मनसेचा वर्धापन दिन सोहळा यंदा नवी मुंबईत, शॅडो कॅबिनेट जाहीर होण्याची शक्यता

मुंबई : महाराष्ट्र नवनिर्माण सेनेचा उद्या (9 मार्च) 14 वा वर्धापन दिन सोहळा साजरा होणार (MNS Party anniversary celebration) आहे. या पार्श्वभूमीवर मनसे अध्यक्ष राज ठाकरे यांनी पक्षाच्या पदाधिकाऱ्यांची बैठक बोलवली आहे. मनसे नेते आणि पदाधिकारी या बैठकीला उपस्थित राहणार आहेत. या बैठकीत राज ठाकरे शॅडो कॅबिनेटवर अंतिम निर्णय घेण्याची शक्यता आहे.

यंदाचा वर्धापन दिन सोहळा हा नवी मुंबईत आयोजित करण्यात (MNS Party anniversary celebration) आला आहे. पक्षाच्या वाढीसाठी मनसे अध्यक्ष राज ठाकरेंनी हा निर्णय घेतला आहे. विशेष म्हणजे वर्धापन दिनाच्या कार्यक्रमात पक्षाचे शॅडो कॅबिनेट जाहीर करण्यात येणार असल्याचं बोललं जात आहे. याच पार्श्वभूमीवर राज ठाकरेंनी पदाधिकाऱ्यांसोबत बैठक आयोजित केली आहे. या बैठकीत शॅडो कॅबिनेटवर अंतिम निर्णय घेतला जाणार आहे.

झेंडा बदलल्यानंतर ‘मनसे’ची नवी रणनीती, वर्धापन दिन सोहळा यंदा नवी मुंबईत

महाराष्ट्र नवनिर्माण सेनेनं पक्षाचा झेंडा आणि अजेंडा बदलल्यानंतर आता नवी रणनीती आखली आहे. नवी मुंबई महापालिकेची निवडणुकीच्या पार्श्वभूमीवर मनसेने ही रणनिती आखली आहे. मनसेनं पक्षवाढीसाठी अनेक प्रयत्न सुरु केले आहेत. त्यानुसार यंदा पक्षाचा वर्धापन दिन मुंबईबाहेर साजरा होणार आहे. नवी मुंबईतील विष्णूदास भावे नाट्यगृहात मनसेच्या वर्धापन दिन कार्यक्रमाचे आयोजन करण्यात येणार आहे.

मनसे अध्यक्ष राज ठाकरे यांनी पक्ष वाढीसाठी आणि पक्ष बांधणीसाठी हा निर्णय घेतला आहे. तसेच कार्यकर्त्यांना ऊर्जा मिळावी यासाठीही हा नवा प्रयत्न असल्याचे बोललं जात आहे.

मला दहावीला फक्त 37 टक्के गुण; ‘तो’ सिनेमा मी 32 वेळा पाहिला : राज ठाकरे

मनसेचा नवा अजेंडा

गेल्या महिन्यात 23 जानेवारी शिवसेना प्रमुख बाळासाहेब ठाकरे यांच्या जयंतीनिमित्ताने मनसेच्या महाअधिवेशन आयोजित केलं होतं. यावेळी राज ठाकरेंनी यांनी पक्षाच्या नव्या झेंड्याचं अनावरण केलं. मनसेचा नवा ध्वज भगव्या रंगाचा असून त्यावर मध्यभागी राजमुद्रा आहे. महाअधिवेशनाच्या सुरुवातीलाच मनसेच्या नव्या झेंड्याचं अनावरण करुन राज ठाकरेंनी पक्ष कात टाकत असल्याचे संकेत दिले होते.

विशेष म्हणजे राज ठाकरे यांचे सुपुत्र अमित ठाकरे यांच्याकडे पक्षाने नवी जबाबदारी सोपवली आहे. मनसेच्या महाअधिवेशनात अमित ठाकरे यांची पक्षाच्या नेतेपदी नियुक्ती करण्यात (MNS Party anniversary celebration) आली.