Congress : ‘आम्ही कुटुंबाचे गुलाम बनून राहू शकत नाही’, काँग्रेस आमदारांचे बंडाचे संकेत
तिकीट वाटपातील नाराजीवरुन काँग्रेसमधील पाच आमदारांनी राजीनाम्याची धमकी दिली आहे. यात तीन विधानसभेतील आमदार आहेत, दोन विधान परिषदेतील आमदार आहेत. काँग्रेस पक्ष कुटुंबातच तिकीट वाटप करतोय, अस या आमदारांच म्हणण आहे.
लोकसभा निवडणुकीसाठी आघाडी-युतीच्या राजकारणात विविध पक्ष उमेदवारी जाहीर करत आहेत. या उमेदवारीवरुन कुठे खुशी तर कुठे नाराजी आहे. काही नाराज तिकीट मिळाल नाही किंवा आपल्या शब्दाला मान दिला नाही, म्हणून पक्ष सोडत आहेत. सध्या बहुतांश पक्षात पक्षांतराचा हा ट्रेंड दिसून येतोय. आता कर्नाटक काँग्रेसमध्ये बंडाचे वारे वाहू लागले आहे. तिकीट वाटपातील नाराजीवरुन कर्नाटक काँग्रेसमधील पाच आमदारांनी राजीनाम्याची धमकी दिली आहे. यात तीन विधानसभेतील आमदार आहेत, दोन विधान परिषदेतील आमदार आहेत.
कोलार लोकसभा मतदारसंघातून काँग्रेसने अन्न आणि नागरी पुरवठा मंत्री केएच मुनीयप्पा यांच्या नातेवाईकाला तिकीट दिली. त्यावरुन ही नाराजी उफाळून आली आहे. कर्नाटकचे उच्च शिक्षण मंत्री डॉ. एमसी सुधाकर म्हणाले की, ‘आम्ही गुलाम नाही असं अन्य आमदारांनी म्हटलय’ आम्ही मुनीयप्पा कुटुंबाचे गुलाम नाही, असं या आमदाराच म्हणणं आहे. इंडिया टुडेने हे वृत्त दिलय.
पार्टी हायकमांडने म्हणण ऐकून घेतलं, पण….
काँग्रेस पक्ष कुटुंबातच तिकीट वाटप करतोय, अस या आमदारांच म्हणण असल्याच डॉ. एमसी सुधाकर म्हणाले. विधानसभा अध्यक्षांना भेटून राजीनामा देण्याची धमकी या आमदारांनी पार्टी हायकमांडला दिली आहे. त्यांनी आपल नाराजी, असमाधान प्रगट केलय. पार्टी हायकमांडने म्हणण ऐकून घेतलं पण आमच्या मागणीची बिलकुल दखल घेतली नाही असा या आमदारांचा आरोप आहे.
या राज्यात दोन टप्प्यात लोकसभा निवडणूक
21 मार्चला काँग्रेसने लोकसभा निवडणुकीसाठी उमेदवारांची दुसरी यादी जाहीर केली. यात कर्नाटकातील 17 उमेदवार आहेत. उमेदवारांची पहिली यादी 8 मार्चला जाहीर झाली होती. कुटुंबातील सदस्याला कोलारमधून तिकीट मिळवून देण्याची इच्छा केएच मुनीयप्पा यांनी याआधी व्यक्त केली होती. कर्नाटकात दोन टप्प्यात लोकभा निवडणूक पार पडणार आहे. 26 एप्रिल आणि 7 मे अशी दोन टप्प्यात लोकसभेची निवडणूक होईल.
