2021 Force Gurkha : दमदार ऑफ रोडर SUV लाँचिंगच्या मार्गावर, जाणून घ्या फीचर्स
Force Motors लवकरच Gurkha SUV भारतात लाँच करू शकते. 2020 ऑटो एक्सपोपासून या दमदार एसयूव्हीबाबत लोकांमध्ये उत्सुकता वाढली आहे.
फोर्स मोटर्स (Force Motors) लवकरच Gurkha SUV भारतात लाँच करू शकते. 2020 ऑटो एक्सपोपासून या दमदार एसयूव्हीबाबत लोकांमध्ये उत्सुकता वाढली आहे. दरम्यान, लाँच होण्यापूर्वी या वाहनाचे काही फोटो ऑनलाइन लीक झाले आहेत.
नव्या फोटोंमध्ये Gurkha नारंगी रंगात पाहायला मिळाली आहे, जी आपण मागील वर्षीच्या एक्स्पोमध्येही पाहिली आहे. सिंगल स्लॉट ग्रिल आणि सर्कुल हेडलॅम्प्स, नवीन ब्लॅक प्लास्टिक क्लेडिंग्ज, रियर डोर माउंटेड स्पेयर व्हील आणि इतर फीचर्ससह या एसयूव्हीमध्ये LED डेटाइम रनिंग लॅम्प्स देण्यात आले आहेत.
केबिनच्या आत एक ब्लॅक डॅशबोर्ड दिला जाईल जो टचस्क्रीन इन्फोटेनमेंट सिस्टमसह येईल.
यात मोठे एअर कॉन व्हेंट्स, ग्लॉसी ब्लॅक बेझल आणि मॅन्युअल HVAC सिस्टम मिळेल.
यात थ्री स्पोक स्टीयरिंग व्हील्स, पॉवर विंडोज, एबीएस, ड्युअल फ्रंट एअरबॅग्स आणि फॉरवर्ड फेसिंग रीअर सीट उपलब्ध असतील.
यामध्ये मर्सिडीज बेंझचं 2.6 लीटर डिझेल इंडन देण्यात येईल जे बीएस 6 कंप्लायंटसह येईल. त्याचबरोबर हे इंजिन 89bhp पॉवर आणि 260Nm चा टॉर्क देईल. हे इंजिन 5 स्पीड मॅन्युअल गिअरबॉक्ससह येईल.