‘अब की बार उद्धव सरकार, मुख्यमंत्री सेनेचाच होणार’
मुंबई: शिवसेना-भाजप युतीबाबतच्या हालचालींना वेग आला आहे. भाजप अध्यक्ष अमित शाह आणि मुख्यमंत्री देवेंद्र फडणवीस हे शिवसेना पक्षप्रमुख उद्धव ठाकरे यांची ‘मातोश्री’वर जाऊन भेट घेणार आहेत. या भेटीनंतर चर्चा करुन ते युतीबाबत पत्रकार परिषद घेतील, अशी माहिती शिवसेना खासदार संजय राऊत यांनी दिली. “जो शिवसेनेचा फॉर्म्युला आहे, त्यावर चर्चा झाली आहे. आता दोन्ही पक्षाचे प्रमुख […]
मुंबई: शिवसेना-भाजप युतीबाबतच्या हालचालींना वेग आला आहे. भाजप अध्यक्ष अमित शाह आणि मुख्यमंत्री देवेंद्र फडणवीस हे शिवसेना पक्षप्रमुख उद्धव ठाकरे यांची ‘मातोश्री’वर जाऊन भेट घेणार आहेत. या भेटीनंतर चर्चा करुन ते युतीबाबत पत्रकार परिषद घेतील, अशी माहिती शिवसेना खासदार संजय राऊत यांनी दिली.
“जो शिवसेनेचा फॉर्म्युला आहे, त्यावर चर्चा झाली आहे. आता दोन्ही पक्षाचे प्रमुख नेते संध्याकाळी त्याबाबत माहिती देतील. नक्कीच युतीच्या दिशेने पाऊल पडलं आहे”, असं म्हणत संजय राऊत यांनी ‘अब की बार उद्धव सरकार, मुख्यमंत्री सेनेचाच होणार’ असा नारा दिला.
50-50 फॉर्म्युला
लोकसभेसाठी फिफ्टी-फिफ्टी फॉर्म्युल्यावर शिवसेना आणि भाजपामध्ये एकमत झाल्याचे सांगण्यात येत आहे. त्यामुळे अमित शाह आणि उद्धव ठाकरे आज युतीची अधिकृत घोषणा करण्याची शक्यता आहे.
अमित शाह आज ‘मातोश्री’वर, युतीची घोषणा निश्चित, सेनेच्या 8 अटीत भाजप अडकली!
लोकसभा आणि विधानसभा निवडणुकीतील जागावाटपांवर दोन्ही पक्षांचे प्रमुख अंतिम शिक्कामोर्तब करतील. त्यानंतर शिवसेना आणि भाजपची संयुक्त पत्रकार परीषद होणार आहे. या पत्रकार परिषदेत शिवसेनेकडून त्यांच्या अटी आणि शर्थी सविस्तर सांगण्यात येणार आहे. त्यामुळे येणाऱ्या निवडणुकीत युती विरुद्ध आघाडी असाच थेट सामना होणार आहे. मात्र मतदार राजा कुणाच्या पारड्यात आपलं मत टाकणार हे निकालाच्या दिवशीच स्पष्टं होईल.
मुख्यमंत्री मातोश्रीवर
दरम्यान, मुख्यमंत्री देवेंद्र फडणवीस हे सुद्धा चारच दिवसांपूर्वी स्वत: मातोश्रीवर जाऊन त्यांनी उद्धव ठाकरे यांच्याशी चर्चा केली होती. त्यावेळी युतीबाबत उद्धव ठाकरेंसोबत सकारात्मक चर्चा झाल्याचं उद्धव ठाकरे म्हणाले होते.
संबंधित बातम्या
अमित शाह आज ‘मातोश्री’वर, युतीची घोषणा निश्चित, सेनेच्या 8 अटीत भाजप अडकली!
मुख्यमंत्री म्हणाले – युतीची चर्चा सकारात्मक, पण शिवसेनेचं म्हणणं काय?
