IPL 2022, DC vs LSG : लखनौकडून सातव्या विजयासह प्लेऑफसाठी दावा, दिल्लीचा सहा धावांनी पराभव, पाहा Highlights Video

मुंबई : आयपीएलच्या (IPL 2022) पंधराव्या सीजनमधील 45 व्या सामन्यात लखनौ सुपर जायंट्सचा (LSG) कर्णधार राहुलने नाणेफेक जिंकून प्रथम फलंदाजी करण्याचा निर्णय घेतला. लखनौने 20 षटकांत 3 गडी गमावून 195 धावा केल्या. कर्णधार केएल राहुलने 77 आणि दीपक हुडाने 52 धावा केल्या. प्रत्युत्तरात दिल्लीचा (DC) संघ 20 षटकांत 7 गडी गमावून केवळ 189 धावा करू शकला. यामुळे आजचा सामना लखनौच्या पदरात पडला. या विजयासह लखनौचा संघ 10 सामन्यांपैकी 7 सामने जिंकून गुणतालिकेत दुसऱ्या क्रमांकावर पोहोचला आहे. त्याचे 14 गुण आहेत. लखनौ संघाने प्लेऑफसाठी आपला दावा मजबूत केला आहे. त्याचवेळी दिल्ली संघाचा नऊ सामन्यांतील हा पाचवा पराभव ठरला. आठ गुणांसह दिल्लीचा संघ गुणतालिकेत सहाव्या स्थानावर आहे. दरम्यान, लखनौचा कर्णधार केएल राहुलने आयपीएल कारकिर्दीतील 29वे अर्धशतक झळकावले. तर हुड्डानेही अर्धशतक ठोकले.

दिल्ली आणि लखनौ सामन्याती सुपर षटकार, VIDEO पाहण्यासाठी इथे क्लिक करा

हे सुद्धा वाचा

Raj Thackeray VIDEO | कोंबडा झाकून ठेवला तरी सूर्य उगवतोच, सभांना आडकाठी करून उपयोग नाही, राज ठाकरेंचा औरंगाबादेत इशारा

IAS Officers : 2019 ला राजीनामा देऊन सुद्धा शाह फैजल सेवेत पुन्हा रुजू होणारेत, कसं शक्य झालं ? नेमके काय आहेत नियम, वाचा…

Nashik Crime : धक्कादायक ! शेतीच्या वादातून शेतकऱ्याला जिंवत जाळले, चौघांविरोधात तक्रार दाखल

Devendra Fadnavis : तुम्ही म्हणजे हिंदू नाही, मुंबईतल्या सभेत उद्धव ठाकरेंवर बोलता बोलता फडणवीसांनी शब्द का फिरवले ?

दिल्ली संघ अपयशी

दिल्ली कॅपिटल्स संघाची सुरुवात खराब झाली. दुसऱ्याच षटकात वेगवान गोलंदाज दुष्मंथा चमीराने संघाला पहिला धक्का दिला. त्याने पृथ्वी शॉला कृष्णप्पा गौतमकडून झेलबाद केले. शॉला सात चेंडूंत पाच धावा करता आल्या. पृथ्वी शॉनंतर डेव्हिड वॉर्नरही पॅव्हेलियनमध्ये परतला आहे. वॉर्नरला तीन धावा करता आल्या. शॉला दुष्मंथा चमीराने पॅव्हेलियनमध्ये पाठवले. त्याचवेळी मोहसीन खानने वॉर्नरला आयुष बडोनीकडून झेलबाद केले. दिल्ली कॅपिटल्सला आठव्या षटकात तिसरा धक्का बसला. सामन्यात पहिल्याच चेंडूवर चांगली फलंदाजी करणाऱ्या मिचेल मार्शला कृष्णप्पा गौतमने पॅव्हेलियनमध्ये पाठवले. मार्श 20 चेंडूत 37 धावा काढून बाद झाला. त्याने आपल्या खेळीत तीन चौकार आणि तीन षटकार मारले. डावखुरा वेगवान गोलंदाज मोहसीन खानने दिल्लीचा कर्णधार ऋषभ पंतला क्लीन बोल्ड केले.

मोहसीन खान, VIDEO पाहण्यासाठी इथे क्लिक करा

Ghaatak gendbaazi yet again. Khan sahab’s on a roll! ⁰@mohsin07khan ⁰#AbApniBaariHai?#IPL2022 ? #bhaukaalmachadenge #lsg #LucknowSuperGiants #T20 #TataIPL pic.twitter.com/pXFfTCsHb1

— Lucknow Super Giants (@LucknowIPL) May 1, 2022

लखनौनं काय केलं?

लखनौच्या संघाला पाचव्या षटकात 42 धावांवर पहिला धक्का बसला. शार्दुलने क्विंटन डी कॉकला ललित यादवकडून झेलबाद केलं. डी कॉकने 13 चेंडूत 23 धावा केल्या. त्यानंतर लखनौला दुसरा धक्का दीपक हुड्डाचा बसला. 15व्या षटकात लखनौला 137 धावांवर दुसरा धक्का बसला. शार्दुलने त्याच्याच चेंडूवर दीपक हुडाचा झेल घेतला. हुडाने 34 चेंडूत 52 धावांची खेळी खेळली. बाद होण्यापूर्वी हुडाने कर्णधार केएल राहुलसोबत 61 चेंडूत 95 धावांची भागीदारी केली होती.लखनौला 19व्या षटकात 176 धावांवर तिसरा धक्का बसला. शार्दुल ठाकूरने लखनऊचा कर्णधार केएल राहुलला बाऊंड्री लाइनवर ललित यादवकडून झेलबाद केलं. राहुलला 51 चेंडूत 77 धावा करता आल्या. तिन्ही विकेट शार्दुल ठाकूरने घेतल्या आहेत.