घरातील दैनंदिन पूजेचे हे आहेत खास नियम; अशा पूजेमुळे मिळते तत्काळ फळ

मुंबई : सनातन परंपरेत पूजेला विशेष महत्त्व आहे. दरदिवशी देवाची पूजा करण्यासाठी काही नियम देखील आहेत, जे प्रत्येक साधकाने पाळले पाहिजेत. इच्छा पूर्ण करण्यासाठी आणि शुभ परिणाम प्राप्त करण्यासाठी, देवाची उपासना करण्यासाठी वापरलेली मुद्रा, हवन विधी, पूजेचा मंत्र आणि पठण करण्याची पद्धत, आपल्या देवतेसमोर दिवा लावण्याचा किंवा आरती करण्याचा नियम इत्यादीची संपूर्ण माहिती साधकाकडे असायला पाहिजे. (These are the special rules of daily worship at home; Such worship yields immediate effects)

1. नेहमी आंघोळ केल्यानंतर शुद्ध आणि आनंदी अंत:करणाने देवाची पूजा केली पाहिजे.

2. आपण नेहमी शुद्ध आणि पवित्र जमिनीवर आसन ठेवून देवाची आध्यात्मिक साधना केली पाहिजे. जमिनीवर लोकरीच्या आसनावर बसून पूजा करावी.

3. देवाची दैनंदिन पूजा नेहमी ठराविक वेळी आणि ठराविक ठिकाणी केली पाहिजे.

4. आपल्या दैवतेची पूजा नेहमी पूर्व, उत्तर किंवा ईशान्य दिशेला केली पाहिजे. पूजा करताना आपली पाठ कधीही देवतेच्या दिशेने नसावी.

5. तांब्याच्या भांड्यात चंदन ठेवू नये आणि देवतांना पातळ चंदन लावू नये.

6. देवासाठी प्रज्वलित केल्या जाणाऱ्या दिव्याखाली तांदूळ ठेवणे आवश्यक आहे. पूजेच्या वेळी कधीही दिव्याने दुसरा दिवा लावू नये.

7. दररोज पंचदेव – सूर्य, श्री गणेश, दुर्गा, शिव आणि श्री विष्णू देवाची पूजा केली पाहिजे.

8. रोजच्या पूजेमध्ये देवाची सकाळी आणि संध्याकाळी आरती करावी. शक्य असल्यास, आपण ते पाचवेळा देखील करू शकता. तसे दिवसातून किमान एकदा तरी आरती करणे आवश्यक आहे.

9. नेहमी उभी राहून आरती करा आणि प्रथम ती आरती आपल्या दैवताच्या पायाकडे चारवेळा, नंतर दोनदा नाभीच्या दिशेने आणि शेवटी एकदा चेहऱ्याच्या दिशेने ओवाळा. हे एकूण सात वेळा करा. आरती केल्यानंतर त्यातून पाणी फिरवा आणि प्रसादाच्या स्वरूपात सर्व लोकांवर शिंपडा.

10. आसन केल्याशिवाय पूजा करू नये. पूजेनंतर आपल्या आसनाखाली दोन थेंब पाणी ओता आणि कपाळावर लावा व नंतरच जागेवरून उठा. अन्यथा तुम्ही केलेल्या पूजेचे फळ देवराज इंद्राकडे जाते. (These are the special rules of daily worship at home; Such worship yields immediate effects)

कोरोनाची तिसरी लाट ‘या’ महिन्यांत शिखर गाठेल; शास्त्रज्ञांनी वर्तवला अंदाजhttps://t.co/GqMoBgMY9d#Corona |#ThirdWave |#ScientistPredict |#Patients

— TV9 Marathi (@TV9Marathi) August 30, 2021

इतर बातम्या

Video | क्रिकेटपटू डेव्हिड वॉर्नर बनला रजिनकांत, केला ऐश्वर्या रायसोबत धमाकेदार डान्स

युरोपात कोरोनाचा कहर, डिसेंबरपर्यंत 2 लाखांहून अधिक लोकांचा मृत्यू होण्याची शक्यता; WHO ला भीती