Gudi Padwa 2024 : नेसून साडी, माळून गजरा… मित्र, मैत्रिणींना द्या गुढीपाडव्याच्या हटके शुभेच्छा…

मराठी माणसाचा हक्काचा सण म्हणजे गुढीपाडवा. हिंदू कॅलेंडरनुसार गुढीपाडव्याच्या दिवसापासून मराठी नवीन वर्ष सुरू होतं. उद्या म्हणजे 9 एप्रिल रोजी यंदा गुढीपाडवा साजरा करण्यात येणार आहे. घरावर गुढी उभारून हा सण साजरा केला जातो. तसेच या दिवशी शोभायात्रा काढल्या जातात. एकमेकांना शुभेच्छा दिल्या जातात. घरात गोडधोड पदार्थ बनवले जातात. अन् हा दिवस अत्यंत उत्साहात साजरा केला जातो.

मित्र, मैत्रिणींना द्या गुढीपाडव्याच्या हटके शुभेच्छा

manasi mande | Updated on: Apr 08, 2024 | 9:29 AM

मुंबई, पुणे, नाशिकसह राज्यभरात उद्या 9 एप्रिल रोजी गुढीपाडव्याचा सण साजरा होणार आहे. यादिवशी हिंदू कॅलेंडरनुसार नवीन वर्षाची सुरुवात सुरुवात होते. महाराष्ट्राप्रमाणे इतर राज्यांमध्येही हा उत्सव वेगवेगळ्या नावाने साजरा केला जातो. काही ठिकाणी उगादी, काही ठिकाणी युगादी आणि काही ठिकाणी चेती चंद नावानेही हा उत्सव साजरा केला जातो. या दिवशी घरावर गुढी उभारून नव्या वर्षाचं स्वागत केलं जातं.

गुढी या शब्दाचा अर्थ ध्वज किंवा प्रतीतक असा आहे. पाडवा म्हणजे चैत्र महिन्याचा पहिला दिवस. गुढीपाडव्याच्या दिवशी बांबूची काठी, कापड आणि तांब्याचे किंवा चांदीचे भांडे वर ठेवलेल्या गुढी घरावर उभारल्या जातात. गुढी कडुलिंबाची पाने, फुले आणि आंब्याच्या पानांनी सजवली जाते. या दिवशी शहरा शहरातून शोभायात्रा काढल्या जातात. जल्लोष केला जातो. तसेच गोडधोड बनवून हा सण अत्यंत उत्साहात साजरा केला जातो. याच दिवशी सर्वजण आपल्या नातेवाईक आणि प्रियजणांना शुभेच्छा देतात. तुम्हालाही तुमच्या मित्र, मैत्रिणी आणि आप्तेष्टांना खालील शुभेच्छा देऊन तुमचा दिवस आनंदात घालवू शकता.

चंदनाच्या काठीवर,

शोभे सोन्याचा करा…

साखरेची गाठी आणि,

कडुलिंबाचा तुरा…

मंगलमय गुढी ल्याली भरजरी खण,

स्नेहाने साजरा करा पाडव्याचा सण…

गुढी पाडव्याच्या हार्दिक शुभेच्छा!

————–

वसंताची चाहूल घेऊन आलं नववर्ष

मना-मनात या निमित्ताने पुन्हा होऊ दे हर्ष

नववर्षाच्या हार्दिक शुभेच्छा

—————