Dividend Share: काय सांगता, 48 रुपयांचा लाभांश! गुंतवणूकदारांना या कंपनीकडून जॅकपॉट
Multibagger Stock: बाजाराला अजूनही इराण युद्धामुळे सूर गवसलेला नाही. बाजार सातत्याने हेलकावे खात आहे. तरीही काही कंपन्या गुंतवणूकदारांना लॉटरी लावत आहेत. ही कंपनी गुंतवणूकदारांना 48 रुपयांचा लाभांश देणार आहे.
Multibagger Stock: बाजारात सूचीबद्ध सानोफी इंडियाचा शेअर सध्या तेजीत आहे. स्टॉक एक्सचेंजला दिलेल्या माहितीनुसार, कंपनीच्या संचालक मंडळाने गेल्या आर्थिक वर्षासाठी प्रति शेअर 48 रुपयांचा अंतिम लाभांश देण्याची शिफारस केली आहे. त्यामुळे गुंतवणूकदारांना लवकरच लॉटरी लागण्याची शक्यता आहे.
1 / 6
10 रुपये प्रति शेअर फेस व्हॅल्यू असलेल्या शेअरधारकांना प्रति शेअर 48 रुपयांचा अंतिम लाभांश देण्यात येणार आहे. 22 एप्रिल 2026 रोजी रेकॉर्ड डेटपर्यंत पात्र असलेल्या गुंतवणूकदारांना हा जॅकपॉट लागणार आहे. आयकर अधिनियमानुसार टीडीएस कापण्यात येईल. यासाठी PANCARD अपडेट करावे लागणार आहे.
2 / 6
सानोफी इंडियाचा शेअरची वार्षिक बैठक बुधवारी, 29 एप्रिल 2026 रोजी आयोजित करण्यात आली आहे. त्याअगोदर 22 एप्रिल रोजीपर्यंत निवास, पॅनकार्ड, कॅटेगिरी, ईमेल आणि इतर माहिती अपडेट करावी लागणार आहे. ही माहिती अपूर्ण असेल तर डिव्हिडंडचा लाभ मिळणार नाही.
3 / 6
सानोफी इंडियाने यापूर्वी सुद्धा लाभांश दिला आहे. कंपनीने 7 नोव्हेंबर 2025 रोजी प्रति शेअर 75 रुपयांचा अंतिरम लाभांश दिला होता. त्यापूर्वी गुंतवणूकदारांना 25 एप्रिल 2025 रोजी 117 रुपयांचा अंतिम लाभांश दिला होता. दोन वर्षांपूर्वी 3 मे 2024 रोजी 117 रुपयांचा अंतरिम डिव्हिडंड देण्यात आला होता.
4 / 6
गुरुवारी सानोफी इंडियाचा शेअर बीएसईवर 0.07 टक्क्यांनी वाढून 3265 रुपये प्रति शेअरवर बंद झाला होता. या मार्चमध्ये शेअर 3,151.05 रुपयांच्या निच्चांकी स्तरावर होता. या शेअरचा 52 आठवड्यातील उच्चांकी कामगिरी 6,717.50 रुपयांवर पोहचला होता.
5 / 6
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
