राजे नाही आता युवराज, अभिजीत बिचुकले वरळीतून आदित्य ठाकरेंविरुद्ध लढणार
उदयनराजेंविरोधात शड्डू ठोकणाऱ्या अभिजीत बिचुकलेने (Abhijit Bichukale vs Aaditya Thackeray) यंदा आपला मोर्चा मुंबईकडे वळवला आहे.
मुंबई : मराठी बिग बॉसमुळे चर्चेत आलेला अभिजीत बिचुकलेने (Abhijit Bichukale vs Aaditya Thackeray) घोषणा केल्याप्रमाणे निवडणुकीच्या रिंगणात उतरला आहे. महत्त्वाचं म्हणजे उदयनराजेंविरोधात शड्डू ठोकणाऱ्या अभिजीत बिचुकलेने (Abhijit Bichukale vs Aaditya Thackeray) यंदा आपला मोर्चा मुंबईकडे वळवला आहे. बिचुकले थेट युवा सेनाप्रमुख आदित्य ठाकरे यांच्याविरोधात वरळी विधानसभा मतदारसंघातून निवडणूक लढवणार आहे. आज सकाळी 11 वाजता, बिचुकले आपला उमेदवारी अर्ज भरणार आहे.
288 जागा लढण्याची चाचपणी
येत्या विधानसभा निवडणुकीत 288 जागा लढवणार असल्याचे अभिजित बिचुकले यांनी सांगितले होते. यावर उत्तर देताना ते म्हणाले, “288 जागा लढवण्यासाठी सध्यातरी माझ्याकडे तेवढा वेळ नाही. मात्र दोन्ही राजे जे टोलनाका, दारुचे दुकान, कार्यकर्ते या क्षुल्लक गोष्टींसाठी भांडत असतात, त्यामुळे यंदा सातारकरांनी नीट विचार करावा. या दोन्ही राजांना राजे राहू द्या आणि तुमच्या अभिजित बिचुकलेला विधानसभा आणि लोकसभेसाठी पाठवा,” असं बिचुकलेने म्हटलं होतं. (Abhijit Bichukale On Election)
कोण आहे अभिजीत बिचुकले ?
- अभिजीत बिचुकले हे साताऱ्यातील फेमस व्यक्तिमत्त्व आहे. राष्ट्रपतीपदाची निवडणूक लढवण्यामुळे ते राज्यभर चर्चेत आले.
- अभिजीत बिचुकले हा बिग बॉस मराठी सिझन 2 मधील स्पर्धक
- अभिजीत बिचुकले स्वत:ला कवी म्हणवून घेतात. त्यांनी आतापर्यंत नगरसेवकापासून ते देशाच्या राष्ट्रपतीपदासाठीपर्यंतच्या अनेक निवडणुका लढवल्या आहेत.
- साताऱ्याचे खासदार उदयनराजे भोसले यांनाही त्यांनी कित्येकदा खुलेआम आव्हान दिलं आहे.
- बिग बॉसच्या घरात वादग्रस्त वक्तव्य करणे, टास्क खेळताना नियमांच्या विरुद्ध वागणे, घरातील महिला सदस्यांसोबत फर्ल्ट करणे यासाठी प्रसिद्ध आहे बिग बॉसच्या घरात वादग्रस्त वक्तव्यामुळे त्यांना अल्पावधीतच प्रसिद्ध मिळाली आहे.
- यंदाच्या लोकसभा निवडणुकीत सातारा आणि सांगलीतून त्यांनी उमेदवारी अर्जही भरला होता.
संबंधित बातम्या
शरद पवारांचे पंतप्रधान होण्याचे स्वप्न मी पूर्ण करेन : अभिजित बिचुकले
