मोठी बातमी! मालगाडीचे 6 डबे रुळावरून घसरले, 24 ट्रेनचे मार्ग बदलले, 16 गाड्या रद्द

उत्तर प्रदेशच्या गाझियाबाद-नवी दिल्ली मार्गावर एका मालगाडीचे सहा डबे रुळावरून घसरल्याची घटना घडली आहे. ही घटना साहिबाबाद रेल्वे स्टेशनपासून 400 मीटर अंतरावर घडली. या घटनेने रेल्वे सेवा विस्कळीत झाली आहे. या अपघातात कोणतीही जिवीतहानी झालेली नाही. परंतु या घटनेमुळे हजारो प्रवाशांना फटका बसला आहे. मालगाडीचे डबे घसरल्यानंतर वरिष्ठ अधिकारी घटनास्थळी पोहोचले आहेत.

मालगाडीचे डबे घसरण्याची घटना मंगळवारी रात्री दोन वाजता घडली. कोसळा असलेल्या मालगाडीचे एकूण 6 डबे रुळावरून घसरले. या घटनेने रेल्वे विस्कळीत झाली असून रेल्वे अधिकारी घटनास्थळी उपस्थित आहेत. रेल्वे अधिकारी क्रेनच्या मदतीने डबे हटवण्याचे काम करत आहेत. रेल्वे लवकरात लवकर सुरळीत करण्याचे प्रयत्न सुरू आहेत, अशी माहिती अधिकाऱ्यांनी दिली आहे.

मालडबे घसरल्याने अनेक ट्रेनचे मार्ग बदलण्यात आले आहेत. या घटनेचा तब्बल 53 रेल्वे सेवांना फटका बसला आहे. तर यापैकी 24 गाड्या दिल्ली-दिल्ली मार्गाने वळवण्यात आल्या आहेत. त्याचबरोबर 16 पॅसेंजर ट्रेन रद्द करण्यात आल्या आहेत. तर 5 पॅसेंजर गाड्या अंशत: रद्द करण्यात आल्या आहेत. 8 ट्रेन विविध स्टेशनवरून नियंत्रित करण्यात आल्या आहेत. यात आनंद विहारच्या काही ट्रेनचा समावेश आहे.

मालगाडीचे डबे घसरल्याने रेल्वे विस्कळीत 

या घटनेमुळे दिल्ली, नोएडा, गाझियाादमधील हजारो प्रवाशांना फटका बसला आहे. त्यामुळे प्रवासी पर्यायी ट्रेनने प्रवास करू लागले आहेत. ट्रेन रद्द झाल्याने काही प्रवाशांनी मेट्रो,बस आणि खासगी वाहनांचा आधार घेतला. रेल्वे सेवा विस्कळीत झाल्याने प्रवासी कार्यालयात पोहोचू शकले नाहीत. आता घटनास्थळी विभागीय रेल्वे व्यवस्थापक आणि अतिरिक्त विभागीय रेल्वे व्यवस्थापक यांच्यासह अनेक वरिष्ठ अधिकारी घटनास्थळी पोहोचले आहेत. रेल्वेचे इंजिनीअरिंग आणि टेक्निकल टीमने घटनास्थळी काम सुरू केलं आहे. हे काम युद्धपातळीवर सुरू आहे. रेल्वे प्रशासनाकडून प्रवाशांना अपडेट देखील दिले जात आहेत. अनेक प्रवासी रेल्वे सेवा कधी सुरळीत होईल, याची वाट पाहत आहेत.