Ganesh Mahotsav 2021 : गणपतीला का असतात चार हात, या गोष्टींचं प्रतीक, जाणून घ्या
देशभरात गणेशोत्सव उत्साहात साजरा केला जात आहे. भाद्रपक्षाच्या चतुर्थीपासून सुरू होणारा गणेशोत्सव अनंत चतुर्दशीला म्हणजेच 19 सप्टेंबरला संपेल. दरम्यान, देशभरातील भाविकांनी पूर्ण मनाने त्यांची पूजा केली. असे मानले जाते की जेथे रिद्धी-सिद्धीचा देवता गणपती विराजमान असतो तेथे संपत्ती, वैभव आणि आयुष्याची कधीही कमतरता नसते. प्रथम पुजनीय गणेशाच्या मूर्तीमध्ये त्याच्या प्रत्येक भागाचे स्वतःचे महत्त्व आहे.
मुंबई : देशभरात गणेशोत्सव उत्साहात साजरा केला जात आहे. भाद्रपक्षाच्या चतुर्थीपासून सुरू होणारा गणेशोत्सव अनंत चतुर्दशीला म्हणजेच 19 सप्टेंबरला संपेल. दरम्यान, देशभरातील भाविकांनी पूर्ण मनाने त्यांची पूजा केली. असे मानले जाते की जेथे रिद्धी-सिद्धीचा देवता गणपती विराजमान असतो तेथे संपत्ती, वैभव आणि आयुष्याची कधीही कमतरता नसते. प्रथम पुजनीय गणेशाच्या मूर्तीमध्ये त्याच्या प्रत्येक भागाचे स्वतःचे महत्त्व आहे. त्यांचे मोठे कान ऐकणे आणि दूरवरील धोका टाळण्याचे प्रतीक मानले जातात, तर लांब सोंड हे शक्तीचे प्रतीक मानले जाते.
याशिवाय, विशाल डोके चिंतन आणि विचारशीलतेचे प्रतीक आहे, तर त्यांचे प्रत्येक हात अनेक गोष्टींचे विश्लेषण देखील करतात. चला तर मग जाणून घेऊया त्याच्या चार हातामागचे रहस्य काय आहे. त्यांच्या चार हातांपैकी एका हातात अंकुश, दुसऱ्या हातात पाश, तिसऱ्या हातात मोदक आणि चौथा हात आशीर्वादच्या मुद्रेत आहेत. चला तर मग जाणून घेऊया त्यांच्या चार हातांचे प्रतीक काय आहे ते –
पहिली भुजा
गणेश आपल्या पहिल्या बाहूमध्ये अंकुश धारण करतात, आपल्या सर्व इच्छांवर नियंत्रण ठेवणे किती महत्वाचे आहे याचे ते प्रतीक आहे. वास्तविक हे इच्छांवर संयमाचे लक्षण आहे.
दुसरी भुजा
गणपतीच्या दुसऱ्या हातामध्ये एक पाश आहे, जी सांगते की प्रत्येक व्यक्तीने त्याच्या आचार आणि व्यवहारात संयम आणि नियंत्रण असणे आवश्यक आहे. जेणेकरुन जीवनाचा समतोल राखला जाईल. वास्तविक पाश नियंत्रण, संयम आणि शिक्षेचे प्रतीक आहे.
तिसरी भुजा
बाप्पाच्या तिसऱ्या हातामध्ये मोदक असतो. मोदक म्हणजे मोद देणारा, म्हणजे आनंद देणारा. ज्यातून आनंद, समाधान मिळते. याचा अर्थ असा की शरीर आणि मनामध्ये समाधान असणे आवश्यक आहे, तरच तुम्हाला जीवनाचा खरा आनंद मिळू शकेल. ज्याप्रमाणे मोदक हळूहळू खाल्ल्यावर त्याची चव आणि गोडवा अधिक आनंद देतो आणि शेवटी मोदक संपल्यावर तुम्ही समाधानी होता, त्याचप्रमाणे बाह्य ज्ञान व्यक्तीला आनंद देत नाही, परंतु ज्ञानाच्या खोलीत आनंद आणि यशाची गोडी लपलेली आहे.
चौथी भुजा
चौथा हात भक्तांना आशीर्वाद देण्याच्या मुद्रेत आहे. जो त्याच्या कर्माचा परिणाम म्हणून मोदक बाप्पाच्या हातात ठेवतो त्याला गणेश आशीर्वाद देतो.
Ganeshotsav 2021 | गणपती बाप्पा म्हटल्यानंतर ‘मोरया’चं का बरं म्हणतात? वाचा या मागची कथा…#Ganeshotsav2021 | #Story | #GanpatiBappaMorya https://t.co/feJSYtjJi5
— TV9 Marathi (@TV9Marathi) September 13, 2021
टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…
संबंधित बातम्या :
Lord Ganesha Worship Tips : गणपतीच्या कोणत्या स्वरूपाची पूजा केल्यास कोणती इच्छा पूर्ण होते
