IPL 2021: मुंबई इंडियन्स संघात बदल, अर्जुन तेंडुलकर स्पर्धेबाहेर, नव्या खेळाडूला संधी, ‘हे’ आहे कारण
महान क्रिकेटपटू सचिन तेंडुलकरचा मुलगा अर्जून तेंडुलकर यंदा पहिल्यांदाच आयपीएलमध्ये सहभागी झाला होता. मुंबई इंडियन्स संघाने त्याला विकत घेतलं होतं. पण अद्यापही त्याने एकही आयपीएल सामना खेळलेला नाही.
IPL 2021: आयपीएलच्या 14 (IPL 2021) व्या पर्वातील 42 वा सामना मंगळवारी अबुधाबीच्या शेख झायद मैदानात खेळवला गेला. मुंबई इंडियन्सने अखेर या सामन्यात विजय मिळवला. दुसऱ्या पर्वाच्या सुरुवातीपासून सलग तीन सामने पराभूत झाल्यानंतर मुंबईने पंजाब किंग्जवर (MI vs PBKS) 6 विकेट्सनी विजय मिळवला. दरम्यान या सामन्यानंतर लगेचच संघात एक बदल करण्यात आला आहे. संघाचा युवा खेळाडू अर्जुन तेंडुलकर (Arjun Tendulkar) याच्या जागी सिमरनजीत सिंग (Simranjeet singh) याला संधी देण्यात आली आहे.
अर्जुन तेंडुलकरला दुखापत झाल्यामुळे तो उर्वरीत आयपीएलसाठी खेळू शकणार नाही. त्यामुळे त्याच्या जागी सिंगला संधी देण्यात आली आहे. सिंग हा उजव्या हाताचा मध्यमगती गोलंदाद असून त्याने विलगीकरणाचा कालावधी संपवून आता संघासोबत सराव करण्यास सुरुवात केली आहे. अर्जूनच्या जागी सिमरनजीतला संघात घेण्याबाबतची माहिती मुंबई इंडियन्सने नुकतीच त्यांच्या सोशल मीडियावरुन दिली आहे.
View this post on Instagram
आयपीएल 2021 लिलावात अर्जुन आकर्षणाचा मुद्दा
अर्जुन तेंडुलकर हा या इंडियन प्रिमीयर लीग 2021 च्या लिलावातील आकर्षणाचा मुद्दा ठरला. अर्जुनला मुंबई इंडियन्सने (Mumbai Indians) त्याच्या 20 लाखांच्या बेस प्राईजमध्ये खरेदी केलं. दरम्यान यानंतर अर्जुनवर सोशल मीडियावरुन घराणेशाहीच्या मुद्यावरुन जोरदार टीका करण्यात आली होती.
मुंबई इंडियन्स संघाचे उर्वरीत सामने
– 02 ऑक्टोबर (शनिवार): मुंबई vs दिल्ली कॅपिटल्स, दुपारी 3:30 वाजता, शारजाह – 05 ऑक्टोबर (मंगळवार): मुंबई vs राजस्थान रॉयल्स, सायंकाळी 7:30 वाजता, शारजाह – 08 ऑक्टोबर (शुक्रवार): मुंबई vs सनरायजर्स हैद्राबाद, दुपारी 3:30 वाजता, अबू धाबी
हे ही वाचा
IPL 2021: दिल्लीचा विजयी रथ थांबवण्यात कोलकात्याला यश, 3 गडी राखून मिळवला दमदार विजय
(Arjun Tendulkar Out of IPL 2021 Mumbai Indians have added Simarjeet Singh as his injury replacement)
