उल्हासनगर महापौरपदासाठी शिवसेना vs भाजप, दुसऱ्या मित्रपक्षाकडूनही भाजपला डोकेदुखी

भाजपकडून जमनादास पुरसवानी, साई पक्षाकडून जीवन इदनानी आणि शिवसेनेकडून लीलाबाई अशान यांनी महापौरपदासाठी आपला उमेदवारी अर्ज दाखल केला.

Ulhasnagar Mayor Shivsena Vs BJP, उल्हासनगर महापौरपदासाठी शिवसेना vs भाजप, दुसऱ्या मित्रपक्षाकडूनही भाजपला डोकेदुखी

अंबरनाथ : उल्हासनगरच्या महापौरपदासाठी भाजप आणि शिवसेनेने स्वतंत्र अर्ज दाखल केले आहेत. त्यामुळे 22 नोव्हेंबरला होणाऱ्या महापौरपदाच्या निवडणुकीत भाजप विरुद्ध शिवसेना (Ulhasnagar Mayor Shivsena Vs BJP) अशी सरळ लढत होण्याची शक्यता आहे.

महापौरपदासाठी सोमवारी 3 तर उपमहापौरपदासाठी 4 अर्ज दाखल दाखल करण्यात आले. भाजपकडून जमनादास पुरसवानी, साई पक्षाकडून जीवन इदनानी आणि शिवसेनेकडून लीलाबाई अशान यांनी महापौरपदासाठी आपला उमेदवारी अर्ज दाखल केला.

उपमहापौरपदासाठी भाजपचे विजय पाटील, साई पक्षाचे दीपक शेरवानी, रिपाइं आठवले गटाचे भगवान भालेराव आणि राष्ट्रवादी काँग्रेसचे भरत गंगोत्री यांनी आपले उमेदवारी अर्ज दाखल केले.

भाजपकडून उमेदवारी अर्ज दाखल करताना मित्रपक्ष असलेल्या ओमी कलानी गटाचे नगरसेवक मात्र सोबत नव्हते. त्यामुळे निवडणुकीत टीम ओमी कलानीच्या भूमिकेकडे लक्ष असणार आहे.

गेल्या अडीच वर्षांपासून उल्हासनगर महापालिकेत भाजप आणि साई पक्षाची सत्ता आहे. मात्र तरीही साई पक्षाने स्वतंत्रपणे महापौर आणि उपमहापौर पदासाठी उमेदवारी अर्ज दाखल केले आहेत. आता शेवटच्या दिवशी कोण उमेदवारी अर्ज मागे घेतो, हे पाहावे लागणार आहे.

भाजपच्या तिकीटावर लढलेल्या पप्पू आणि ज्योती कलानी यांच्या स्नुषा, ओम कलानी यांच्या पत्नी पंचम कलानी उल्हासनगरच्या महापौर आहेत. तर साई पक्षाच्या जीवन इदनानी यांच्याकडे उपमहापौरपदाचा कार्यभार आहे. मात्र भाजपसोबत युती असतानाही इदनानी यांनी थेट महापौरपदाच्या शर्यतीत उडी घेत भाजपविरोधातच अर्ज भरला आहे.

विशेष म्हणजे राष्ट्रवादीचे सर्व नगरसेवक उमेदवारी अर्ज भरताना शिवसेनेसोबत पाहायला मिळाले. त्यामुळे महापौरपदासाठी शिवसेना आणि उपमहापौरपदासाठी राष्ट्रवादी अशी आघाडी झाल्याची चर्चा आहे.

मुंबईच्या महापौरपदासाठी शिवसेनेकडून किशोरी पेडणेकर यांची निवड निश्चित

शिवसेनेने आमचा महापौर होईल, असा विश्वास व्यक्त केला आहे. तर टीम ओमी कलानी आमच्या सोबत आहे, असा दावा भाजपचे महापौरपदाचे उमेदवार जमनादास पुरसवानी यांनी केला आहे.

दुसरीकडे, पक्षाचा आदेश आला तर राष्ट्रवादी शिवसेनेला मदत करेल, असं उमेदवार भरत गंगोत्री यांनी सांगितलं. त्यामुळे उल्हासनगर महापौरपदाची निवडणूक रंगतदार (Ulhasnagar Mayor Shivsena Vs BJP) होणार, यात शंका नाही.

कमेंट करा

कमेंट करा

Your email address will not be published. Required fields are marked *