खडसेंच्या राजीनाम्याच्या तारखेचा असाही योगायोग; वर्षभरापूर्वी 21 ऑक्टोबरला काय घडले?

भाजपच्या 'महाभरती'मुळे राष्ट्रवादी काँग्रेसची अवस्था बुडत्या जहाजाप्रमाणे भासत होती. | Eknath Khadse

खडसेंच्या राजीनाम्याच्या तारखेचा असाही योगायोग; वर्षभरापूर्वी 21 ऑक्टोबरला काय घडले?
Follow us
| Updated on: Oct 21, 2020 | 1:20 PM

मुंबई: भाजपमध्ये बऱ्याच काळापासून नाराज असलेले ज्येष्ठ नेते एकनाथ खडसे यांच्या राष्ट्रवादी काँग्रेसमधील प्रवेशावर अखेर शिक्कामोर्तब झाले आहे. ते शुक्रवारी दुपारी दोन वाजता राष्ट्रवादी काँग्रेसमध्ये प्रवेश करणार आहेत. या पार्श्वभूमीवर एकनाथ खडसे यांनी बुधवारी पक्षाकडे आपला राजीनामा पाठवला. यानंतर राजकीय वर्तुळात एकनाथ खडसे यांनी राजीनामा देण्यासाठी 21 ऑक्टोबरचा मुहूर्त जाणीवपूर्वक निवडला का, याची चर्चा रंगली आहे.

कारण, वर्षभरापूर्वी याच तारखेला महाराष्ट्रात विधानसभा निवडणुकीसाठी मतदान झाले होते. त्यावेळी भाजपच्या ‘महाभरती’मुळे राष्ट्रवादी काँग्रेसची अवस्था बुडत्या जहाजाप्रमाणे भासत होती. शरद पवार यांच्या जवळच्या अनेक नेत्यांनी राष्ट्रवादीला सोडचिठ्ठी देत भाजपमध्ये प्रवेश केला होता. त्यामुळे राष्ट्रवादी काँग्रेस महाराष्ट्रात औषधालाच शिल्लक राहील, असे भाजपच्या नेत्यांकडून हिणवले जात होते.

मात्र, आज एक वर्षानंतर ही परिस्थिती पूर्णपणे पालटली आहे. वर्षभरापूर्वी भाजपमध्ये राज्यातील बड्या नेत्यांचे इनकमिंग सुरु होते. त्याच भाजपमधील एकनाथ खडसे यांच्यासारखा बडा नेता राष्ट्रवादी काँग्रेसमध्ये प्रवेश करत आहेत. एकनाथ खडसे यांच्या प्रवेशामुळे राष्ट्रवादी काँग्रेसची उत्तर महाराष्ट्रातील ताकद शतपटीने वाढणार आहे. याशिवाय, ओबीसी नेता म्हणून असलेली एकनाथ खडसे यांची ओळख राष्ट्रवादीला आगामी काळात फायदेशीर ठरण्याची शक्यता आहे.

शुक्रवारी दुपारी दोन वाजता राष्ट्रवादीत प्रवेश भाजपचे नाराज नेते एकनाथ खडसे यांच्या राष्ट्रवादी प्रवेशावर अखेर शिक्कामोर्तब होत आहे. राष्ट्रवादीचे प्रदेशाध्यक्ष जयंत पाटील याबाबत अधिकृत घोषणा केली. नाथाभाऊ समर्थक भाजप पदाधिकारी आणि कार्यकर्ते एकनाथ खडसे यांच्या बंगल्यावर जमा झाले आहेत. कार्यकर्त्यांमध्ये खडसे यांच्या राष्ट्रवादी प्रवेशाची उत्सुकता आहे. मुंबईत राष्ट्रवादीकडून खडसेंच्या प्रवेशाची अधिकृत घोषणा होणार आहे.

रक्षा खडसे भाजपमध्येच? एकनाथ खडसे यांच्यासोबत भाजपचे अनेक नेते आणि स्थानिक पदाधिकारी राष्ट्रवादीत प्रवेश करण्याची शक्यता आहे. मात्र, एकनाथ खडसे यांच्या स्नुषा रक्षा खडसे भाजपमध्येच राहणार असे सांगितले जात आहे. काही दिवसांपूर्वीच रक्षा खडसे यांनी शेतकऱ्यांच्या प्रश्नांवर चर्चा करण्यासाठी देवेंद्र फडणवीस यांची भेट घेतली होती. यावेळी या दोघांमध्ये चर्चा झाली. यानंतर रक्षा खडसे यांनी भाजपमध्येच राहण्याचा निर्णय घेतल्याचे वृत्त आहे.

संबंधित बातम्या:

मोठी बातमी: मोदींकडून भ्रमनिरास झाल्याचे ‘ते’ रिट्विट एकनाथ खडसेंकडून डिलीट   

एकनाथ खडसेंच्या राष्ट्रवादी प्रवेशाचा मुहूर्त ठरला; कार्यकर्त्यांना मुंबईत येण्याच्या सूचना? 

Non Stop LIVE Update
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.