AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘मंत्रालय बंद असताना शरद पवारांचे शागिर्द 15 हजार कोटी लुटत होते’, सोमय्यांचा पुन्हा मुश्रीफांवर घणाघात; राजीनाम्याचीही मागणी

सामान्य जनता लॉकडाऊनच्या झळा सोसत असताना हसन मुश्रीफ जनतेला लुटत होते. मंत्रालय 100 टक्के बंद असताना शरद पवारांचे शागिर्द 15 हजार कोटी रुपये लुटत होते', असा गंभीर आरोप सोमय्या यांनी मुश्रीफांवर केलाय. त्याचबरोबर हा घोटाळा सिद्ध झाला असून, मुश्रीफांना आता मंत्रिपदाचा राजीनामा द्यावा, अशी मागणीही सोमय्यांनी केलीय.

'मंत्रालय बंद असताना शरद पवारांचे शागिर्द 15 हजार कोटी लुटत होते', सोमय्यांचा पुन्हा मुश्रीफांवर घणाघात; राजीनाम्याचीही मागणी
किरीट सोमय्या, हसन मुश्रीफ
Reporter Rahul Zori
Reporter Rahul Zori | Edited By: sagar joshi | Updated on: Oct 21, 2021 | 2:45 PM
Share

मुंबई : भाजप नेते आणि माजी खासदार किरीट सोमय्या यांनी पुन्हा एकदा ग्रामविकास मंत्री आणि राष्ट्रवादी काँग्रेसचे नेते हसन मुश्रीफ यांच्यावर जोरदार टीका केलीय. ‘कोरोना काळात ठाकरे सरकारकडून कोट्यवधी रुपयांचा भ्रष्टाचार सुरुच होता. सामान्य जनता लॉकडाऊनच्या झळा सोसत असताना हसन मुश्रीफ जनतेला लुटत होते. मंत्रालय 100 टक्के बंद असताना शरद पवारांचे शागिर्द 15 हजार कोटी रुपये लुटत होते’, असा गंभीर आरोप सोमय्या यांनी मुश्रीफांवर केलाय. त्याचबरोबर हा घोटाळा सिद्ध झाला असून, मुश्रीफांना आता मंत्रिपदाचा राजीनामा द्यावा, अशी मागणीही सोमय्यांनी केलीय. (Kirit Somaiya makes serious allegations against Hasan Mushrif)

इतकंच नाही तर हसन मुश्रीफ यांच्या जावयाला दिलेलं 1 हजार 500 कोटीचं कंत्राट अखेर रद्द करण्यात आल्याचंही सोमय्या यांनी सांगितलं. 27 हजार ग्रामपंचायतींचा TDS रिटर्न भरण्यासाठी पुढील 10 वर्षासाठी हे कंत्राट दिलं गेलं होतं. 8 महिन्यांपूर्वी मुश्रीफांचे जावई मतीन यांनी ही कंपनी विकत घेतली. जयोस्तुते कंपनीचा मागच्या 8 वर्षात एक रुपायाचंही आवक-जावक नाही. याचा सगळा पाठपुरावा केल्यानंतर आता ठाकरे सरकारनं हे कंत्राट रद्द केलं आहे. याबाबत तक्रार करायला जातानाच मला अडवण्यात आलं होतं. ठाकरे सरकार हे भ्रष्टाचारी सरकार आहे, हे पुन्हा एकदा सिद्ध झाल्याचा दावा सोमय्या यांनी केलाय.

सोमय्यांचा अनिल परबांवरही निशाणा

मुश्रीफांसह सोमय्या यांनी शिवसेनेचे नेते आणि परिवहन मंत्री अनिल परब यांच्यावरही निशाणा साधलाय. अनिल परब यांना नॅशनल ग्रीन ट्रिब्यूनलने हजर राहण्याचे आदेश दिले आहेत. अनधिकृत रिसॉर्टची मानली नेमकी कुणाची? परब यांना आता न्यायालयात उत्तर द्यावं लागेल. हा रिसॉर्ट अनधिकृत आहे, असं सोमय्या यांनी म्हटलंय.

सोमय्यांचं संजय राऊतांना आव्हान

संजय राऊत यांनी पिंपरी-चिंचवड महापालिकेतील कथित घोटाळ्याप्रकरणी लिहिलेल्या पत्रालाही सोमय्या यांनी उत्तर दिलंय. चौकशीचा अधिकार तुम्हालाही आहेच ना. मुख्यमंत्री चौकशी करु शकत नाहीत का? कुठे कुठे घोटाळा झालाय त्याची चौकशी करा, कारवाई करा, तुम्हाला कुणी अडवलं आहे? EOW चा विषय आहे तर मग त्यांना करु द्या चौकशी, असं आव्हानच सोमय्या यांनी राऊतांना दिलंय. तुमच्या गृहमंत्री फरार आहे त्याचं काय? असा खोचक सवालही सोमय्या यांनी यावेळी केलाय.

मुद्दा भरकटवू नका, अजित पवारांना टोला

अजित पवार मिसगाईड करत आहेत. अजित पवार यांनी किती किंमतीला कारखाने विकत घेतले हा मुद्दा नाही. तर बोगस, बेनामी कंपनी स्थापन करुन मंत्रीपदाचा वापर करत बेनामी संपत्ती गुंतवली, याचे पुरावेही दाखवले, त्यांनी त्यावर बोलावं, असं आव्हान सोमय्या यांनी दिलंय. शरद पवार आणि अजित पवार यांनी मी जे मुद्दे उपस्थित केले त्यावर बोलावं, उगाच मुद्दा भरकटवू नये. शरद पवार, अजित पवार हतबल झाले आहेत. म्हणून कुणाची मदत मागत आहेत का? काल ईडी कार्यालयात गेलो होतो. तिथे आंदोलन केलं, त्यापेक्षा उत्तर द्या, असा खोचक टोलाही सोमय्या यांनी लगावला आहे.

इतर बातम्या :

‘जास्मिन वानखेडेंवरील बिनबुडाचे आरोप खपवून घेणार नाही’, अमेय खोपकरांचा मलिकांना थेट इशारा

‘हार की प्रहार ? यामधला प्र कधीच निघून गेलाय त्यामुळे त्यांनी त्यांच्या मुखपत्राच नाव हार ठेवावं’

Kirit Somaiya makes serious allegations against Hasan Mushrif

Follow Us
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...