चुकीला माफी नाही, पडळकरांवरील हल्ल्याप्रकरणी अजित पवारांची पहिली प्रतिक्रिया
उपमुख्यमंत्री अजित पवार यांनी प्रतिक्रिया दिली आहे. कुणालाही आपलं मत मांडण्याचा अधिकार आहे. हातात कायदा घेण्याचं कारण नाही. ज्यांनी चूक केली त्याच्यावर कारवाई झाली पाहिजे, असं अजित पवार यांनी म्हटलंय.
नाशिक : भाजपचे विधान परिषदेचे आमदार गोपीचंद पडळकर यांच्या गाडीवर गुरुवारी संध्याकाळी सोलापुरात दगडफेक करण्यात आली. दगडफेक करणारा कार्यकर्ता राष्ट्रवादी काँग्रेसचा असल्याचा आरोप पडळकर यांचे समर्थक आणि भाजप कार्यकर्त्यांकडून करण्यात येतोय. दगडफेक करणाऱ्या तरुणाचे फोटोही आता व्हायरल होत आहेत. त्याबाबत आता उपमुख्यमंत्री अजित पवार यांनी प्रतिक्रिया दिली आहे. कुणालाही आपलं मत मांडण्याचा अधिकार आहे. हातात कायदा घेण्याचं कारण नाही. ज्यांनी चूक केली त्याच्यावर कारवाई झाली पाहिजे, असं अजित पवार यांनी म्हटलंय. (Ajit Pawar’s reaction to the stone pelting on Gopichand Padalkar’s car)
दरम्यान, दगडफेकीच्या घटनेनंतर आता आमदार गोपीचंद पडळकर यांच्यासह 10 ते 15 जणांवर आपत्ती व्यवस्थापन कायद्या अंतर्गत गुन्हा दाखल करण्यात आला आहे. याबाबत पडळकर यांनी प्रतिप्रश्न करताना पुणे आणि पंढरपुरात हजारोंची गर्दी करणारे अजित पवार आणि जयंत पाटील यांच्यावर गुन्हा दाखल करण्याची मागणी पडळकर यांनी केलीय. याबाबत विचारलं असता कायदा हातात घेण्याचं कारण नाही. ज्यांनी चूक केली असेल त्याच्यावर कारवाई झाली पाहिजे अशी प्रतिक्रिया अजित पवार यांनी दिलीय. ते नाशिकमध्ये खरिप हंगामाच्या आढावा बैठकीसाठी आले होते. या बैठकीला मंत्री छगन भुजबळ यांच्यासह सर्व अधिकारी उपस्थित होते.
‘अजित पवार, जयंत पाटलांवर गुन्हा का नाही?’
सोलापुरात दुपारी 4 नंतर संचारबंदी होती. नियमांची पूर्ण काळजी घेत आम्ही घोंगडी बैठक आयोजित केली होती. मात्र ही बैठकही झाली नाही. पोलिसही तिथे उपस्थित होते. असं असूनही माझ्यावर गुन्हा दाखल करायचा असेल तर करा. पण पुण्यात पक्षाच्या कार्यालयाचं उद्धाटन करताना हजारोंची गर्दी करणाऱ्या अजित पवारांवर आधी गुन्हा दाखल करा. पंढरपुरात जयंत पाटील यांनी मोठी गर्दी जमा केली होती. त्यांच्यावर गुन्हा दाखल करा, अशी संतप्त प्रतिक्रिया गोपीचंद पडळकर यांनी दिलीय.
पडळकरांच्या गाडीवर दगडफेक
आमदार गोपीचंद पडळकर यांच्या गाडीवर काल सोलापुरात दगडफेक झाली होती. त्यानंतर पडळकर यांनी राष्ट्रवादी काँग्रेसकडे अंगुलीनिर्देश केलाय. गोपीचंद पडळकर यांच्या गाडीवर दगडफेकून पळ काढणाऱ्याचा फोटो समोर आलाय. दगडफेक करणारा तरुण हा राष्ट्रवादी काँग्रेसचा कार्यकर्ता असल्याचा आरोप भाजपकडून करण्यात येत आहे. दुसरीकडे आमदार गोपीचंद पडळकर यांच्यासह 10 ते 15 जणांवर गुन्हा दाखल करण्यात आला आहे.
संबंधित बातम्या :
आधी गाडीवर हल्ला, आता गोपीचंद पडळकरांवर गुन्हा, पडळकर म्हणतात, अजित पवारांना का सोडलं?
पडळकर म्हणाले, रात गेली हिशोबात, पोरगं नाही नशिबात, आता रोहित पवारांचं जशास तसं उत्तर
Ajit Pawar’s reaction to the stone pelting on Gopichand Padalkar’s car
