Marathi News Photo gallery In which country are the shortest people in the world found? What is India's rank?
जगात सर्वात बुटके लोक कोणत्या देशात आढळतात ? भारताचा क्रमांक कितवा ?
प्रत्येक देशातील हवामान आणि राहणीमान तसेच तेथील गुणसूत्रांनुसार प्रत्येक व्यक्तीचे रंगरुप, वर्ण आणि उंची ठरत असते. आज आपण पाहणार आहोत की जगात सर्वात कमी उंचीचे लोक कोणत्या ५ देशात राहतात. आणि भारताचा नंबर कितवा आहे.
1.जगातील सर्वात कमी उंचीचे लोक कोणत्या 5 देशात रहातात ? रंग आणि रुप हे मानव जातीसाठी नेहमीच चिंतेचा विषय ठरला आहे.त्वचेचा , डोळ्यांचा आणि केसांचा रंग प्रत्येक प्रांत आणि देशानुसार बदलत जातो.तसेच मानवाची उंची देखील बदलत असते. जेनेटिक्स, आहार आणि पर्यावरण याचाही यावर परिणाम होत असतो. परंतू जगात काही देश असे आहेत तेथील लोकांची सरासरी उंची कमी आहे. असा कमी उंचीच्या 5 देशाची माहिती घेऊयात...
1 / 7
2.तिमोर-लेस्ते - तिमोर-लेस्ते हा जगातील सर्वात कमी उंचीच्या लोकांचा देश आहे. दक्षिण-पूर्व आशियातील तिमोर बेटाच्या पूर्वेला हा देश कमी उंचीच्या लोकांचा देश म्हणून ओळखला जातो.येथील पुरुषांची सरासरी उंची सुमारे 160 सेंटीमीटर (5 फूट 3 इंच)आहे. तर महिलांची सरासरी उंची 153 सेंटीमीटर (5 फूट) आहे. कमी उंचीला पोषणाची कमतरता आणि अनुवंशिक कारणेही जबाबदार आहेत.
2 / 7
3.लाओस - दक्षिणपूर्व आशियातील हा आणखी देश लाओस दुसऱ्या सर्वात कमी उंचीच्या लोकांचा देश आहे. येथील पुरुषांची सरासरी उंची सुमारे 163 सेंटीमीटर (5 फूट 4 इंच) आहे. आणि महिलांची उंची 153 सेंटीमीटर (5 फूट)आहे. येथील उंचीला अनुवंशिक कारणे जबाबदार आहेत.
3 / 7
4.सोलोमन बेट समूह - प्रशांत महासागरातील मेलनेशियन देश सोलोमन बेटांचा समूहातील पुरुषांची सरासरी उंची 163 सेंटीमीटर (5 फूट 4 इंच)आहे. तर महिलांची सरासरी उंची 157 सेंटीमीटर (5 फूट 2 इंच) आहे. या बेटातील लोक पारंपारिक उदरनिर्वाहावर जगत असल्याने त्यांची उंची कमी असल्याचे म्हटले जाते.
4 / 7
5.पापुआ न्यू गिनी - सोलोमन बेटासारखा पापुआ न्यू गिनीत पुरुषांची सरासरी उंची 63 सेंटीमीटर आणि महिलांची उंची 157 सेंटीमीटर आहे. जी सांस्कृतिक आणि भौगोलिक कारणांमुळे असावी असे म्हटले जाते.
5 / 7
6.मोजाम्बिक - दक्षिण-पूर्व आफ्रीकेतील मोजाम्बिक देशात पुरुषांची सरासरी उंची 164 सेंटीमीटर (5 फूट 5 इंच) आणि महिलांची सरासरी उंची 155 सेंटीमीटर (5 फूट 1 इंच)आहे. हा किनारपट्टीचा देश असून येथील हवामान उष्णकटीबंधीय आहे. तसेच कुपोषण आणि आरोग्याच्या समस्यांमुळेही उंचीवर परिणाम झाल्याचे म्हटले जाते.
6 / 7
7. भारत - भारत कमी उंचीच्या लोकांच्या यादीत नाही. अब्जावधी लोकसंख्येच्या या देशीत पुरुषांची सरासरी उंची 5 फूट 6 इंच तर महिलांची सरासरी उंची 5 फूट 4 आहे. भारतातील लोकांची उंची मध्यम स्वरुपाची आहे. पोषण, जीवनशैली आणि आनुवंशिककारणा जगाच्या सरासरी उंची पेक्षा भारतीय लोकांची उंची थोडी कमी आहे.
