IND vs AFG | अफगाणिस्तान विरुद्धच्या टी 20 सीरिजसाठी टीम इंडिया जाहीर, रोहित शर्मा कॅप्टन
India vs Afghanistan T20i Series | बीसीसीआयने टी 20 सीरिजसाठी भारतीय संघाची घोषणा केली आहे. टीममध्ये रोहित शर्मा-विराट कोहली परतले आहेत. तर दुखापतीमुळे बऱ्याच खेळाडूंना दुखापतीमुळे स्थान देण्यात आलेलं नाही.
मुंबई | अफगाणिस्तान टीम इंडिया विरुद्ध टी 20 मालिका खेळणार आहे. एकूण 3 सामन्यांची ही टी 20 मालिका असणार आहे. या मालिकेला 11 जानेवारीपासून सुरुवात होणार आहे. या मालिकेसाठी बीसीसीआयने भारतीय संघाची घोषणा केली आहे. टीममध्ये रोहित शर्मा आणि विराट कोहली या दोघांची एन्ट्री झाली आहे. रोहित शर्मा याला टीम इंडियाच्या कॅप्टन्सीची जबाबदारी देण्यात आली आहे.
एका बाजूला विराट कोहली आणि रोहित शर्मा परतल्याचा क्रिकेट चाहत्यांना आनंद आहे. तर दुसऱ्या बाजूला एका झटक्यात 4 खेळाडू हे मालिकेत नसणार आहेत. हार्दिक पंड्या, ऋतुराज गायकवाड आणि सूर्यकुमार यादव या तिघांना दुखापतीमुळे खेळता येणार नाही. तसेच ईशान किशनही अफगाणिस्तान विरुद्ध खेळणार नाही. तर जितेश शर्मा आणि संजू सॅमसन या दोघांना विकेटकीपर म्हणून संधी देण्यात आली आहे.
टीम इंडियाची घोषणा
🚨 NEWS 🚨#TeamIndia’s squad for @IDFCFIRSTBank T20I series against Afghanistan announced 🔽
Rohit Sharma (C), S Gill, Y Jaiswal, Virat Kohli, Tilak Varma, Rinku Singh, Jitesh Sharma (wk), Sanju Samson (wk), Shivam Dube, W Sundar, Axar Patel, Ravi Bishnoi, Kuldeep Yadav,…
— BCCI (@BCCI) January 7, 2024
टीम इंडिया-अफगाणिस्तान टी 20 सीरिजचं वेळापत्रक
पहिला सामना, 11 जानेवारी, मोहाली.
दुसरा सामना, 14 जानेवारी, इंदूर.
तिसरा सामना , 17 जानेवारी, बंगळुरु
अफगाणिस्तान विरुद्धच्या टी 20 सीरिजसाठी टीम इंडिया | रोहित शर्मा (कॅप्टन), शुबमन गिल, यशस्वी जयस्वाल, विराट कोहली, टिळक वर्मा, रिंकू सिंग, जितेश शर्मा (विकेटकीपर), संजू सॅमसन (विकेटकीपर), शिवम दुबे, वॉशिंग्टन सुंदर, अक्षर पटेल, रवी बिश्नोई, कुलदीप यादव, अर्शदीप सिंग , आवेश खान आणि मुकेश कुमार.
अफगाणिस्तान टीम | इब्राहिम झद्रान (कॅप्टन), रहमानुल्लाह गुरबाज (विकेटकीपर), इकराम अलीखिल (विकेटकीपर), हजरतुल्लाह झझाई, रहमत शाह, नजीबुल्लाह जादरान, मोहम्मद नबी, करीम जनत, अजमुल्लाह उमरजई, शराफुद्दीन अशरफ, मुजीब उर रहमान, फजल हक फारूकी, फरीद अहमद, नवीन उल हक, नूर अहमद, मोहम्मद सलीम, कैस अहमद, गुलबदीन नायब आणि राशिद खान.
