिफा अशा परदेशातील व्यक्तींनी पाठिंबा दिला आहे. मात्र, भारतीय किसान युनियनचे नेते राकेश टिकैत यांनी मी त्या व्यक्तींना ओळखत नसल्याचं वक्तव्य केलं आहे. ग्रेटा थनबर्गविरोधात दिल्ली पोलिसांनी गुन्हा देखील दाखल केला आहे.(Rakesh Tikait said he don’t know them about support of foreign celebrities)

परदेशातील सेलिब्रेटी व्यक्तींनी शेतकरी आंदोलनाला पाठिंबा दिल्याच्या प्रश्नावर राकेश टिकैत यांनी त्यांना ओळखत नसल्याचं म्हटलं. टिकैत यांनी यावेळी संयुक्त किसान मोर्चासोबत केंद्र सरकारनं पहिल्यासारखी चर्चा करावी. शेतकरी सरकारशी चर्चेला तयार आहेत, असं वक्तव्य केलं आहे. पण, सरकारला हा विषय लांबवून आंदोलन वाढवायचं असल्याचं दिसतंय, शेतकरी सरकारशी चर्चेसाठी तयार आहे. त्यांनी आमच्याशी चर्चा करावी, असं राकेश टिकैत म्हणाले.

शेतकरी आंदोलनाला कुणी दिला पाठिंबा

अमेरिकेतील पॉपस्टार गायिका रिहाना, स्वीडनची पर्यावरणवादी कार्यकर्ती ग्रेटा थनबर्ग, अमेरिकेतील अभिनेत्री अमांडा केरनी, गायक जे सीन, डॉ. जियस, मिया खलिफा, अमेरिकेच्या उपराष्ट्रपती कमला हॅरिस यांची भाची मीना हॅरिस यांनी भारतातील शेतकरी आंदोलनाला पाठिंबा दिला आहे. तर, भारत सरकारनं शेतकरी आंदोलन अंतर्गत विषय असल्याचं म्हटलंय.

दिल्ली पोलिसांकूडन ग्रेटा विरोधात गुन्हा दाखल

पॉप सिंगर रिहानाने भारतीय शेतकऱ्यांना पाठिंबा दिल्यानंतर ग्रेटानेही त्याचं समर्थन केलं होतं. ग्रेटाने नुकत्याच केलेल्या एका ट्वीटमुळे ही बाब लक्षात आली आहे की, भारताविरोधात प्रचार करण्यासाठी विचारपूर्वक एक कट रचण्यात आला आहे. त्याचे काही पुरावेही मिळाले आहेत. भारताविरोधात कॅम्पेनिंग राबवण्याबाबतचा एक पूर्ण अॅक्शन प्लॅन तयार करण्यात आल्याचं दिसून आलं आहे. त्यात पोएटिक जस्टिस फाऊंडेशनचंही नाव समोर आलं आहे. ही फाऊंडेशन म्हणजे कॅनडामधील एक NGO आहे. या पार्श्वभूमीवर भारताविरोधात प्रचार केल्याच्या आरोपाखाली दिल्ली पोलिसांनी ग्रेटा थनबर्गविरोधात एफआयआर दाखल करण्यात आला आहे.

भारताविरोधात प्रचार केल्याच्या आरोपाखाली पर्यावरणवादी कार्यकर्त्या ग्रेटा थनबर्गच्याविरोधात दिल्ली पोलिसांनी एफआयआर दाखल केला आहे. त्यावर ग्रेटाने ट्विट केलं आहे. कोणत्याही धमकीचा काहीही फरक पडणार नाही. माझा शेतकऱ्यांना पाठिंबा सुरूच राहील, असं ग्रेटाने म्हटलं आहे.

संबंधित बातम्या:

Greta Thunberg | दिल्ली पोलिसांकडून ग्रेटा थनबर्ग विरोधात FIR, भारताविरोधात प्रचार केल्याचा आरोप

Greta Thunberg | धमकीचा फरक पडत नाही, शेतकऱ्यांना पाठिंबा सुरूच राहील; ग्रेटाचं नवं ट्विट

(Rakesh Tikait said he don’t know them about support of foreign celebrities)

Published On - 7:16 pm, Thu, 4 February 21

Click on your DTH Provider to Add TV9 MARATHI