चंद्रग्रहणाच्या दिवशी या राशींवर पडणार मायावी ग्रह राहूचा प्रभाव; काय काळजी घ्यावी?

वैदिक कॅलेंडरनुसार फाल्गुन पौर्णिमा मंगळवार 3 मार्च रोजी येते. हा दिवस खूप खास आहे. या शुभ प्रसंगी होळीचे पूजन केले जाणार आहे. तथापि चंद्रग्रहणामुळे होळीचे पूजन ग्रहण संपल्यावर करता येणार आहे. त्यानंतर दुसऱ्या दिवशी रंगांचा सण धुळिवंदन बुधवार 4 मार्च रोजी साजरा केला जाईल.

ज्योतिषशास्त्रीय आणि खगोलीय गणनेनुसार, वर्षातील पहिले चंद्रग्रहण मंगळवार, 3 मार्च रोजी म्हणजेच फाल्गुन पौर्णिमेला आहे. त्यात हे ग्रहण भारतात दिसेल. मात्र या ग्रहणाच्या वेळी मायावी ग्रह राहूचा प्रभाव वाढतो. त्यामुळे ग्रहणाच्या वेळी शुभ कार्य केले जात नाही. तसेच या ग्रहणाच्या राहूच्या प्रभावामुळे या राशींमध्ये जन्मलेल्या लोकांनी वेळी विशेष काळजी घेणे आवश्यक आहे. कोणत्या आहेत या राशी त्याबद्दल जाणून घेऊयात.

फाल्गुन पौर्णिमा शुभ मुहूर्त

वैदिक कॅलेंडरनुसार फाल्गुन पौर्णिमा मंगळवार 3 मार्च रोजी आहे. तर फाल्गुन पौर्णिमा 2 मार्च रोजी संध्याकाळी 5 वाजून: 55 मिनिटांनी सुरू होईल आणि 3 मार्च रोजी संध्याकाळी 5 वाजून:07 मिनिटांनी संपेल.

2026 चा चंद्रग्रहण

ज्योतिषांच्या मते, फाल्गुन पौर्णिमेला चंद्रग्रहण लागेल. भारतात हे ग्रहण दिसेल. सुतक देखील लागू असेल. म्हणून चंद्रग्रहणाच्या काळात शुभ कार्ये टाळा. तसेच, ग्रहणाच्या वेळी भगवान विष्णूचे ध्यान करा. ग्रहणानंतर स्नान आणि ध्यान केल्यानंतर भगवान विष्णूची पूजा करा. आणि पूजा केल्यानंतर या दिवशी दान करा.

या राशींना सावधगिरी बाळगावी लागेल

फाल्गुन पौर्णिमा म्हणजेच 3 मार्च रोजी चंद्रग्रहणाच्या वेळी, वृषभ आणि कर्क राशीच्या लोकांनी सावधगिरी बाळगणे आवश्यक आहे. वृषभ राशीच्या लोकांना चंद्र देव शुभ फळ देतो. या राशीत चंद्र उच्च असतो. तर, कर्क राशीचा स्वामी चंद्र देव आहे, जो मनाचा कारक आहे. मायावी ग्रह राहू हा सूर्य आणि चंद्राला आपले शत्रू मानतो. यासाठी दोन्ही राशीच्या लोकांनी विशेषतः सावधगिरी बाळगली पाहिजे. महत्त्वाचे निर्णय घेऊ नका. कोणाशीही वाद घालू नका. कोणाला दुखवू नका. देवीची सेवा करा. नकारात्मक ठिकाणी जाणे टाळा. ग्रहणाच्या वेळी भगवान शिव आणि विष्णूजींच्या नावांचा जप करा.

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)