‘BHR घोटाळ्यात गिरीश महाजनांशी संबंधित कंपनीचा सहभाग; पैसे खाताना कचराही सोडला नाही’ : अनिल गोटे

गिरीश महाजन यांचा प्रत्यक्ष संबंध असलेल्या एका कंपनीचा या बीएचआर घोटाळ्यात थेट संबंध आहे, असा आरोप अनिल गोटे यांनी केला. (Anil Gote Girish Mahajan)

'BHR घोटाळ्यात गिरीश महाजनांशी संबंधित कंपनीचा सहभाग; पैसे खाताना कचराही सोडला नाही' : अनिल गोटे
Follow us
| Updated on: Dec 03, 2020 | 6:23 PM

नाशिक : भाईचंद हिरांचद रायसोनी (बीएचआर) सहकारी बँकेतील कथित 1100 कोटी रुपयांच्या गैरव्यवहाराप्रकरणी राजकीय गोटात एकमेकांवर आरोप प्रत्यारोपाच्या फैरी झडत आहेत. ” भाजप नेते गिरीश महाजन (Girish Mahajan) यांचा प्रत्यक्ष संबंध असलेल्या एका कंपनीचा बीएचआर घोटाळ्यात थेट संबंध आहे,” असा थेट आरोप राष्ट्रवादीचे नेते अनिल गोटे (Anil Gote) यांनी केला. तसेच, पैसे खाताना त्यांनी कचराही सोडला नाही अशी टीकाही त्यांनी महाजनांवर केली. ते नाशिकमध्ये बोलत होते. (allegations of Anil Gote on Girish Mahajan on BHR scam)

“गिरीश महाजन यांचा प्रत्यक्ष संबंध असलेल्या एका कंपनीचा बीएचआर घोटाळ्यात थेट सहभाग आहे. या कंपनीचे सुनील झवर, संचेती आणि बोरा असे तीन संचालक आहेत. हे तिन्ही संचालक गिरीश महाजन यांचे निकटवर्तीय आहेत, यांनी पैसे खाताना कचरासुद्धा सोडला नाही,” असे अनिल गोटे म्हणाले. तसेच, शंभर टक्के पुराव्यांसहित बोलत असल्याचा दावादेखील त्यांनी केला. नाशिक, धुळे, जळगाव येथील महापालिका आयुक्त, महापौर स्थायी समितीचे सभापती हे देखील या गैरव्यवहारात भागीदार असल्याचा गौप्यस्फोट अनिल गोटे यांनी केला.

दरम्यान, राष्ट्रवादी काँग्रेसचे नेते एकनाथ खडसे यांनी भाईचंद हिरांचद रायसोनी (बीएचआर) सहकारी बँकेतील कथित 11100 कोटींचा घोटाळा उघड करण्याचा इशारा दिल्यानंतर भाजपकडून प्रथमच प्रतिक्रिया देण्यात आली आहे. जळगावातील एकनाथ खडसे (Eknath Khadse) यांचे कट्टर विरोधक गिरीश महाजन (Girish Mahajan) यांनी यासंदर्भात भाष्य केले आहे. बीएचआर घोटाळ्याशी माझा कोणताही संबंध नाही. सुनील झंवर हा माझा खूप आधीपासूनचा मित्र आहे. त्यामुळे मला जाणीवपूर्वक लक्ष्य करण्यात येत असल्याचा आरोप गिरीश महाजन यांनी केला.

“या घोटाळ्यात माझ्या नावाचा चुकीच्या पद्धतीने वापर झाला असेल तर योग्य ती कारवाई झालीच पाहिजे. कोणाच्या पतसंस्थेत घोटाळा झाला, याचीही चौकशी व्हावी. मात्र, माझ्यावर केवळ राजकीय कारणासाठी आरोप होत आहेत. याप्रकरणाची चौकशी झाल्यानंतर सत्य परिस्थिती समोर येईल,” असे गिरीश महाजन यांनी सांगितले. ते गुरुवारी (3 डिसेंबर) मुंबईत प्रसारमाध्यमांशी बोलत होते.

संबंधित बातम्या :

बीएचआर बँक घोटाळ्यात बड्या नेत्यांची नावे, यादी तयार, दोन दिवसांत गुन्हा दाखल होणार; खडसेंचा मोठा गौप्यस्फोट

बीएचआर घोटाळ्याशी माझा काहीही संबंध नाही; खडसेंच्या इशाऱ्यानंतर गिरीश महाजनांचे स्पष्टीकरण

पक्ष सोडताना दिल्लीवरुन फोन, पक्ष का सोडता अशी विचारणा : एकनाथ खडसे

(allegations of Anil Gote on Girish Mahajan on BHR scam)

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.