Shravan 2022: 850 वर्षे जुने राजेश्वर मंदिर, जिथे शिवलिंगाचा रंग बदलतो
14 जुलैपासून उत्तर भारतीयांचा श्रावण महिना (Shravan 2022) सुरू झालाआहे. त्याचवेळी 12 ऑगस्टपर्यंत श्रावण महिना असेल. श्रावण हा भगवान महादेवाचा (Mahadev) अत्यंत प्रिय महिना आहे. शिवभक्तसुद्धा या महिन्याची आतुरतेने वाट पाहत असतात. या आधीही आपण भगवान शिव यांच्या जागृत देवस्थाबद्दल जाणून घेतले आहे. आज आपण भगवान शिवाच्या आणखी एका जागृत देवस्थानाबद्दल जाणून घेणार आहोत. ज्याबद्दल […]
14 जुलैपासून उत्तर भारतीयांचा श्रावण महिना (Shravan 2022) सुरू झालाआहे. त्याचवेळी 12 ऑगस्टपर्यंत श्रावण महिना असेल. श्रावण हा भगवान महादेवाचा (Mahadev) अत्यंत प्रिय महिना आहे. शिवभक्तसुद्धा या महिन्याची आतुरतेने वाट पाहत असतात. या आधीही आपण भगवान शिव यांच्या जागृत देवस्थाबद्दल जाणून घेतले आहे. आज आपण भगवान शिवाच्या आणखी एका जागृत देवस्थानाबद्दल जाणून घेणार आहोत. ज्याबद्दल असे मानले जाते की, हे मंदिर सुमारे 850 वर्षे जुने आहे. पौराणिक कथेनुसार राजखेडा येथील एका सावकाराने नर्मदा नदीतून चमत्कारिक शिवलिंग आणले. उत्तर प्रदेशातील शम्साबाद रोड राजपूर चुंगी येथे भोलेनाथाचे हे अद्भुत राजेश्वर (rajeshwar Temple) धाम आहे.
असे झाले शिवलिंग स्थापित
राजखेड्यात शिवलिंगाची स्थापना सावकारांना करायची होती, असे सांगितले जाते. रात्री विश्रांतीसाठी राजपूर चुंगी येथे मुक्काम केला असता. तेव्हा त्यांना स्वप्नात शिवलिंगाच्या स्थापनेची कल्पना आली, पण डोळे उघडताच तो ते स्वप्न विसरून गेला. तो त्याच्या मुक्कामासाठी चालायला लागला. सावकाराने शिवलिंग बैलगाडीत नेण्यास सुरुवात करताच बैल अचानक थांबले. शिवलिंग बैलगाडीतून पडले आणि जमिनीवर स्थापित झाले.
कोणीच उचलू शकले नाही शिवलिंग
सावकाराने शिवलिंग उचलण्याचा खूप प्रयत्न केला, पण अपयश आले. राजेश्वर मंदिराच्या पुजाऱ्यांच्या म्हणण्यानुसार अनेकांनी शिवलिंग हटवण्याचा प्रयत्न केला. यामध्ये सर्वजण अपयशी ठरले. शंकराचा हा महिमा पाहून या ठिकाणी मंदिर बांधण्यात आले.
तीन वेळा बदलतो रंग
राजेश्वर महादेव मंदिरात बसवलेले शिवलिंग दिवसातून तीन वेळा रंग बदलते. सकाळी शिवलिंगाचा रंग पांढरा असतो. मध्यान्ह आरतीच्या वेळी हलका निळा असतो. त्याचवेळी संध्याकाळी आरतीच्या वेळी शिवलिंगाचा रंग गुलाबी होतो. श्रावण महिन्याच्या पहिल्या सोमवारपासून मंदिरात जत्रा भरते. ज्यामध्ये भाविक जलाभिषेकासाठी रांगा लावतात. श्रावणमध्ये पहाटे 4 वाजता मंदिराचे दरवाजे उघडतात. या शिवधाममध्ये कोणीही भक्त रिकाम्या हाताने परतत नाही, असा विश्वास आहे. त्याची इच्छा नक्कीच पूर्ण होते.
कसे जायचे
मंदिरात जाण्यासाठी अनेक मार्ग आहेत. जर तुम्ही आग्रा-लखनौ एक्सप्रेसवेने येत असाल तर शम्साबाद रोडने तुम्ही येथे पोहोचू शकता. पॉवर स्टेशनपासून इथपर्यंत ऑटो आणि बसेस उपलब्ध आहेत.
(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)
