AUS vs IND 2nd test | कर्णधार अजिंक्य रहाणेची झुंजार अर्धशतकी खेळी, मानाच्या पंगतीत स्थान

अजिंक्य रहाणेच्या कसोटी कारकिर्दीतील हे 23 वं अर्धशतक ठरलं.

AUS vs IND 2nd test | कर्णधार अजिंक्य रहाणेची झुंजार अर्धशतकी खेळी, मानाच्या पंगतीत स्थान

मेलबर्न : ऑस्ट्रेलिया विरुद्ध टीम इंडिया (AUS vs IND 2nd test) यांच्यात मेलबर्न येथे बॉर्डर-गावसकर ट्रॉफीतील (Border Gavskar Trophy) दुसरा कसोटी सामना खेळण्यात येत आहे. बॉक्सिंग डे कसोटी (Boxing Day Test) सामना आहे. मराठमोळ्या अजिंक्य रहाणेच्या (Ajinkya Rahane) खांद्यावर टीम इंडियाची नेतृत्वाची जबाबदारी आहे. रहाणेने गोलंदाजांचा अचूक वापर करत कांगारुंना पहिल्या डावात 195 रोखले. यानंतर फलंदाजीतही रहाणेने आपली चूणुक दाखवली. रहाणेने शानदार अर्धशतक ठोकलं. रहाणेच्या कसोटी कारकिर्दीतील हे 23 वं अर्धशतक ठरलं. यासह रहाणेला मानाच्या पंगतीत स्थान मिळालं आहे. (Ajinkya Rahane Become 5tH India Captain Who Scored 50 Against australia in boxing day test )

रहाणे बॉक्सिंग डे कसोटी सामन्यात ऑस्ट्रेलियविरोधात अर्धशतक लगावणारा पाचवा कर्णधार ठरला आहे. याआधी टीम इंडियाकडून कपिल देव, सचिन तेंडुलकर, सौरव गांगुली, विराट कोहलीने अशी कामगिरी केली होती. यामुळे रहाणे हा पाचवा भारतीय कर्णधार ठरला आहे.

पहिल्या दिवसाचा खेळ संपला तेव्हा टीम इंडियाची 36-1 अशी धावसंख्या होती. दुसऱ्या दिवसाचा खेळ सुरु झाला. शुभमन गिल आणि चेतेश्वर पुजारा या जोडीने दुसऱ्या विकेटसाठी एकूण 61 धावांची भागीदारी केली. यानंतर युवा शुभमन गिल 45 धावावंर बाद बाद झाला. गिल मागोमाग चेतेश्वर पुजाराही 17 धावांवर माघारी परतला. त्यामुळे टीम इंडिया अडचणीत सापडली.

मात्र अशा स्थितीत रहाणेने आपल्यातले नेतृत्वाचे कौशल्य दाखवले. रहाणेने हनुमा विहारीच्या मदतीने स्कोअरकार्ड हलता ठेवला. यानंतर या दोघांनी चौथ्या विकेटसाठी 52 धावांची भागीदारी केली. यानंतर हनुमा विहारीही 21 धावांवर बाद झाला.

यानंतर रिषभ पंत मैदानात आला. रहाणे-पंत जोडीने पाचव्या विकेटसाठी 57 धावा जोडल्या. टीम इंडियाकडून चौथ्या आणि पाचव्या विकेटसाठी अर्धशतकी भागीदारी झाली. पंत 29 धावा करुन तंबूत परतला. मात्र या भागीदारीला शतकी भागीदारीत बदलता आले नाही. पंत बाद झाल्यानंतर रवींद्र जाडेजा मैदानात आला. रहाणेने चौकार ठोकत आपल्या कसोटी कारकिर्दीतील 23 वं अर्धशतक साजरं केलं.

संबंधित बातम्या :

Ind Vs Aus : अजिंक्य रहाणे- मराठमोळा झुंजार सेनापती

(Ajinkya Rahane Become 5tH India Captain Who Scored 50 Against australia in boxing day test)

Click on your DTH Provider to Add TV9 MARATHI