अजितदादांच्या घातपातात सुनील तटकरेंचा हात आहे का? कदमांकडून चौकशीची मागणी, तटकरेंची पहिली प्रतिक्रिया समोर…

राजकीय वर्तुळातून मोठी बातमी समोर येत आहे. शिवसेना ठाकरे गटाचे नेते रामदास कदम यांनी राष्ट्रवादी अजित पवार गटाचे नेते आणि प्रदेशाध्यक्ष सुनील तटकरे यांच्यावर गंभीर आरोप केले आहेत. अजित पवार यांच्या घातपातामध्ये सुनील तटकरे यांचा हात होता का? याची चौकशी झाली पाहिजे, असं कदम यांनी म्हटलं आहे. कदम यांच्या या आरोपांमुळे मोठी खळबळ उडाली आहे. सुनील तटकरे हा कोणाचाच होऊ शकत नाही, अंतुले साहेबांचा तो पीए होता, त्याने त्यांनाही संपवलं, असंही यावेळी कदम यांनी म्हटलं आहे. दरम्यान त्यानंतर आता कदम यांच्या या आरोपांवर सुनील तटकरे यांची पहिली प्रतिक्रिया समोर आली आहे.

अजित पवार यांचं विमान मुंबईहून बारामतीला जाण्यासाठी निघालं होतं. परंतु बारामती विमान तळावर विमान उतरत असतानाच विमानाचा भीषण अपघात झाला, या अपघातामध्ये अजित पवार यांचा मृत्यू झाला. दरम्यान अजित पवार यांच्या अपघातावरून आता आरोप-प्रत्यारोप सुरू असल्याचं पहायला मिळत आहे. अजित पवार यांच्या घातपातामध्ये सुनील तटकरे यांचा हात होता का? याची चौकशी झाली पाहिजे, असं कदम यांनी म्हटलं आहे. दरम्यान कदम यांच्या या आरोपांनंतर आता तटकरे यांची पहिली प्रतिक्रिया समोर आली आहे. त्यांनी आपल्यावरील सर्व आरोप फेटाळून लावले आहेत, तसेच ते आज या सर्व पार्श्वभूमीवर पत्रकार परिषद देखील घेणार आहेत.

कदम नेमकं काय म्हणाले? 

अजित पवार यांच्या घातपातामध्ये सुनील तटकरे यांचा हात होता का? याची चौकशी झाली पाहिजे, अशी मागणी कदम यांनी केली आहे. दरम्यान सुनील तटकरे हा कोणाचाच होऊ शकत नाही, अंतुले साहेबांचा तो पीए होता, त्याने त्यांनाही संपवलं, असंही यावेळी कदम यांनी म्हटलं आहे.  खेड- दापोली निवडणुकीत मी तटकरेंच्या खांद्याला खांदा लावून काम केले होते. तेव्हा मला लोकं म्हणायचे, याचंं काम करू नका हे गद्दार आहे.  तटकरेंची माझ्या विरोधात बोलण्याची लायकी नाही, असंही यावेळी कदम यांनी म्हटलं आहे.