Marathi News Photo gallery Amruta khanvilkar web series trending from 6 months on netflix emraan hashmi taskaree
7 एपिसोड्सची अमृता खानविलकरची वेब सीरिज; 6 महिन्यांपासून ट्रेंडिंग यादीत कायम, प्रत्येक भागात थरार
जवळपास सहा महिन्यांपूर्वी ओटीटीवर प्रदर्शित झालेली ही वेब सीरिज अजूनही टॉप 10 ट्रेंडिंग यादीत कायम आहे. या सीरिजला प्रेक्षकांकडून दमदार प्रतिसाद मिळत आहे. यामध्ये अमृता खानविलकरने महत्त्वपूर्ण भूमिका साकारली आहे.
ओटीटी प्लॅटफॉर्मवर कितीही दमदार वेब सीरिज असली तरी एक किंवा दोन महिन्यांनंतर ती ट्रेंडिंग यादीतून बाहेर निघून जाते. परंतु नेटफ्लिक्सवर अशी एक वेब सीरिज आहे, जी गेल्या सहा महिन्यांपासून टॉप 10 ट्रेंडिंगच्या यादीत कायम आहे. जेव्हा ही सीरिज प्रदर्शित झाली होती, तेव्हा तर ती पहिल्या क्रमांकावर ट्रेंड झाली होती.
1 / 5
गेल्या सहा महिन्यात अनेक नवीन वेब सीरिज आणि चित्रपट ओटीटीवर प्रेक्षकांच्या भेटीला आले. तरी टॉप 10 ट्रेंडिंगच्या यादीतून ही सीरिज बाहेर गेली नाही. ही वेब सीरिज प्रेक्षकांना इतकी आवडली आहे की आयएमडीबीवरही त्याला चांगली रेटिंग मिळाली आहे. इंटरनेट डेटा बेसने या सीरिजला 10 पैकी 7.1 रेटिंग दिली आहे.
2 / 5
या सीरिजची कथा एका निलंबित पण तत्त्वनिष्ठ सीमाशुल्क अधिकाऱ्याभोवती फिरते. त्याला एका आंतरराष्ट्रीय तस्करी टोळीविरुद्ध विशेष कृती दलाचं नेतृत्त्व करण्यासाठी पुन्हा नियुक्त केलं जातं. हे पथक सेंट्रल बोर्ड ऑफ इनडायरेक्ट टॅक्सेस अँड कस्टम्सच्या सहाय्यक आयुक्तांनी तयार केलेलं असतं. या पथकात अशा अधिकाऱ्यांचा समावेश आहे, ज्यांना भ्रष्टाचारात सामील होण्यास नकार दिल्यामुळे बाजूला सारण्यात आलं होतं.
3 / 5
या सीरिजचा प्रत्येक एपिसोड थराराने भरलेला आहे आणि कथाकथनाची शैली तुम्हाला शेवटपर्यंत खिळवून ठेवते. तर सीरिजचं क्लायमॅक्स चकीत करणारं आहे. यातील कलाकारांचा अभिनयही अप्रतिम आहे. नेटफ्लिक्सच्या टॉप 10 ट्रेंडिंग यादीत स्थान मिळवणाऱ्या या सीरिजचं नाव 'तस्करी: द स्मगलर्स वेब' असं आहे.
4 / 5
ही वेब सीरिज 14 जानेवारी 2026 रोजी ओटीटीवर प्रेक्षकांच्या भेटीला आली होती आणि तेव्हापासून ती ट्रेंडिंग यादीत आपलं स्थान टिकवून आहे. यामध्ये इमरान हाश्मीने कस्टम अधिकाऱ्याची भूमिका साकारली आहे. तर शरद केळकर, अमृता खानविलकर, नंदीश संधू, अनुराग सिन्हा आणि झोया अफरोज यांनीही महत्त्वाच्या भूमिका साकारल्या आहेत.
