रस्त्यावर पिझ्झाचा बॉक्स फेकणे पडले महागात; 80 किलोमीटर मागे जाऊन कचरा उचलण्याची वेळ

आता चांगल्या भाषेत सांगून हा तरुण ऐकत नाही म्हटल्यावर सचिव मादेतिरा थिम्हा यांनी हा तरुण राहत असलेल्या स्थानिक पोलीस ठाण्याला सगळी माहिती कळविली. | Karnataka

रस्त्यावर पिझ्झाचा बॉक्स फेकणे पडले महागात; 80 किलोमीटर मागे जाऊन कचरा उचलण्याची वेळ
Follow us
| Updated on: Nov 05, 2020 | 5:40 PM

बंगळुरु: ट्रेन, बस किंवा अन्य वाहनांनी प्रवास करताना लोकांकडून रस्त्यावर फेकला जाणारा कचरा पाहून आपल्यापैकी अनेकांना चीड येत असेल. अशा महाभागांना कचरा टाकण्यापासून रोखले, तरी बऱ्याचदा ते ऐकत नाहीत. मात्र, कर्नाटकमध्ये रस्त्यावर कचरा फेकणाऱ्या दोन तरुणांना प्रशासनाने चांगलीच अद्दल घडवल्याचा प्रकार समोर आला आहे. हे दोन तरुण मडिकेरीवरुन 80 किलोमीटरचा प्रवास करुन कूर्गला पोहोचले होते. या प्रवासादरम्यान या तरुणांनी पिझ्झा खाल्ला. मात्र, त्याचे बॉक्स कचरापेटीत न फेकता रस्त्याच्या कडेला फेकून दिले. यानंतर हे दोन्ही तरुण कूर्गला आपल्या घरी निघून आले. (Tourists Who Dumped Pizza Boxes Go Back 80Kms To Pick Up Trash)

मात्र, या तरुणांचे नशीब इतके खराब निघाले की, रस्त्याच्या कडेला फेकलेले हे पिझ्झाचे बॉक्स नेमके कूर्ग पर्यटन संघटनेचे सचिव मादेतिरा थिम्हा यांच्या नजरेस पडले. काही दिवसांपूर्वीच या सचिवांनी स्थानिक ग्रामस्थांच्या साहाय्याने या परिसराचे सौदर्यं टिकवण्यासाठी सफाई मोहीम राबवली होती. त्यामुळे रस्त्यावरचा कचरा बघून त्यांचा पार चांगलाच चढला. त्यानंतर मादेतिरा थिम्हा यांनी पोलिसांना तपासाचे आदेश दिले.

तपासादरम्यान पोलिसांना पिझ्झा बॉक्सच्या आतमध्ये बिल आढळून आले. या बिलावर कचरा करणाऱ्यांपैकी एका तरुणाचा नंबर होता. कूर्ग पर्यटन संघटनेच्या सचिवांनी या तरुणाला फोन करुन कचरा उचलण्याची विनंती केली. मात्र, या तरुणाने मुजोरी दाखवत परत येण्यास नकार दिला.

आता चांगल्या भाषेत सांगून हा तरुण ऐकत नाही म्हटल्यावर सचिव मादेतिरा थिम्हा यांनी हा तरुण राहत असलेल्या स्थानिक पोलीस ठाण्याला सगळी माहिती कळविली. यानंतर पोलिसांनी ही माहिती सोशल मीडियावर टाकत या तरुणाचा नंबर सोशल मीडियावर शेअर केला. अखेर अनेकजणांनी फोन केल्यानंतर या तरुणाला अखेर उपरती झाली.

यानंतर हा तरुण पुन्हा 80 किलोमीटरचा प्रवास करुन मडिकेरी येथील गावात पोहोचला आणि त्याने हा कचरा उचलला. या सगळ्या प्रकरणाचा पाठपुरावा करणारे कूर्ग पर्यटन संघटनेचे सचिव मादेतिरा थिम्हा आणि पोलिसांचे सध्या सोशल मीडियावर चांगलेच कौतुक आहे. आता या घटनेपासून बोध घेऊन भविष्यात लोकलाजेस्तव का होईना, अशा महाभागांना अक्कल येईल, अशी आहे.

(Tourists Who Dumped Pizza Boxes Go Back 80Kms To Pick Up Trash)

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.