हरमनप्रीतची जागा स्मृतीने घेतली, आता संघाचीही घोषणा; झिम्बाब्वेविरुद्ध नव्या पर्वाची सुरुवात, जाणून घ्या संघात कुणाला स्थान?

झिम्बाब्वेविरुद्धच्या टी-२० आणि एकदिवसीय मालिकेसाठी भारतीय महिला संघांची घोषणा करण्यात आली आहे. महिला निवड समितीने झिम्बाब्वेविरुद्धच्या मुथूट फिनकॉर्प टी-२० आणि एकदिवसीय मालिकेसाठी भारताचा संघ जाहीर केला आहे. टी-२० मालिका रायपूरमध्ये, तर एकदिवसीय मालिका वडोदरा येथे खेळवली जाणार आहे. भारतीय महिला संघाच्या कर्णधारपदी नियुक्ती झाल्यानंतर स्मृती मानधनाचा हा पहिलाच दौरा असणार आहे. झिम्बाब्वेविरुद्धच्या आगामी एकदिवसीय आणि टी-२० मालिकेत स्मृती मंधाना सर्व फॉरमॅटची कर्णधार म्हणून घोषित झाल्यानंतर पहिल्यांदाच भारताचे नेतृत्व करणार आहे. मंगळवार ६ ऑक्टोबर रोजी कर्णधारपदावरून पायउतार होण्याची घोषणा करणाऱ्या हरमनप्रीत कौरकडून मंधानाने कर्णधारपदाची जबाबदारी स्वीकारली आहे. १६ ऑक्टोबरपासून सुरू होणाऱ्या तीन टी-२० आणि एकदिवसीय सामन्यांच्या पहिल्या द्विपक्षीय आंतरराष्ट्रीय मालिकेत भारत आणि झिम्बाब्वे आमनेसामने येतील. ...