या 5 राशीचे लोक असतात अत्यंत खर्चिक, शॉपिंगवर खर्च करतात हजारो रुपये

प्रत्येक व्यक्तीच्या काहीना काही आवडीनिवडी असतात. पण एक आवड मात्र सर्वांची कॉमन असते. मग ती स्त्री असो की पुरुष असो. त्यांची आवड समान असते. ती म्हणजे शॉपिंग करणं. अर्थात त्यात शॉपिंग करण्याची वेळ वेगवेगळी असू शकते. शॉपिंगचा खर्च इकडे तिकडे असू शकतो. पण अनेकांना शॉपिंग करण्याची चटक लागलेली असते. ते शॉपिंगला खूप महत्त्व देतात आणि ते केव्हा आणि कुठेही शॉपिंग करायला तयार असतात. पण अशा काही राशीचे लोक आहेत की ज्यांना शॉपिंग करायला खूप आवडते. ज्योतिष शास्त्रानुसार, काही राशींमध्ये लोक शॉपिंगमध्ये अधिक रुचि घेतात. इतकी रुची घेतात की त्यांच्या कमाईतील बराचसा भाग शॉपिंगवरच उडवतात. कोणत्या राशीचे हे लोक आहेत, ते पाहूया.

वृषभ (Taurus) :

वृषभ राशीच्या लोकांना शॉपिंग करायला प्रचंड आवडते. परंतु त्यांची एक चांगली बाब म्हणजे ते शॉपिंग करताना खूप विचार करतात. विचार करूनच ते शॉपिंग करतात. शिवाय महिन्याचा बजेट कोलमडणार नाही याची काळजी घेतात. ज्या गोष्टींची नितांत गरज आहे, अशाच गोष्टींचे ते शॉपिंग करतात. वृषभ राशीच्या महिलांना पुरुषांच्या तुलनेत अधिक शॉपिंग करायला आवडते.

सिंह (Leo) :

सिंह राशीच्या लोकांना ब्रँडेड वस्त्रांचा आणि वस्तूंचा आवड असते. आपली मानसिक स्थिती सुधारण्यासाठी ते शॉपिंग करतात. कधीकधी ते आपल्या कमाईपेक्षा जास्त खर्च करतात. त्यामुळे त्यांचं आर्थिक गणित नेहमीच चुकतं. लोकांसमोर दिखाऊपणा करण्यासाठी या राशीच्या लोकांना शॉपिंग करणे आवडते. या राशीच्या पुरुष आणि महिलांना दोन्ही शॉपिंगची आवड असते.

तुळ (Libra) :

तुळ राशीच्या लोकांना विलासी जीवन जगायला आवडते. त्यांना महागड्या आणि आलिशान वस्तू खरेदी करायला आवडतात. त्यासाठी ते कधीच बजेट पाहत नाहीत. तुळ राशीच्या लोकांकडे पैशांची कमतरता नसते, त्यामुळे ते शॉपिंग करताना पैशाची पर्वा करत नाही. गाडी, मोबाइल, घराचे इंटिरियर्स यासारख्या वस्तू ते पटकन बदलतात.

कुंभ (Aquarius) :

कुंभ राशीचे लोक जेव्हा कंटाळलेले असतात, तेव्हा ते शॉपिंग करायला निघतात. त्यांना इलेक्ट्रॉनिक वस्तू आणि गॅझेट्सची खूप आवड असते. ऑनलाइन शॉपिंग करणे त्यांना विशेषतः आवडते. ते जितके खर्च करतात, त्याहून अधिक कमावतात, त्यामुळे त्यांना पैशाची जास्त चिंता वाटत नाही.

धनु (Sagittarius) :

धनु राशीचे लोक आपल्या कमाईचा मोठा भाग शॉपिंगवर खर्च करतात. ते फक्त स्वतःसाठीच नाही, तर आपल्या कुटुंबासाठी आणि मित्रमैत्रिणींसाठीही महागडे गिफ्ट्स घेतात. त्यांना फॅशनेबल कपडे, एसेसरीस, कॉस्मेटिक्स, गॅझेट्स वगैरे वस्तू खरेदी करायला आवडतात. शॉपिंग करताना ते बजेटची चिंता करत बसत नाहीत.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)