Shivsena | युवराजांना लवकरच शिल्लकसेनेसाठी यात्रा काढावी लागणार, मनसे नेते गजानन काळेंचा टोमणा
मनसे नेते गजाजन काळे यांनी शिवसेनेला शिल्लकसेना असे म्हणत ट्विटरवरून हिणवलं आहे. तसेच आदित्य ठाकरे यांनी निष्ठा यात्रा सुरु केल्यापासून त्याचे उलट परिणाम दिसू लागलेत, असाही टोमणा मारला आहे.
मुंबईः छोटे नवाब यांनी काढलेल्या निष्ठा यात्रेचे उलट परिणाम दिसू लागलेत. त्यामुळे त्यांना आता शिल्लकयात्रा काढावी लागणार असं दिसतंय. मनसे नेते गजानन काळे (Gajanan Kale) यांनी आदित्य ठाकरे (Aditya Thackeray) यांना हा टोमणा मारला आहे. एकनाथ शिंदे यांच्या बंडानंतर जिल्हा, शहर आणि ग्रामीण भागातील शिवसेना (Shivsena) पदाधिकारी आणि कार्यकर्ते शिवसेनेतून बाहेर पडत आहेत. शिंदेंच्या गटातील संख्याबळ सर्वच स्तरांतून वाढत आहे. शिवसेनेला खिंडार पडल्यानंतर उद्धव ठाकरेंच्या नेतृत्वात आदित्य ठाकरे, संजय राऊत यांनी ठिकठिकाणी शिवसेनेचे मेळावे आयोजित केले. शिवसैनिकांसाठी निष्ठा यात्रेचंही आयोजन करण्यात आलं आहे. मात्र याचे उलट परिणाम दिसत असल्याचा आरोप गजानन काळे यांनी केला आहे.
#शिल्लकसेना असे ट्विट
आमदार, नगरसेवक यांनी साथ सोडल्यानंतर पक्षाचे प्रवक्ते आणि जिल्हाध्यक्षपण मनसे नेते गजाजन काळे यांनी शिवसेनेला शिल्लकसेना असे म्हणत ट्विटरवरून हिणवलं आहे. तसेच आदित्य ठाकरे यांनी निष्ठा यात्रा सुरु केल्यापासून त्याचे उलट परिणाम दिसू लागलेत.यांचा पक्ष सोडू लागलेत. आता युवराजांना लवकरच शिल्लक यात्रा काळावी लागणार असं दिसतंय, असं ट्विट गजाजन काळे यांनी केलंय.
छोटे नवाब यांच्या ‘निष्ठा यात्रेचे’तर उलटे परिणाम दिसू लागलेत… आमदार, नगरसेवक यांनी साथ सोडल्यानंतर पक्षाचे प्रवक्ते,जिल्हाध्यक्ष आणि पदाधिकारी पण यांचा पक्ष सोडू लागले … आता यांना लवकरच ‘शिल्लक यात्रा’काढावी लागणार असं दिसतंय … #शिल्लकसेना
— Gajanan Kale (@GajananKaleMNS) July 15, 2022
शिंदेंचा मध्यरात्री मेळावा
दरम्यान, एकनाथ शिंदे यांनी गुरुवारी मध्यरात्री दीड वाजता शिवसैनिकांच्या मेळाव्याला संबोधित केलं. औरंगाबादचे आमदार संजय शिरसाट हे मुख्यमंत्री एकनाथ शिंदे यांच्या भेटीसाठी शेकडो शिवसैनिकांसह गुरुवारी मध्यरात्री मुंबईत दाखल झाले. शिरसाट यांच्यासोबत आलेल्या कार्यकर्त्यांना एकनाथ शिंदे यांनी मध्यरात्री दीड वाजता संबोधित केलं. शिवसेनेच्या इतिहासात एवढ्या रात्री सभा कधीही झाली नाही, असा दावा त्यांनी केला. तसेच यावेळी बोलताना एकनाथ शिंदे यांनी संयज राऊतांवर आरोप केले. शिवसेना संपवायची सुपारी नेमकी कुणी घेतली हे तपासा. आम्ही गद्दारी नाही तर उठाव केला. शिवसेना आणि शिवसैनिकाला वाचवण्यासाठी आम्ही क्रांती केली असल्याचं एकनाथ शिंदे म्हणाले.
