“आमच्यासाठी अजित पवार हेच मुख्यमंत्री”

पुणे : उद्धव ठाकरे यांच्या नेतृत्त्वातील राज्य मंत्रिमंडळाचा पहिला विस्तार (Anna bansode on ajit pawar) लवकरच होणार असल्याचे बोललं जात आहे. त्यामुळे ठाकरेंच्या मंत्रिमंडळात सहभागी होण्यासाठी अनेक आमदारांनी जोरदार लॉबिंग सुरु केली आहे. या दरम्यान राष्ट्रवादीचे आमदार अण्णा बनसोडे यांनी ‘राष्ट्रवादीचे नेते अजित पवार हेच आमच्यासाठी मुख्यमंत्री’ असे वक्तव्य केलं आहे. यावरुन राजकीय वर्तुळात तर्क-विर्तकांनी उधाण आलं (Anna bansode on ajit pawar) आहे.

पिंपरी चिंचवड महापालिकेतील एक पत्रकार परिषद आयोजित करण्यात आली होती. या पत्रकार परिषदेला पत्रकरांनी अण्णा बनसोडे यांना तुम्हाला त्या 80 तासांत पवार कुटुंबियांकडून काय शिकायला मिळालं? महाविकासआघाडी सरकारमध्ये अजित पवारांना मंत्रिपद मिळणार असल्याची चर्चा असताना तुम्हाला कोणतं पद मिळणार? असे प्रश्न विचारले. त्यावर उत्तर देताना अण्णा बनसोडे म्हणाले, “अरे आमच्यासाठी दादा हेच मुख्यमंत्री आहेत.” बनसोडे यांच्या या वक्तव्यावरुन राजकीय वर्तुळात चर्चांना उधाण आले (Anna bansode on ajit pawar) आहे.

महाविकासआघाडीचे सरकार स्थापन होण्यापूर्वी अजित पवार यांनी रातोरात भाजपशी हातमिळवणी करत उपमुख्यमंत्रिपदाची शपथ घेतली होती. तर देवेंद्र फडणवीस यांनी मुख्यमंत्रिपदाची शपथ घेतली होती. यामुळे राज्याच्या राजकारणात भूकंप झाला होता. त्यांना राष्ट्रवादीतील काही आमदारांना पाठिंबा दिला होता. त्यात अण्णा बनसोडे यांच्या नावाचाही समावेश होता.

तसेच सत्तास्थापनेसाठी राज्यपालांना दिलेल्या पाठिंबा पत्रावर आमदार अण्णा बनसोडे, आमदार धर्मारावबाबा आत्रम आणि स्वतः अजित पवार यांच्या सह्या नसल्याची माहिती जयंत पाटील यांनी दिली होती. दरम्यान बनसोडे यांनी केलेल्या या वक्तव्यामुळे (Anna bansode on ajit pawar) राजकीय वर्तुळात चर्चांना उधाण आलं आहे.