Marathi News Photo gallery From Goli to Global : Taarak mehta ka ooltah chashmah old Goli aka Kush Shah' know how much was fees now his Digital Creator Journey Begins
‘तारक मेहता का उल्टा चश्मा’ मधून दर महिन्याला किती व्हायची गोलीची कमाई ? आता थेट Youtuber
तारक मेहता का उल्टा चष्मा मालिकेतील 'गोली' म्हणजेच कुश शाहने अभिनयातून ब्रेक घेतल्यानंतर डिजिटल जगात नवा प्रवास सुरु केला आहे. त्याने स्वतःचे ब्लॉगिंग आणि कुकिंग YouTube चॅनेल सुरू केले आहे, ज्याला प्रेक्षकांचा जबरदस्त प्रतिसाद मिळत आहे.
छोट्या पडद्यावरील सर्वाधिक लोकप्रिय आणि प्रदीर्घकाळ प्रेक्षकांचे मनोरंजन करणाऱ्या मालिकांपैकी एक म्हणजे ‘तारक मेहता का उल्टा चश्मा’. 2008 साली सुरू झालेल्या या मालिकेचा प्रवास आजही सुरू आहे. या मालिकेने अनेक कलाकारांना घराघरात ओळख मिळवून दिली. काही कलाकार सुरुवातीपासून मालिकेसोबत आहेत, तर काहींनी कालांतराने शोला निरोप दिला.
1 / 6
अशाच कलाकारांपैकी एक म्हणजे अभिनेता कुश शाह. मालिकेत त्याने ‘गोली’ ही भूमिका साकारली होती. 2008 पासूनच तो ‘तारक मेहता का उल्टा चश्मा’चा भाग होता आणि त्याच्या विनोदी अंदाजामुळे ‘गोली’ हे पात्र प्रेक्षकांच्या चांगलेच पसंतीस उतरलं होते. मात्र, 2024 साली कुशने मालिकेतून एक्झिट घेतली. त्यानंतर अभिनेता धर्मित तूरखिया हा ‘गोली’च्या भूमिकेत दिसतोय.
2 / 6
मात्र तारक मेहता मालिकेतून बाहेर पडल्यानंतर जवळपास दोन वर्षांनी कुश शाह पुन्हा एकदा चर्चेत आलाय. यावेळी त्याने अभिनयाऐवजी डिजिटल जगात नवा प्रवास सुरू केला आहे. कुशने स्वतःच्या नावाने ब्लॉगिंग आणि कुकिंग YouTube चॅनेल सुरू केलं असून, त्याचा पहिलाच व्हिडिओ सोशल मीडियावर चांगलाच व्हायरल झाला.
3 / 6
‘तारक मेहता का उल्टा चश्मा’मुळे कुशला मोठी लोकप्रियता मिळाली होती. त्यामुळे YouTube चॅनेल सुरू करताच त्याला प्रेक्षकांचा भरभरून प्रतिसाद मिळताना दिसत आहे. रिपोर्ट्सनुसार, मालिकेत काम करत असताना कुशला एका एपिसोडसाठी जवळपास 20 हजार रुपये मानधन मिळत होते.
4 / 6
‘गोली’ हे त्याचे नियमित पात्र असल्याने महिन्यातील सुमारे 26 एपिसोड्सचा विचार केला, तर त्याची मासिक कमाई जवळपास 5.20 लाखांच्या आसपास होत असेल, असं सांगितलं जातं. मात्र आता अभिनयातून ब्रेक घेतल्यानंतर कुशने YouTubeच्या माध्यमातून आपल्या चाहत्यांशी कनेक्ट होण्याचा नवा मार्ग निवडला.
5 / 6
विशेष म्हणजे, चॅनेल सुरू केल्यानंतर अवघ्या चार दिवसांतच त्याच्या YouTube चॅनेलने 40 हजारांहून अधिक सब्सक्राइबर्सचा टप्पा पार केला. एवढंच नव्हे, तर त्याच्या पहिल्याच व्हिडिओला 30 लाखांहून अधिक व्ह्यूज मिळाले आहेत. त्यामुळे कुशच्या नव्या प्रवासालाही चाहत्यांकडून तितकंच प्रेम मिळतंय. गेल्या पाच वर्षांपासून मी स्वतःचे YouTube चॅनेल सुरू करण्याचा विचार करत होता, असं कुशने सांगितलं. अखेर आता त्याने हे स्वप्न प्रत्यक्षात आणत पहिला व्हिडिओ प्रेक्षकांच्या भेटीला आणला. अभिनयाच्या क्षेत्रात लोकप्रियता मिळवल्यानंतर आता YouTubeवर कुश शाह किती यशस्वी ठरतो, हे पाहणे उत्सुकतेचे ठरणार आहे.
