नवाब मलिकांच्या फडणवीसांवरील आरोपाला समीर वानखेडेंचं उत्तर, ‘जप्त केलेल्या बनावट नोटा 14 कोटीच्या नाही तर 10 लाखाच्या’

मुंबई : चार वर्षांपूर्वी 14 कोटींच्या बनावट नोटा पकडल्या गेल्या. त्यानंतर हे प्रकरण दाबलं गेलं. त्यावेळीही समीर दाऊद वानखेडेच अधिकारी होते. हा योगायोग होता काय? असा सूचक सवाल करतानाच देवेंद्र फडणवीसांनीच हे प्रकरण दाबण्यासाठी मदत केली होती, असा गंभीर आरोप राष्ट्रवादीचे नेते नवाब मलिक यांनी केला आहे. मलिकांच्या या आरोपाला एनसीबी अधिकारी समीर वानखेडे यांनी प्रत्युत्तर दिलंय. जप्त केलेल्या बनावट नोटा 14 कोटीच्या नाही तर 10 लाख रुपयांच्या होत्या, असं वानखेडे यांनी सांगितलं आहे. (Sameer Wankhede responds to allegations made by Nawab Malik against Devendra Fadnavis)

नवाब मलिक यांनी आरोप केला आहे की, ऑक्टोबर 2017 मध्ये मुंबईतील बीकेसीमध्ये DRI ने छापा टाकून 14 कोटी 56 लाख रुपयांच्या बनावट नोटा जप्त केल्या होत्या. तेव्हा समीर वानखेडे यांच्याकडे हे प्रकरण होतं. हे प्रकरण दाबण्यासाठी देवेंद्र फडणवीस यांनी समीर वानखेडे यांची मदत केली होती. हाजी अराफात शेखच्या भावाचं प्रकरण दाबलं. 14 कोटीची रक्कम 8 लाख 80 हजार सांगितली गेली. काही दिवसांतच आरोपीला जामीन मिळाला. हे प्रकरण एनआयएकडे सोपवलं जाणं गरजेचं होतं, मात्र तसं झालं नाही. नवाब मलिक यांनी सांगितलं की आरोपीचे भाऊ हाजी अराफात शेखला पक्षांतर करायला लावून मायनॉरिटी कमिशनचा अध्यक्ष केलं. दरम्यान, या आरोपाचं समीर वानखेडे यांनी खंडन केलं आहे.

मलिकांचा आरोप चुकीचा – वानखेडे

समीर वानखेडे यांनी सांगितलं की, DRI ने बनावट नोटा जप्त केल्या होत्या त्या 14 कोटी 56 लाखाच्या नव्हत्या. तर 10 लाख रुपयांच्या नोटा जप्त केल्या होत्या. या प्रकरणी तीन लोकांना अटक केली होती. DRI ने या प्रकरणात एनआयएलाही संपर्क केला होता. एनआयएने हे प्रकरण घेतलं नाही. दरम्यान, मलिक यांनी आरोप केला होता की, फडणवीसांच्या काळात त्यांच्या संरक्षणात बनावट नोटांचा धंदा वाढीस लागला होता.

फडणवीसांचं ट्विटद्वारे मलिकांना उत्तर

देवेंद्र फडणवीस यांनी ट्विट करून नवाब मलिकांच्या आरोपाला तात्काळ उत्तर दिलं आहे. यासाठी फडणवीस यांनी नोबल पुरस्कार विजेते जॉर्ज बर्नाड शॉ यांच्या एका सुविचाराचा आधार घेतला आहे. कोणत्याही डुकराशी कधीच कुस्ती खेळू नये हे मी आधीच शिकलो आहे. त्यामुळे तुम्हीही घाणीने माखून जाता आणइ डुकरालाही तेच आवडत असतं, अशी खोचक टीका फडणवीस यांनी केली आहे.

Thought of the day ?? pic.twitter.com/PkLiHS3GVW

— Devendra Fadnavis (@Dev_Fadnavis) November 10, 2021

इतर बातम्या : 

एसटी कर्मचारी आंदोलनावरुन संजय राऊतांचा मुनगंटीवारांवर गंभीर आरोप, आता मुनगंटीवारांचंही प्रत्युत्तर

गुड गोईंग… मुख्यमंत्र्यांकडून मलिकांचं कौतुक; तर वरिष्ठांनी मलिकांना थांबवावं, संजय राऊतांचं आवाहन

Sameer Wankhede responds to allegations made by Nawab Malik against Devendra Fadnavis