“राज्यात भाजपचे 6 हजार सरपंच होणार”, चंद्रकात पाटलांचा दावा
भाजपचे प्रदेशाध्यक्ष चंद्रकांत पाटील यांनी आज (18 जानेवारी) घोषित झालेल्या ग्रामपंचायत निवडणुकींवर भाजपची भूमिका स्पष्ट करत पत्रकार परिषद घेतली. यावेळी चंद्रकांत पाटलांनी राज्यात भाजपचे 6 हजार सरपंच होतील, असा दावा केलाय.
मुंबई : भाजपचे प्रदेशाध्यक्ष चंद्रकांत पाटील यांनी आज (18 जानेवारी) घोषित झालेल्या ग्रामपंचायत निवडणुकींवर भाजपची भूमिका स्पष्ट करत पत्रकार परिषद घेतली. यावेळी चंद्रकांत पाटलांनी राज्यात भाजपचे 6 हजार सरपंच होतील, असा दावा केलाय. तसेच राज्यात भाजपला कोणत्या जिल्ह्यात किती ग्रामपंचायतींमध्ये यश मिळालं हेही सांगितलं. महाविकासआघाडीच्या अनेक नेत्यांच्या होमग्राऊंडवर भाजपने यश मिळवल्याचंही चंद्रकांत पाटलांनी नमूद केलं (Chandrakant Patil claim 6 thousand Sarpanch will be of BJP in Maharashtra).
चंद्रकांत पाटील म्हणाले, “भाजपचं ठळक यश म्हणजे शरद पवारांचं दत्तक गाव भाजपनं जिंकलं. जयंत पाटील यांची सासुरवाडी म्हैसाळ ग्रामपंचायत भाजपनं जिंकली. अतुल बाबा भोसले यांच्या नेतृत्वात 52 पैकी 40 गावांमधील ग्रामपंचायती जिंकल्या. एकनाथ खडसे यांच्या गावची ग्रामपंचायतही भाजपच्या ताब्यात आलीय. यशोमती ठाकूर यांच्या तिवसा मतदारसंघात 66 पैकी 53 ठिकाणी भाजपने विजय मिळवलाय.”
— Chandrakant Patil (@ChDadaPatil) January 18, 2021
“कोरोना विषाणूचा संसर्ग होत असताना त्या काळात राज्यात भाजपनं केलेलं काम हे लोकांना भावलं. महाविकास आघाडीनं काहीच दिलं नाही याचा राग लोकांच्या मनात होता. महाराष्ट्राच्या जनतेचे आभार मानतो. पदवीधर मतदार संघात सत्तेचा दुरूपयोग झाला हे 2 दिवसात सांगेल. याबद्दलचे पुरावे लवकरच देणार आहे. शिवसेना आणि भाजपला हिंदुत्ववादी पक्ष मानतात, पण त्यापैकी लोकांनी आम्हाला निवडलंय. 1665 पैकी 65 बिनविरोध ग्रामपंचायती भाजपच्या आहेत,” असंही चंद्रकांत पाटील यांनी नमूद केलं.
हेही वाचा :
व्हिडीओ पाहा :
Chandrakant Patil claim 6 thousand Sarpanch will be of BJP in Maharashtra
