Thumb shape meaning | ‘तुमचा अंगठा, तुमची ओळख’, एवढंच नाही लोकांचीही व्यक्तिमत्व ओळखा, कसं ते पाहा!
हस्तरेखाशास्त्राद्वारे किंवा चेहऱ्यावरील हावभावावरुन तुम्ही माणसांचा स्वभाव ओळखू शकता पण तुम्हाला हे माहित आहे का की हाताच्या अंगठ्यावरून तुम्ही माणसाचा स्वभावसुद्धा ओळखू शकतो.
मुंबई : हस्तरेखाशास्त्राद्वारे किंवा चेहऱ्यावरील हावभावावरुन तुम्ही माणसांचा स्वभाव ओळखू शकता पण तुम्हाला हे माहित आहे का की हाताच्या अंगठ्यावरून तुम्ही माणसाचा स्वभावसुद्धा ओळखू शकतो.जेव्हा गुरु द्रोणाचार्यांनी एकलव्याकडून गुरु दक्षिणा मागितली, तेव्हा त्यांनी एकलव्याकडून त्याच अंगठ्याची मागणी केली ज्याच्या मदतीने तो बाण मारत असे. शास्त्रानुसार, हाताच्या पाच बोटांमधील अंगठा हा कोणत्याही व्यक्तीच्या व्यक्तिमत्त्वाचा आरसा असतो. ज्याद्वारे त्याला गुण, दोष, कमकुवतपणा, सामर्थ्य इत्यादी सर्व गोष्टींविषयी सहजपणे ओळखता येते. चला तर मग जाणून घेऊयात अंगठ्यच्या माध्यामतून तुम्ही कसे ओळखू शकता तुमचे भविष्य.
अंगठ्याचे प्रकार
अंगठ्याचे प्रामुख्याने दोन प्रकार आहेत. एक सरळ, मजबूत आणि दुसरा मऊ आणि वाकलेला अंगठा. ज्या लोकांचा अंगठा सरळ आणि मजबूत आहे, अशी व्यक्ती मऊ आणि वाकलेला अंगठा असलेल्या व्यक्तीपेक्षा अधिक जिद्दी आणि मनमानी स्वभावाची असते. त्याच वेळी, मऊ आणि वाकलेला अंगठा असलेल्या व्यक्तीच्या स्वभावात अस्थिरता असते.
पहिल्या सांध्यापासून वाकलेला अंगठा
ज्या लोकांचा अंगठा पहिल्या सांध्यापासून वाकलेला असतो, अशा व्यक्तीला अनेकदा इतरांनी फसवले जाते. बऱ्याचदा असे लोक स्वतःचे नुकसान इतरांच्या फायद्यासाठी घेतात आणि निरुपयोगी गोष्टींवर खर्च करतात. याचा अर्थ असा आहे की अशा लोकांची इतरांकडून अनेकदा फसवणूक होते.
दुसऱ्या सांध्यापासून वाकलेला अंगठा
ज्या लोकांचा अंगठा दुसऱ्या सांध्यापासून वाकलेला असतो, ते वेळ आणि परिस्थिती पाहूनच निर्णय घेतात. परिस्थिती जाणून घेतल्यानंतरच ते त्यांच्या हेतूमध्ये कोणताही बदल आणतात. म्हणजेच, अशा लोकांना फसवणे खूप कठीण आहे.
जाड अंगठा
ज्या लोकांचा अंगठा जाड असतो, ते रागीट आणि जास्त खर्चिक असतात. दुसरीकडे, पातळ अंगठा असलेल्या व्यक्तीमध्ये खूप आत्म-नियंत्रण शक्ती असते. अशा लोकांना त्यांचा राग आणि वासना इत्यादींवर नियंत्रण ठेवणे चांगले माहीत असते. सडपातळ आणि लांब अंगठा असलेली व्यक्ती नेहमी रागावलेली असली तरी, ती व्यक्ती आतून खूप मऊ स्वभावाची असते.
(टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…)
इतर बातम्या :
Zodiac Signs | आपल्या शब्दावर ठाम असतात या 4 राशीच्या व्यक्ती, कधीही आपलं वचन तोडत नाहीत
