भाजपसोबत 25 वर्षे काम केलं, कुणी कायमचा शत्रू नसतो, संजय राऊतांच्या विधानाचा अर्थ काय?

विरोधी पक्षातील सहकाऱ्यांनी आमच्याशी गोड बोलावं, गोड राहावं, गोड हसावं. त्यांनी सरकारबाबात सकारात्मक विचार करावा, एवढ्याच शुभेच्छा आहेत. | Sanjay Raut

  • टीव्ही 9 मराठी डिजीटल टीम
  • Published On - 11:16 AM, 14 Jan 2021
BJP is not your enemy

मुंबई: मी भाजपला विरोधी पक्षच मानत नाही, ते आमचे सहकारीच आहेत. मुळात राजकारणात कुणीही कायमचा शत्रू किंवा मित्र नसतो, असे वक्तव्य शिवसेना खासदार संजय राऊत (Sanjay Raut) यांनी केले. आहे. आम्ही भाजपसोबत 25 वर्षे जवळून काम केले आहे. त्यामुळे त्यांच्याशी शत्रुत्व असण्याचं कारण नाही, असे संजय राऊत यांनी म्हटले. त्यांच्या या वक्तव्यानंतर राजकीय वर्तुळाच्या भुवया उंचावल्या आहेत. (Sanjay Raut says BJP is not our enemy)

ते गुरुवारी मुंबईत प्रसारमाध्यमांशी बोलत होते. यावेळी तुम्ही विरोधी पक्षाला मकरसंक्रांतीच्या काय शुभेच्छा द्याल, असा प्रश्न विचारण्यात आला. त्यावर राऊत यांनी नेहमीच्या मिश्किल शैलीत प्रत्युत्तर दिले.

राजकारणात कुणीही कायमचा शत्रू आणि मित्र नसतो. भाजपा सोबत आम्ही पंचवीस वर्ष काम केले आहे. आम्ही त्यांना शत्रू मानायला तयार नाही. जरी विरोधी पक्षात असले तरी ते आमचेच सहकारी आहे. मकरसंक्रांतींच्या दिवशी मी एवढीच अपेक्षा करतो की, विरोधी पक्षातील सहकाऱ्यांनी आमच्याशी गोड बोलावं, गोड राहावं, गोड हसावं. त्यांनी सरकारबाबात सकारात्मक विचार करावा, एवढ्याच शुभेच्छा आहेत, असे संजय राऊत यांनी म्हटले.

राजकारण्यांनी भान ठेवावं, धनंजय मुंडे प्रकरणात संजय राऊतांचं भाष्य

राष्ट्रवादी काँग्रेसचे नेते धनंजय मुंडे (Dhananjay Munde) यांच्यावर करण्यात आलेल्या बलात्काराच्या आरोपांविषयी संजय राऊत यांना विचारणा करण्यात आली. तेव्हा संजय राऊत यांनी हे प्रकरण धनंजय मुंडे यांची कौटुंबिक आणि खासगी बाब असल्याचे सांगितले. त्यामुळे यावरुन कोणतेही राजकारण होता कामा नये, असेही त्यांनी म्हटले.

खासगी आणि कौटुंबिक गोष्टी या त्याच पातळीवर सोडवायच्या असतात. त्यामध्ये राजकारण आणायचे नसते. विशेषत: राजकारण्यांनी या गोष्टीचे भान ठेवले पाहिजे, असा सल्लाही त्यांनी दिला.

संबंधित बातम्या:

नैतिकता महत्त्वाची, धनंजय मुंडे प्रकरणावर देवेंद्र फडणवीसांचं मोठं भाष्य

धनंजय मुंडेंनी तात्काळ राजीनामा द्यावा; चंद्रकांत पाटलांची मागणी

धनंजय मुंडे यांची आमदारकी धोक्यात आहे का?

(Sanjay Raut says BJP is not our enemy)