What India Thinks Today : नव्या भारताची गॅरंटी… काय असेल 2 राज्यांच्या नव्या मुख्यमंत्र्यांचे मत?

मुंबई : TV9 नेटवर्क आपल्या नेत्रदीपक वार्षिक कार्यक्रम व्हॉट इंडिया थिंक्स टुडेसह (What India Thinks Today) परत आले आहे. ‘व्हॉट इंडिया थिंक्स टुडे’च्या तिसऱ्या दिवशी केंद्रीय गृहमंत्री अमित शाह, संरक्षण मंत्री राजनाथ सिंह, मुख्यमंत्री अरविंद केजरीवाल, काँग्रेस अध्यक्ष मल्लिकार्जुन खर्गे यांसारखे राजकीय तज्ज्ञ ‘सत्ता संमेलना’मध्ये सहभागी होणार आहेत. दोन राज्यांचे नवे मुख्यमंत्रीही ‘सत्ता संमेलना’त एकत्र सहभागी होणार असून, या व्यासपीठावरून ते नव्या भारताबाबत आपली मते मांडणार आहेत.

दोन भारतीय जनता पक्ष शासित राज्यांचे नवे मुख्यमंत्री ‘व्हॉट इंडिया थिंक्स टुडे’च्या सत्ता संमेलनामधील नव्या भारताची हमी सत्रात सहभागी होतील. ही राज्ये मध्य प्रदेश आणि छत्तीसगड आहेत. मध्य प्रदेशचे मुख्यमंत्री मोहन यादव आणि छत्तीसगडचे मुख्यमंत्री विष्णुदेव साई या अधिवेशनात न्यू इंडियाच्या प्रगतीसाठी त्यांची ब्लू प्रिंट सादर करू शकतात. विशेष म्हणजे या दोन्ही नेत्यांना पहिल्यांदाच मुख्यमंत्री करण्यात आले आहे. निवडणुकीपर्यंत हे नेते मुख्यमंत्रीपदाच्या शर्यतीतही नव्हते. आता राज्याच्या राजकारणातील भावी नेते म्हणून त्यांची वर्णी लागली आहे. 2047 पर्यंत विकसित राष्ट्र बनण्याच्या देशाच्या योजनेवरही दोन्ही नेते आपले मत व्यक्त करू शकतात.

मोहन यादव 2013 मध्ये आमदार आणि 2023 मध्ये मुख्यमंत्री झाले

गेल्या वर्षी डिसेंबरमध्ये मध्य प्रदेश आणि छत्तीसगडसह 5 राज्यांमध्ये विधानसभा निवडणुका झाल्या. मध्य प्रदेश, छत्तीसगड आणि राजस्थानमध्ये भाजपने बाजी मारली होती. मात्र या तीन राज्यांतील मुख्यमंत्र्यांची नावे जाहीर करण्यात बराच वेळ गेला. मात्र, येथे मुख्यमंत्र्यांच्या नावाची घोषणा झाली तेव्हा सर्वच नावे धक्कादायक होती. डॉ. मोहन यादव यांना मध्य प्रदेशचे मुख्यमंत्री करण्यात आले. ते तिसऱ्यांदा आमदार झाले आणि शिवराज सिंह चौहान सरकारमध्ये उच्च शिक्षण मंत्री होते.

डॉ. मोहन यादव हे मध्य प्रदेशातील उज्जैन दक्षिण विधानसभा मतदारसंघाचे आमदार आहेत. 2013 मध्ये ते पहिल्यांदा येथून आमदार झाले. 2018 च्या निवडणुकीतही यादव येथून आमदार म्हणून निवडून आले होते. 2020 मध्ये राज्यात पुन्हा शिवराज सिंह चौहान यांचे सरकार आले तेव्हा त्यांना उच्च शिक्षण मंत्री करण्यात आले. डिसेंबर 2023 मध्ये झालेल्या निवडणुकीत, मोहन यादव उज्जैन दक्षिण मतदारसंघातून 13 हजारांहून अधिक मतांनी विजयी झाले होते. त्यानंतर बऱ्याच उहापोहानंतर त्यांना राज्याचे मुख्यमंत्री करण्यात आले.

विष्णुदेव साई : राज्याचे पहिले दलित मुख्यमंत्री

तसेच छत्तीसगडमध्येही भाजपने निवडणूक जिंकल्यानंतर मुख्यमंत्र्याच्या नावाची घोषणा करण्यात बराच वेळ घेतला. मात्र, चर्चेच्या अनेक फेऱ्यांनंतर भाजपने आदिवासी नेते विष्णुदेव साई यांच्या रूपाने नव्या मुख्यमंत्र्याची घोषणा केली. विष्णुदेवांना खूप अनुभव आहे. 2020 ते 2022 पर्यंत छत्तीसगडमध्ये ते भाजपचे प्रदेशाध्यक्ष होते. साई हे व्यवसायाने शेतकरी आहेत. मोदी सरकारच्या पहिल्या कार्यकाळात ते केंद्रीय राज्यमंत्रीही होते.

1989 मध्ये पंच म्हणून त्यांचा राजकीय प्रवास सुरू झाला आणि 1990 मध्ये ते बिनविरोध सरपंच झाले. यंदा तापकरा मतदारसंघातून आमदारही निवडून आले. 1990 ते 1998 या काळात ते अविभाजित मध्य प्रदेशात आमदार होते. 1999 मध्ये त्यांनी रायगड लोकसभा मतदारसंघाची निवडणूक जिंकली. त्यानंतर 2006 मध्ये त्यांना छत्तीसगडमध्ये भाजपचे प्रदेशाध्यक्ष बनवण्यात आले. 2009 आणि 2014 च्या लोकसभा निवडणुकीत रायगड मतदारसंघातून विजयी झाले. लो प्रोफाइल असलेले विष्णुदेव हळूहळू राज्यातील भाजपचे महत्त्वाचे आदिवासी नेते बनले. 2014 मध्ये मोदी सरकारमध्ये ते पोलाद, खाण, कामगार आणि रोजगार मंत्रालयात राज्यमंत्री झाले. पण 2019 च्या निवडणुकीत त्यांना तिकीट मिळाले नाही. 2020 ते 2022 पर्यंत ते पुन्हा छत्तीसगडचे भाजप अध्यक्ष राहिले. विष्णुदेव हे संघ परिवाराच्या (आरएसएस) जवळचे असल्याचेही म्हटले जाते. गेल्या वर्षी छत्तीसगडमध्ये झालेल्या विधानसभा निवडणुकीत कुंकुरी मतदारसंघातून विष्णुदेव विजयी झाले होते.

‘व्हॉट इंडिया थिंक्स टुडे’च्या तिसऱ्या दिवशी योगगुरू बाबा रामदेव आणि जम्मू-काश्मीरचे लेफ्टनंट गव्हर्नर मनोज सिन्हा हेही ‘सत्ता संमेलन’मध्ये सहभागी होणार आहेत. या प्रतिष्ठित व्यासपीठावर त्यांच्याशिवाय 7 राज्यांचे मुख्यमंत्रीही आपले विचार मांडतील. केंद्रीय गृहमंत्री अमित शहा यांच्या कार्यक्रमाने संमेलनाचा समारोप होईल.