खड्डे भरण्याच्या भ्रष्टाचारात केडीएमसी देशात पहिली; भाजप आमदाराची घाणाघाती टीका

मुंबई : कल्याण डोंबिवली महापालिका क्षेत्रात खड्ड्यांमुळे वारंवार अपघात होत आहेत. पावसाळा संपला तरी खड्डे भरण्याचे काम केले जात नाही. खड्ड्यांमुळे एका दिवसात तीन जण जखमी झाले. यानंतर भाजप आमदार गणपत गायकवाड यांनी कल्याण डोंबिवली महापालिका प्रशासनावर घणाघाती टिका केली आहे. (KDMC ranks first in corruption during Potholes repairing says BJP MLA ganpat Gaikwad)

सातत्याने तक्रार करुनही रस्त्यावरील खड्डे भरले गेले नाहीत. खड्डे भरण्यासाठी खडी व मातीचा वापर केला. त्यात डांबराचा पत्ताच नाही. खड्डे भरण्याचे नियम पाळले जात नाहीत. खड्डे आणि रस्त्यावर पसरलेल्या खडीमुळे अपघात होत आहेत. महापालिकेच्या भ्र्ष्टाचारामुळे नागरिकांचा जीव जात आहे. खड्ड्यांच्या भ्रष्टाचारात कल्याण डोंबिवली महापालिकेचा देशात पहिला नंबर लागतो, अशी टिका आमदार गणपत गायकवाड यांनी केली आहे.

खड्ड्यांमुळे डोंबिवलीत प्रशांत पोमेणकर, एक महिला व कल्याणमध्ये अवतार सिंग हे जखमी झाले आहेत. इतकेच नाही तर प्रथमेश वाघमारे यांच्या गाडीचे नुकसान झाले आहे. खड्ड्यांमुळे मागच्या वर्षी काही लोक जखमी झाले होते. दोन वर्षापूर्वी पाच जणांचा मृत्यू झाला होता. तरीदेखील महापालिकेला जाग येत नाही.

शहरातील अनेक रस्त्यांची दूरवस्था झालेली आहे. अनेक रस्त्यांवरील खड्ड्यांमुळे वाहतूक मंदावते, अनेक ठिकाणी वाहतूक कोंडी होते. लोकांचा प्रवासाचा कालावधी वाढतो. त्यामुळे शहरवासीन प्रशासनावर नाराज आहेत.

(KDMC ranks first in corruption during Potholes repairing says BJP MLA ganpat Gaikwad)

संबंधित बातम्या 

कल्याण डोंबिवली नव्हे, ही तर खड्ड्याण डोंबिवली मनपा, मनसेकडून नामकरण, खड्ड्यात केक कापला

रस्त्यावरील खड्ड्यांमुळे अनेकांचा बळी, कल्याण डोंबिवलीतील नगरसेवकाने स्वखर्चातून खड्डे बुजवले

106 व्या वर्षी कोरोनाला धोबीपछाड, डोंबिवलीच्या ‘आनंदी’ आजींचं आदित्य ठाकरेंकडून अभिनंदन

मी स्वत: हून माझे जीवन संपवतोय, डोंबिवलीतील पतपेढीच्या मॅनेजरचा कार्यालयातच गळफास

मुंबईकरांनो मास्क वापरु नका; मरीन ड्राईव्हवर अनोखं आंदोलन

मुंबईत रस्त्यावर-सार्वजनिक ठिकाणी थुंकणाऱ्यांचं प्रमाण घटलं