राष्ट्रवादीच्या नेत्यांचे गर्दीचे कार्यक्रम सुरु, आमच्यावर गुन्हा का? पंकजा मुंडेंचा सवाल
मागील वर्षी दसरा मेळाव्यात आम्ही भगवान गडावर गेल्यानंतर आमच्यावर गुन्हे दाखल झाले. मात्र, गेल्या काही दिवसांत राष्ट्रवादी कांग्रेसच्या बड्या नेत्यांचे वाढदिवस मोठ्या प्रमाणात साजरे झाले. आजही मेळावे घेतले जात आहेत, याबाबत आपण पोलीस अधीक्षकांशी बोलणार असल्याचं पंकजा मुंडे म्हणाल्या.
बीड : भाजपच्या राष्ट्रीय महासचिव आणि माजी ग्रामविकास मंत्री पंकजा मुंडे यांनी राष्ट्रवादी काँग्रेसच्या मेळाव्यांवरुन महाविकास आघाडी सरकारवर जोरदार टीका केलीय. मागील वर्षी दसरा मेळाव्यात आम्ही भगवान गडावर गेल्यानंतर आमच्यावर गुन्हे दाखल झाले. मात्र, गेल्या काही दिवसांत राष्ट्रवादी कांग्रेसच्या बड्या नेत्यांचे वाढदिवस मोठ्या प्रमाणात साजरे झाले. आजही मेळावे घेतले जात आहेत, याबाबत आपण पोलीस अधीक्षकांशी बोलणार असल्याचं पंकजा मुंडे म्हणाल्या. (Pankaja Munde question on the program of NCP leaders)
परळीमध्ये सध्या राष्ट्रवादी काँग्रेसचे प्रदेशाध्यक्ष जयंत पाटील यांच्या स्वागतासाठी मोठी बॅनरबाजी करण्यात आलीय. त्याबाबत पंकजा मुंडे यांना प्रश्न विचारण्यात आला. तेव्हा राष्ट्रवादी काँग्रेसच्या नेत्यांना मोठा अहंकार असल्याचं पंकजा म्हणाल्या. इतकच नाही तर मी आता पोलीस अधीक्षकांना भेटणार आहे. आम्ही केवळ दर्शनासाठी गेलो तर आमच्यावर गुन्हे दाखल केले. माझ्या कार्यालयावरही गुन्हे दाखल झाले. त्याच दरम्यान जिल्ह्यात वेगवेगळे करमणुकीचे कार्यक्रम, दिवाळी फराळाचे कार्यक्रम झाले. आता मेळावे घेतले जात आहेत, त्याबाबत तुम्ही काय करणार? असा सवाल आपण एसपींना विचारणार असल्याचं पकंजा म्हणाल्या.
लोक आर्थिक अडचणीत आणि यांचं काय सुरु?
त्याचबरोबर काही दिवसांपूर्वी राष्ट्रवादी काँग्रेसच्या नेत्यांचे वाढदिवस साजरे करण्यात आले. मोठाले केक कापले गेले. कोरोना अद्यापही गेलेला नाही. लोक आर्थिक अडचणीत आहेत आणि यांचं काय सुरु आहे, अशा शब्दात पंकजा मुंडे यांनी नाव न घेता सामाजिक न्याय व विशेष सहाय्य मंत्री धनंजय मुंडे यांच्यावर टीका केलीय. सत्ता असो की नसो दुरुपयोग करणं हेच त्यांना कळतं, असा टोलाही पंकजा यांनी लगावला आहे.
परंतु हे सर्व काम पूर्ण करून सुंदर मंदिराचे काम पूर्ण करायचे आहे.श्वासात श्वास असेपर्यंत दसरा मेळाव्याला भगवान भक्तीगडावर नतमस्तक होण्यासाठी मी येणार आहे. pic.twitter.com/ZskuMvsOn4
— Pankaja Gopinath Munde (@Pankajamunde) September 26, 2021
खासदार प्रीतम मुंडेंचा टोला
मराठवाडा मुक्ती संग्राम दिनी धनंजय मुंडे यांनी बीड शहरातील राजीव गांधी चौक परिसरात असणाऱ्या हुतात्मा स्मारकाला मानवंदना देत पुष्पचक्र अर्पण करुन आदरांजली वाहिली. त्यावेळी बोलताना तत्कालीन फडणवीस सरकारनं केवळ घोषणा केली. मात्र, आम्ही मराठवाड्याच्या जनतेच्या पाठीशी खंबीरपणे उभे राहिलो आहोत, असं वक्तव्य बीडचे पालकमंत्री धनंजय मुंडे यांनी केलं होतं. त्यावर भाजपच्या खासदार प्रीतम मुंडे यांनी धनंजय मुंडे यांनी जोरदार टोला लगावला होता.
धनंजय मुंडे यांच्या वक्तव्याचा प्रीतम मुंडे यांनी चांगलाच समाचार घेतला आहे. धनंजय मुंडे यांनी केलेल्या वक्तव्याकडे मी निव्वळ विनोद म्हणून पाहते. हे वक्तव्य केल्यानंतर पत्रकारांनीही हसायला हवं होतं, असा टोमणा प्रीतम मुंडे यांनी लगावला. पंतप्रधान नरेंद्र मोदी यांच्या वाढदिवसानिमित्त बीड जिल्हा भाजपकडून एका कार्यक्रमाचं आयोजन करण्यात आलं होतं. त्यानंतर पत्रकारांशी बोलताना खासदार प्रीतम मुंडे यांनी धनंजय मुंडे यांना टोला लगावला होता.
इतर बातम्या :
‘3 सदस्यीय प्रभाग जड जाणार, भाजपसोबत युती केल्यास फायदा’, मनसे नेत्याचं मोठं विधान
‘शरद पवार, उद्धव ठाकरेंनाच नोटीस दिली की हिम्मत असेल तर रोखून दाखवा’, सोमय्यांचं थेट आव्हान
Pankaja Munde question on the program of NCP leaders
