विधानसभेतील बॅनरबाजी भाजप आमदारांना भोवण्याची चिन्हं, निलंबनाची शक्यता
हिवाळी अधिवेशनाच्या पहिल्याच दिवशी सभागृहात बॅनरबाजी करणाऱ्या आमदारांवर निलंबनाची कारवाई केली जाणार (Maharashtra winter session) आहे.
नागपूर : हिवाळी अधिवेशनाच्या पहिल्याच दिवशी सभागृहात बॅनरबाजी करणाऱ्या भाजप आमदारांवर निलंबनाची कारवाई केली जाणार (Maharashtra winter session) आहे. सभागृहात बॅनरबाजी करणाऱ्या भाजप आमदारांविरोधात विधानसभा अध्यक्ष नाना पटोले कारवाई करण्याची शक्यता वर्तवली जात आहे. सभागृहाचे कामकाज नियमानुसार चालावे यासाठी हे कडक पाऊल उचललं जाण्याची शक्यता वर्तवली जात (Maharashtra winter session) आहे.
नागपूर येथे कालपासून (16 डिसेंबर) सुरु झालेल्या हिवाळी अधिवेशनात विरोधकांनी शेतकरी, स्वातंत्र्यवीर सावरकर यासारख्या मुद्द्यांवरुन चांगलचं गाजलं. विधानसभेत काल सावरकर प्रकरणावरुन विरोधकांनी चांगला गदारोळ केला. यावेळी विरोधकारांनी सावरकर प्रकरणावरुन घोषणाबाजी केली. तसेच काही आमदारांनी सभागृहात बॅनरबाजी केली.
सभागृहात बॅनर चालणार नाही असं अध्यक्षांनी यापूर्वीच सांगितले होते. मात्र तरीही काही आमदारांनी काल विधानसभेच्या सभागृहात बॅनर झळकवले. त्यामुळे बॅनरबाजी करणाऱ्या आमदारांविरोधात निलंबनाची कारवाई करण्याची शक्यता वर्तवली जात आहे. तसेच सभागृहाचे कामकाज नियमानुसार चालावे यासाठी हे कडक पाऊल उचलले जाणार असल्याचेही बोललं जात (Maharashtra winter session) आहे.
दरम्यान काल विधीमंडळ सभागृहात सावरकर प्रकरणी झालेल्या गदारोळानंतर कामकाज स्थगित करण्यात आले. त्यानंतर आज सकाळी 11 वाजता कामकाज सुरु होणार आहे.
हिवाळी अधिवेशनाचा दुसरा दिवस
हिवाळी अधिवेशनचा आजचा (17 डिसेंबर) दुसरा दिवस आहे. हिवाळी अधिवेशनाचा आजचा दिवस शेतकऱ्यांच्या प्रश्नावर वादळी ठरणार आहे. शेतकऱ्यांना हेक्टरी 25 हजार रुपये मदत आणि कर्जमाफीची मागणी विरोधक लावून धरणार आहे.
दरम्यान हिवाळी अधिवेशनाचा रणनितीबाबत महाविकासआघाडीची बैठक आयोजित केली आहे. या बैठकीला महाविकासआघाडीचे नेते आणि तिन्ही पक्षांचे आमदार उपस्थित राहणार आहे. शिवसेना पक्ष कार्यालय येथे महत्त्वपूर्ण बैठक या ठिकाणी ही बैठक होणार आहे. शेतकरी मदत, कर्जमाफी या मुद्द्यावर या बैठकीत चर्चा केली जाणार (Maharashtra winter session) आहे.
हिवाळी अधिवेशनाच्या दुसऱ्या दिवशी सरकारला घेरण्याची रणनिती ठरवण्याची बैठक विरोध पक्षानेही बैठक आयोजित केली आहे विरोधी पक्षनेते देवेंद्र फडणवीस आणि प्रदेशाध्यक्ष चंद्रकांत पाटील यांच्या प्रमुख उपस्थितीत बैठक होणार आहे. भाजपच्या विधीमंडळ कार्यालयात होणार ही बैठक आयोजित केली आहे.
