T20 World Cup: अभिषेक शर्माच्या नावावर नकोसा विक्रम, गौतम गंभीरच्या पावलावर ठेवलं पाऊल
टी20 वर्ल्डकप स्पर्धेच्या पहिल्याच सामन्यात भारताचा फलंदाजीचा डाव पत्त्यासारखा कोसळला. कर्णधार सूर्यकुमार यादव वगळता एकही फलंदाज साजेशी कामगिरी करू शकला नाही. दुसरीकडे, टी20 वर्ल्डकप स्पर्धेच्या पदार्पणाच्या सामन्यात अभिषेक शर्माने नकोसा विक्रम रचला.
टी20 वर्ल्डकप 2026 स्पर्धेत अभिषेक शर्मा हा हुकूमाचा एक्का असेल, हे सर्वांनाच माहिती आहे. पण पहिल्याच सामन्यात त्याने हिरमोड केला. अभिषेक शर्मा टी20 वर्ल्डकप स्पर्धेत पहिल्यांदाच खेळत आहे. पण पहिल्याच सामन्यात नकोसा विक्रम केला. (Photo: PTI)
टी20 वर्ल्डकप स्पर्धेतील पहिला चेंडूचा सामना करताना शून्यावर बाद झाला. अभिषेक शर्माच्या नावावर गोल्डन डकची नोंद झाली आहे. अभिषेक शर्माने शून्यावर बाद होता गौतम गंभीरच्या विक्रमाची बरोबरी केली आहे. (Photo: PTI)
गौतम गंभीर 2007 मध्ये पहिल्यांदा टी20 वर्ल्डकप खेळला होता. या स्पर्धेतील पदार्पणाच्या सामन्यात शून्यावर बाद झाला होता. आता 19 वर्षानंतर टी20 वर्ल्डकप 2026 स्पर्धेत असं घडलं आहे. अभिषेक शर्मा पदार्पणाच्या टी20 वर्ल्डकप स्पर्धेत शून्यावर बाद होणारा दुसरा फलंदाज ठरला आहे. (Photo: PTI)
आंतरराष्ट्रीय टी20 क्रिकेटमध्ये अभिषेक शर्मा गोल्डन डकवर बाद होण्याची ही काही पहिली वेळ नाही. टी20 आंतरराष्ट्रीय सामन्यात असं तिसऱ्यांदा झालं आहे. न्यूझीलंडविरूद्धच्या टी20 मालिकेत दोन वेळा गोल्डन डकवर बाद झाला होता. (Photo: PTI)
अभिषेक शर्मा बाद झाल्यानंतर टीम इंडियाच्या धावसंख्येला ब्रेक लागला. सूर्यकुमार यादव वगळता एकही फलंदाज साजेशी कामगिरी करू शकला नाही. भारताचे टॉप 4 फलंदाज 46 धावांवर तंबूत होते. तर 77 धावांवर 6 विकेट बाद झाले होते. (Photo: PTI)
